Það var og !

Netabáturinn fékk færið í skrúfuna. Þekking á  undirstöðuatriðum í  helstu atvinnugreinum  þjóðarinnar er ekki til  staðar á  ritstjórnum.  Næst  fær  líklega  handfærabátur  netin í skrúfuna. Svo  getur  línubátur líklega  fengið  trollið  í  skrúfuna!

Fékk færið í skrúfuna

Athugasemdir

[Ólafur Gunnarsson, 11.12.2008 kl. 15:51]

Það er ekkert við þessa frétt að athuga. Ég var á netaveiðum í mörg ár og þar voru notuð færi þ.e.a.s. færið var hnítt í baujuna og lá þaðan í drekann til að hægt væri að hífa hana upp á síðuna. Það kann að vera að þú hafir verið á netum en slædduð þið þá upp trossurnar? Það er ekki gáfuleg aðferð og fer ákaflega illa með veiðarfærið.

[Eiður Svanberg Guðnason, 11.12.2008 kl. 16:02]

Það  sem þú nefnir   hef ég alltaf  heyrt kölluð  bólfæri. Færi= handfæri.

[Víðir Benediktsson, 11.12.2008 kl. 21:40]

60 faðma færi, 30 faðma viðbót. Þetta er bara bara tungumál sem netasjómenn og fleiri nota. Trúlega hefur blaðamaðurinn haft þetta orðrétt eftir skipstjóranum. Það eu til margs konar færi. Handfæri, netafæri, línufæri o.s.frv.