Sóða-Moggi slær öll met.

 Grein Sverris Stormskers á bls. 34 í Morgunblaðinu í dag, laugardaginn 12. desember 2009, er eitthvað það sóðalegasta sem lengi  hefur  á  prenti.  Morgunblaðið er komið niður fyrir gamla Þjóðviljann, þegar hann lagðist sem lægst. Hafa ritstjórar blaðsins alls enga sómatilfinningu ? Þetta er  nýtt met í sóðaskap í íslenskri  blaðamennsku. Það er ekki bara búið að breyta blaðinu í ómerkilega flokkspútu heldur er líka búið að breyta blaðsíðum þess í skólpræsi fyrir skít og óþverra.

Öllu  heilbrigðu og  sæmilega hugsandi fólki hlýtur að vera misboðið.

Ekki er langt síðan Morgunblaðið birti rætna  og illkvittna grein um veikindi Ingibjargar Sólrúnar Gísladóttur eftir þennan  sama mann..  Það er  heldur ekki langt síðan  annar ritstjóra Morgunblaðsins skopaðist  að Alzheimersjúkdómnum í alræmdri landsfundarræðu . Og flokksmenn hlógu dátt !

Nú er mælirinn fullur , - og skekinn.  Frá og með næstu mánaðamótum  kemur   Morgunblaðið ekki inn á mitt heimili. Þar með bætist sá sem þetta skrifar í hóp þeirra 12-14  þúsunda, sem  sagt hafa upp áskrift að blaðinu.

Athugasemdir

[Eygló, 12.12.2009 kl. 13:39]

ja, hvurt þó í logandi. Ég hef aldrei verið áskrifandi að dagblaði en ég missi líka af öllu slíku?!

[Eiður Svanberg Guðnason, 12.12.2009 kl. 13:47]

Sendi áskriftadeild svohljóðandi tölvupóst.

Hér með segi ég upp áskrift minni að Morgunblaðinu frá og með næstu mánaðamótum.
Ástæðurnar eru  einkum tvær:
 1.Búið er  að breyta blaðinu úr  fréttablaði í  ómerkilega málpípu öfgaflanna í Sjálfstæðisflokknum.  Fréttaflutningi blaðsins ekki lengur  treystandi.

 2. Hin ástæðan eru  sóðagreinar Sverris  Stormskers sem  eru langt  fyrir  utan og neðan öll velsæmismörk. Engu er líkara en ritstjórar haldi að þeir  geti sent hvaða  sóðaskap sem er inn á  heimili áskrifenda.

  Nú hef ég sem  sagt fengið nóg., -- meira en nóg.  Þessi  ákvörðun er tekin eftir vandlega íhugun.

  Vinsamlega staðfestið með  tölvupósti á þetta netfang að áskriftaruppsögnin hafi verið móttekin.

Kær kveðja / Regards / Vinarliga  -  Eiður

Eiður Svanberg Guðnason, fv. sendiherra,former ambassador.
Bjarkarási 18       210 Garðabæ     
Hs [phone]       
Farsími [phone]

[hilmar jónsson, 12.12.2009 kl. 13:55]

Skil þessi viðbrögð þín mjög vel Eiður.

[Heimir Lárusson Fjeldsted, 12.12.2009 kl. 16:09]

Ég er sammála höfundi um sóðaskapinn. Dettur hinsvegar ekki í hug að skemmta skrattanum með því að segja blaðinu upp.

[Kristinn Pétursson, 12.12.2009 kl. 16:37]

Eiður segir mogganum upp í fúlustu alvöru - og skemmtir sér (við það) í fúlustu alvöru

Ég man þá tíð þegar allt var vitlaust út af Megas - hverju sagði Eiður þá upp?

Listamenn hafa stundum komist upp með ýmsilegt sem örðum líðst ekki - án þess að ég sé neitt að mæla með orðavali Stormskers eða hegðun listamanna sem við skiljum stundum ekki.   Ég treysti mér ekki í það dómarasæti - hvað þá að fara að skemmta mér í fúlustu alvöru yfir þessu.

Listasafn á Ítalíu var fyrir hrikalegu áfalli í fyrra. Listamaður skeit í niðursuðudósir fyrir mörgum áratugum. Eins dósin sprakk í fyrra - og það varð rosalegt tjón sem fjallað var um í listaheiminum global... 

