Ríkissaksóknari dæmir sig úr leik

Með ummælum sínum um Evu Joly og þriggja mánaða töf við að koma  gögnum milli embætta  innan  borgarmarkanna er það  deginum ljósara  að  ríkissaksóknari hefur  dæmt  sig úr leik. Líklega er hann er ekki bara vanhæfur,  heldur óhæfur. Þetta er  að verða skrípaleikur hjá honum.Hann  hlýtur  að biðjast lausnar  eftir  það sem á  undan er gengið    og  vegna fjölskyldubandanna sem  hnýta hann við  Exista.

Valtýr vill ráða Evu Joly

Athugasemdir

[ASE (IP-tala skráð) 13.6.2009 kl. 01:25]

Þegar hagsmunir heillar þjóðar og eins manns (og kannski sonar) fara ekki saman, þá verður maðurinn að víkja en ekki þjóðin.  Ekkert persónulegt en þannig er það bara, ekkert flóknara en það. 

Svo ég er hætt að hvetja Valtýr Sigurðsson til að segja af sér, ég ætlast til þess að hann segi af sér.  Ef ekki þá ætlast ég til að honum verði sagt upp, eða settur í "garðyrkjufrí" (gardening leave eins og Bretinn kallar það).

[Gísli Ingvarsson, 13.6.2009 kl. 13:22]

Valtýr er ekki lengur trúverðugur. Hann verður að segja af sér. Það kann að vera persónulegur ósigur eins manns en hann er þvímiður léttvægur í þessu sambandi.

[Sigurður Viktor Úlfarsson, 13.6.2009 kl. 14:24]

Ég hef verið mikill aðdáandi Valtýs, fannst hann standa sig vel t.d. í fangelsismálunum og var ánægður þegar hann var gerður að ríkissaksóknara.  Með ummælunum undanfarna daga hefur hann hins vegar málað sig út í horn.

Það einfaldlega gengur ekki að starfandi ríkissaksóknari sé svona tengdur stærstu rannsókn Íslandssögunnar sem er í fullum gangi þó ekki nema vegna þess að það eiginlega gerir alla starfsmenn hans meira og minna vanhæfa líka.

Finnum eitthvað annað handa Valtý að gera.  Þetta er öflugur maður en á röngum stað miðað við núverandi aðstæður í þjóðfélaginu.

[HH (IP-tala skráð) 13.6.2009 kl. 15:18]

Eiður Guðnason þér er tíðrætt um að eitt og annað sé tortryggilegt eða ekki í lagi. Segðu okkur nú hvernig það var þegar þú varst skipaður sendiherra í utanríkisþjónustunni var engin kunningsskapur eða flokkspólitík sem kom að því máli ? Eru líkur á að þú hefðir verið gerður að sendiherra ef þú hefðir ekki ferið flokksbundinn krati ( samfylkingarmaður eins og það heitir víst núna að vera krati ) og krati á stól utanríkisráðherra ? Varst þ

ú hæfasti maðurinn til að fá starfið eða sá hæfasti til að gegna því ? Hvernig væri að þú skrifaðir eitthvað um mál sem þú þekkir til eins og um hvernig kauin og potið og prúttið ganga fyrir sig í utanríkisráðuneytinu ? Víð bíðum spennt Eiður krati.

[ThoR-E, 13.6.2009 kl. 15:20]

Tek undir þetta, með þessum ummælum sínum dæmdi hann sig úr leik.

Þetta mál er of mikilvægt... við höfum ekki efni á því að hafa svona "brandarakalla" í starfi ríkissaksóknara þegar stærsta efnahagsrannsókn íslandssögunnar er í gangi.. sem þarf án efa stuðning frá þessu embætti.

Burt með Valtý!

[Viðar Ingvason (IP-tala skráð) 16.6.2009 kl. 20:59]

Getur einhver þýtt fyrir mig ummæli vanhæfs dómsmálaráðherra í kvöldfréttum: "staða Valtýs er óbreitt" Er hún virkilega að segja að Valtýr verði áfram í embætti ríkissaksóknara?