Aulafyndni á Austurvelli

Fréttatímar eiga að vera fréttatímar, -   ekki vettvangur   fyrir aulafyndni fréttamanna. Stutt  er síðan fréttamaður RÚV stóð á  Austurvelli og át  harðsoðið  egg. Þetta átti að vera  fyndið   af því að mótmælendur  höfðu kastað  eggjum   í  Alþingishúsið daginn áður. Þetta var hinsvegar  bara bjánalegt.

Í gærkveldi   féll annar fréttamaður   RÚV  í þessa  sömu gryfju ,,--- á  Austurvelli.  Hann vitnaði í hið undurfallega  ljóð  Huldu "Hver á  sér  fegra   föðurland" .  Einhverskonar aulafyndni um "föðurland" af því að  á  Austurvelli  var  næðingur og kuldi, og   orðið  föðurland   er líka  notað um  nærbrækur úr íslenskri ull.  Þetta var heldur ekki  fyndið.

 Fréttastofan  á að halda  sig  við fréttir, en láta  Spaugstofuna um að  segja  brandara , -  sem  Spaugstofumönnum tekst oft  alveg  prýðilega.

Einkennileg tilfinning

Það er einkennileg  tilfinning  sem  fylgir þvi að horfa á   grímuklæddan einbeittan  íslenskan  ungling maska  hverja  rúðuna á  fætur annarri og  valda  tugþúsunda  ef ekki hundruð þúsunda   tjóni. Álengdar stendur lögreglan og hefst  ekki að. Kannski var það skynsamlegt. Reynslan sýnir að þeir sem  voga  sé að blaka  við þessum  svokölluðu  mótmælendum eiga á hættu að vera bæði bitnir og barðir. Svo eru þetta kölluð  friðsamleg mótmæli. !

Hvar erum við eiginlega stödd?

"Að versla bók" og "kolsvört ástarsaga"

Ósköp er hvimleitt  að heyra kvöld  eftir  kvöld  stagast á því í auglýsingu frá  fyrirtækinu sem heitir því rammíslenska  nafni "Office 1"   að "versla  bók". Þetta er  málleysa.  Mér þykir  ólíklegt  að þeir sem unna íslenskri tungu geri  sér  ferð í þessa  verslun   til að kaupa bók, enda þótt  þar sé  verslað með  bækur.

Einkennilegt er  í annarri auglýsingu frá   mikilvirkum  bókaútgefanda  að  heyra  talað um "kolsvarta ástarsögu". Ég verð að  játa í fullri  hreinskilni  að mér  er  alveg fyrirmunað að skilja hvernig  "kolsvört  ástarsaga"  er. Allavega  mun ég ekki "versla mér  kolsvarta  ástarsögu" fyrir þessi jólin.

 

Að sökkva tönnum - Yalu -Yellow

Um  daginn var spurt  hér  hvaðan orð úr  bókarauglýsingu  væru komin.  Talað  var um að  lesendur  gætu  ekki"beðið   eftir að sökkva  tönnunum í meira".  Svarið  við þessu  er  einfalt.  Þetta  er aulaþýðing   ensku. Á íslensku    getur maður  sökkt  sér  niður í  bók  eða  verið niðursokkinn í lestur. En það  er ´ ekki   góð  íslenska  að   tala um að  "sökkva  tönnunum" í  bók.

Önnur ábending um  þýðingar: Á  vefnum   visir.is   var frá því sagt í dag  að  flóttafólk frá Norður Kóreu   flýði  yfir  Gulafljót   til Kína.  Þarna     er   ruglað  saman Yalu River og Yellow  River, Gulafljóti  - Huang He.  Gulafljót   deilir ekki löndum  með  Kinverjum  og  Norður Kóreu  mönnum. Það gerir  Yalu fljót  hinsvegar. Það er  magnað  að  standa á árbakkanum í borginni Dandong, Kína  megin og  horfa yfir  til  Norður Kóreu  og  enn magnaðra  er að  sigla upp  undir  bakkann  Kóreumegin og  sjá  vopnaða  verði  ganga  gæsagang á  árbakkanum.

Yalu fljót  kom mjög   við  sögu í Kóreustríðinu  og  enn stendur  þar sem  minnismerki   sprengd brú yfir   fljótið. Þar um  var  aðalflutningaleið  Kínverja  til  Kóreu.

Stórflóð hafa oft  komið í Gula  fljót og árið  1931  er  talið  að   4  milljónir manna  hafi  drukknað  í einum verstu  flóðum sem  sögur fara.