Tjónið var ekki út af  það væri "skítalykt  af málinu"  - það var ekkert minnst á það.   Tjónið var glataða  en það góða var að nokkrar voru eftir svo tjónið varð ekki eins hrikalegt. ....  

Ég kann ekki heldur að leggja mat á svona list - en ég ráðlegg mönnum að fara varlega í fúlustu alvöru yfir skrifum Sverri Stormsker  og orða valið hjá honum - hver er munur á því  eða orðavali Megasar - og var ekki nóg  -  eineltið á Megasi forðum daga.

[Kalli Sveinss (IP-tala skráð) 12.12.2009 kl. 17:01]

Frábæri Svanberg !

 Ja hérna. - Og þú sem varst blaðamaður á Alþýðublaðinu " til forna" !

 Fannstu þig tilneyddan til að lesa  allt sem þar gaf að lesa ?

 Alla pistla t.d. " Hannesar á Horninu" ?

 Stundum hækkaði blóðþrýstingurinn svo rosalega hjá gömlu fólki - eftir lestur " Hannesar" - að viðkomandi urðu að taka sprengitöflur !!

 Eða þegar Benni Gröndal þýddi " Canadian Mounted police" - sem " Kanadíska FJALLA-lögreglan" ! - Þá fékk margur aðdáandi enskrar tungu - hreint hland fyrir hjartað !!

 Enn - menn héldu áfram að kaupa Alþýðublaðið. Ja, þangað til það var komið niður í 4 síður !

 Svona, svona Eiður minn.

 Stormsker er fyrirbrigði.

 Ólafur Friðrikss., var fyrirbrigði !

 Nefndu ekki  "rússneska" strákinn !

 Samt héldu menn áfram að kaupa blaðið. !

 Menn sungu: " Sjá roðann í austri - hann brýtur sér braut,

 fram bræður - það dagar nú senn".

 Ekki nema 10 dagar í sólstöður - þá fer aftur að daga !

 Komdu nú ! - "Blað allra landsmanna , þarfnast þín" !

 Gleymdu ekki heilagri ritningu.:" Það er meiri gleði á himmnum yfir einum syndara sem gerir iðrunn - en níutíu og níu ( 99 ) réttlátra sem ekki þurfa iðrunnar með" !

 Heill þér góði EÐAL-krati !

[Hafsteinn Viðar Ásgeirsson, 12.12.2009 kl. 17:40]

Snepillinn þessi, jafn fyrirsjáanlegur og hann er alla daga orðið, á sáralítið erindi til fólks. Það er ekkert mark á "fréttum" takandi svo sægreifar geta sótt sér lesendur annarsstaðar en hjá mér og mínum.

[Eiður Svanberg Guðnason, 12.12.2009 kl. 17:42]

 Fjallalöggan var nú  líkast  til í Mogga,  - allveg eins og lögreglumaðurinn Fake og  Búlgarinn Hideout og nú síðast borgin Aboriginal í Ástralíu ! Fjóluakur Moggans er firnastór. Mun ekki sakna   þýðingarsnilldar Moggans.

[Eiður Svanberg Guðnason, 12.12.2009 kl. 17:46]

 Leiðrétting: , -- alveg  eins og....

[Sævar Finnbogason, 12.12.2009 kl. 17:52]

Ef þetta væri nú það sóðalegasta í mogganum....

[Sævar Finnbogason, 12.12.2009 kl. 17:56]

Sóðalegra fannst mér nú viðtal Agnesar Bragadóttur við Davíð Oddson hér um árið, uppfullt af rangfærslum. Nei hver röndóttur nú er gaurinn orðinn ritstjóri. Maðurinn með ástarbréfin. Það virðist móðga þig minna en að einhver geri sjálfan sig að fífli með heimskulegum greinastúf sem engin nema þeir hörundsárustu geta tekið nægilega alvarlega til að æsa sig yfir

[Gústaf Níelsson, 12.12.2009 kl. 18:37]

Er þetta ekki óþarfa viðkvæmni hjá þér Eiður? Líkt og margir listamenn fyrr og síðar, hefur Sverrir Stormsker ánægju af því að ganga fram af samtíð sinni. Á þetta hafa fleiri bent hér. Er ég las grein Sverris í morgun var mér frekar hlátur í huga en hneykslan. Vissi sem var að enginn sæmilega ærukær maður myndi skrifa svona nema Sverrir og fáir aðrir. Þetta gerir Mogga skemmtilegri og fjölbreyttari en ella. Þess vegna er mér óskiljanlegt að veraldarvanur sósíaldemókrat eins og þú  skulir breytast á augabragði í miðaldra einhleypa breska yfirstéttarkellingu frá 19. öldinni og standa á öndinni af hneykslun yfir skrifum orðháks, sem elskar að hækka blóðþrýstinginn í svoleiðis fólki. Uppsögn þín á Mogga er auðvitað skyndiákvörðun tekin í vanmáttugri reiði. Annars hefðirðu beðið til morguns.

Annars er merkilegt með allt þetta fólks sem segist hafa sagt um Mogganum, hvað það laumast mikið í að les´ann. Þú kannski ástundar bara laumulestur, eins og svo margir?

[Kalli Sveinss (IP-tala skráð) 12.12.2009 kl. 18:42]

Góði Eiður !

 "Former ambassador" ??

 Æ, Æ ! - Við lítillátir lærðum í bernsku, heilræðisvísur Hallgríms P.,

 þ.e. " Varastu spjátur - hæðnishlátur,

 heimskir menn sig STÁTA" !

   Hvað þýðir orðið " former" á tungu feðranna ??

 Þú, af öllum mönnum - sletta " útlensku" ?? !!

 Þetta með borgina "Aboriginal" í Ástralíu ?? !

 Ja hérna, - stundum gott að vera fávís !!

 Einlæglega.

 " Kalli".

[Viskan (IP-tala skráð) 12.12.2009 kl. 19:39]

Merkilegt að sjá ítrekaðar yfirlýsingar fólks um uppsögn á Morgunblaðinu ! Það er greinilegt að fólk byrjar alltaf aftur í áskrift því það virðist alltaf vita meira um hvað skrifað er í Mogganum en þeir sem hafa verið tryggir áskrifendur blaðsins í lengri tíð.

Hvað ert þú Eiður minn búin að hætta/byrja oft í áskrift. Eða lestu Moggann í millitíðinni einhver staðar í leyni, því það eru jú andstæðingar Moggans sem geta manna mest vitnað í Moggann orðrétt.

[Bergþóra Jónsdóttir, 12.12.2009 kl. 19:42]

... mér finnst nú full frjálslega farið með hugtakið "listamaður" að nefna það í sömu andrá og Sverri Stormsker.

[Gústaf Níelsson, 12.12.2009 kl. 21:02]

Mín vegna máttu vera í flokki með Jónasi frá Hriflu, Bergþóra mín. Eða kanntu kannski að greina svo óyggjandi sé á milli þeirra sem teljast listamenn og hverjir ekki?

[Halldóra (IP-tala skráð) 12.12.2009 kl. 21:11]

Sverrir Stormsker á að mínu mati vel heima í Morgunblaðinu. Líkur sækir líkan heim...

Tek reyndar undir með Bergþóru um að mér finnst um of að kalla hann "listamann". Nema það sé þá notað í niðrandi merkingu. 

[Viskan (IP-tala skráð) 12.12.2009 kl. 21:44]

Margir eru á mótfallnir Sverri líkt og Davíð, en eru það ekki merki um að þeir hreyfa við fólki ! Sverrir er tón"listarmaður" og hananú...  

Ekki hef ég lesið enn grein Sverris í Mogganum í dag en ég las áður umdeilda grein hans um Sollu stirðu, og fannst mér hann skjóta full hart í garð sjúkdóms hennar, en að öðru leyti hitti hann í mark að mínu mati !

Svo ýmislegt má að honum finna en að fá hann sem greinarhöfund í Moggann er enn eitt af mörgum "trikkum" Morgunblaðsins til að auglýsa sig, og það ekkert nema jákvætt, því allar auglýsingar eru góðar auglýsingar, ekki satt !!

[Gunnar Jónsson (IP-tala skráð) 12.12.2009 kl. 22:23]

Vill blogghöfundur ekki gjöra svo vel að leggja fram nákvæmar heimildir um fullyrðingu sína "Þar með bætist sá sem þetta skrifar í hóp þeirra 12-14 þúsunda, sem sagt hafa upp áskrift að blaðinu". Hvaðan er sú tala komin?

Varðandi Stormsker. Þá gæti verið að markhópur nýrra áskrifenda, falli betur skrif hans en þeirra sem blogghöfundur hugnast frekar. Gömul saga og ný að kynslóðir hafa ólíkan smekk og að Morgunblaðið hafi meiri áhuga að bæta við þeim yngri.