Það var og !

Netabáturinn fékk færið í skrúfuna. Þekking á  undirstöðuatriðum í  helstu atvinnugreinum  þjóðarinnar er ekki til  staðar á  ritstjórnum.  Næst  fær  líklega  handfærabátur  netin í skrúfuna. Svo  getur  línubátur líklega  fengið  trollið  í  skrúfuna!

Fékk færið í skrúfuna

Hvað kostar svo vitleysan?

Ríkisútvarpið berst í bökkum.  Það  segir upp  fólki. Dregur  svo uppsagnir  til baka.  Það  tikynnir  lokun svæðisútvarps á landsbyggðinni.  Fellur  svo þeirri  ákvörðun . Svæðisútvarp  verður  rekið  áfram.

Það  gefur  auga leið að þessar   ákvarðanir hafa ekki verið mjög  vandlega undirbúnar.

Eftir  að hafa  horft  að hluta  til (gafst  eiginlega upp) á  þáttinn   Gott kvöld á þessu laugardagskvöldi  þá  leyfist manni kannski  að  spyrja: Hvað kostar  svona  vitleysa ? Hvað  kostar einn  svona  þáttur ?  

Veit  að  þetta er ekki  vinsælt  hjá  yngri  kynslóðinni í minni   fjölskyldu. Kannski eru þeir  einu sem  skemmta sér  þokkalega    stjórnandi  þáttarins  og  vinirnir  sem  koma í heimsókn. 

 

Var fleirum brugðið ?

 Mér var verulega brugðið er ég  hlýddi á  sjónvarpsfréttir áðan.  Sagt var frá því að  Davíð Oddsson seðlabankastjóri   hefði mætt á  fund  þingnefndar í morgun "í fylgd lögreglu og lífvarða". Hvar erum við eiginlega stödd? 

 Við höfum fram  til þessa  státað okkur  af því að hér  séu ráðamenn óhultir á almannafæri, andstætt því sem er  í  ýmsum öðrum ríkjum. Jafnframt les maður og  heyrir að  fjölmargir  framámenn úr fjármálalífi hreyfi sig ekki  spönn frá rassi  án lífvarða.

Það er sannarlega illa komið  fyriur  samfélagi okkar , þegar ástandið er orðið  svona.

Mér  finnst þetta  eiginlega þyngra en  tárum taki.

 

Kom á óvart að Davíð upplýsti ekkert

Auglýsingar á aðventu - Einkamálin markaðsvara

Það er  gaman að  fylgjast með  bókaauglýsingunum  á skjánum og í  blöðunum  núna  þegar   bókavertiðin er að hefjast. Þær  eru auðvitað  eins misjafnar og þær  eru margar.

Allt í einu  hefur  skotið upp kollinum  tískuorð,sem ég  minnist ekki  að hafa séð   áður í bókaauglýsingum. Þetta  er  orðið þéttur og  samsetningar þar sem það er  notað.  Ný bók Hallgríms Helgasonar er "þéttasta  bók  Hallgríms".  Í umsögnum  um nýjan krimma Arnaldar  er  talað um  "Einn af þéttustu krimmum Arnaldar" og " þéttbyggð  drama ´í þaulhugsuðum  stíl..." Þetta er  mikil hugmyndaauðgi,  ekki satt? Engu að  síður  hlakka ég til lesa  Arnald um jólin.

Um eina   bók  er  sagt, að  lesendur  geti vart beðið  með  að  sökkva  tönnunum í meira". Ekki  get ég ímyndað mér hvaðan  þessi  líking  kemur.

Sex hundruð blaðsíðna lofgjörð um Ólaf Ragnar Grímsson  forseta Íslands  er  auglýst  með því að   segja,  að sagt sé  frá "..einkamálum hans  sem verið hafa í sviðsljósinu".  Það er sérkennilegt að einkamál þjóðhöfðingjans ,  forseta lýðveldisins   skuli vera orðin  markaðsvara.  Þetta auðveldar manni að  skilja  talið um "Séð og heyrtvæðingu  forsetaembættisins.

En það er  ekki  dónalegt að verslun sem  ber hið rammíslenska  heiti "Office 1" skuli  nú þegar  bókavertíðin er  rétt að  byrja  bjóða  bókina  um  forsetann,sem  sumir  eru farnir kalla  "Bankabókina" , með  50%  afslætti.  Hvað þýðir það  ?  Kannski   er salan  fremur dræm.