Rakst á meðfylgjandi skrif á bloggsíðunni og vil góðfúslega spyrja hvaðan heimildir væru komnar um mútuþægni stjórnarandstöðuþingmanna sem stóðu í Icesave baráttunni fyrir hönd 70% þjóðarinnar, og að þær væru birtar? Einnig hvort að skrif sem þessi eru innan siðferðisstuðuls síðuhaldara?

--------

2

Eiður, kemur þér þetta á óvart? Varla, þú ert ekki það „naive“. Flestir fulltrúa Íhaldsins og hækjunnar á okkar Alþingi eru mútuþegar.

Þeir taka við skipunum frá þeim sem borguðu. Og hún er; náið völdum og stöðvið allar rannsóknir varðandi hrunið og spillinguna.

Haukur Kristinsson (IP-tala skráð) 3.12.2009 kl. 18:39

-----------------

3 Eiður Svanberg Guðnason

Þetta er sennilega hárrétt hjá þér, Haukur.

Eiður Svanberg Guðnason, 3.12.2009 kl. 18:42

[Viskan (IP-tala skráð) 12.12.2009 kl. 22:46]

Fullyrðingar nýtilkomna Moggahatara um uppsagnir á blaðinu eru eins reikular eins og ölduhæðir í lægðum, því miður.

Að 12-14 þúsund manns hafi sagt upp blaðinu, ég beið bara eftir að einhver mundi höggva eftir þessari setningu og ætla nú að ræða hana frekar í ljósi aðstæðna.

DV og fleiri miðlar hafa reynt af fremsta megni að fá upp tölur um uppsagnir á mogganum en hafa ekki haft erindi sem erfiði. Svo mikið veit ég því ég eins og svo margir á þessu landi þekki ég aðila sem "þekkir aðila"....  og í þessu tilviki á Mogganum.

Engar upplýsingar hafa verið gefnar upp um uppsagnir en samkvæmt lauslega áætluðum tölum sem blaðberar hafa gefið til kynna hafa um 2-5 % áskrifenda sagt upp í heild, svona nokkuð lauslega áætlað frá ráðningu Davíðs en efnahagsástandið hefur hins vegar haft ívið meiri áhrif á áskrift að Morgunblaðinu svo ekki eru neinar tölur á hreinu frá áramótum, sem væru einu marktæku tölurnar um brotthvarf áskrifenda að mínu mati.

[Jóhann Kristjánsson, 12.12.2009 kl. 23:01]

Væntanlega ertu þá að stimpla þig út af moggablogginu í leiðinni? Það væri allavega mun eðlilegra þar sem Sverrir bloggar líka á mbl og þið þar með bloggsamherjar ekki satt?

e.s Mjög smart að spila sig soldið stórann kall í augu moggamanna með því að slaufa fv sendiherratitlinum í lok bréfsins til þeirra, Þeir munu sennilega fela sig undir rúmi.....

[(IP-tala skráð) 12.12.2009 kl. 23:48]

Ja hérna hér, ég verð sennilega að fara og kaupa moggann eftir svona svaðalega flotta auglýsingu frá þér gæskur Þetta flokkast nú bara með betri markaðsetningum  mundi ég segja.

[Örn Johnson ´43 (IP-tala skráð) 12.12.2009 kl. 23:54]

Réttið upp hendi sem trúa því í eina sekúndu að Eiður hætti að lesa Moggann. Annaðhvort kaupir hann blaðið úti í sjoppu eða færir áskriftina á konuna. Hann á örugglega eftir að blogga aftur um það sem stendur í blaðinu enda getur hann ekki án þess verið ! Aumingjalegt rugl hjá þér, Eiður. Það er sama hvaðan aurar þínir koma fyrir þennan lestur.

[Eiður Svanberg Guðnason, 12.12.2009 kl. 23:58]

Eldheitum stuðningsmönnum Moggans til huggunar þá sagði ég blaðinu upp frá og með næstu mánaðamótum og mun þá  jafnframt hætta að skrifa á  Moggabloggið. Skrifa þá á mína eigin síðu www.eidur.is   og ef til vill  víðar. Það mun  koma í ljós.

[Viskan (IP-tala skráð) 13.12.2009 kl. 00:02]

Æji, Eiður minn, nú er úti fokið flest öll skjól. En mig langar að hughreysta þig með því að Fréttablaðið er ekki hætt að koma út, það er enn hægt að lesa það endurgjaldslaust...  stutt en laggott...

[Viskan (IP-tala skráð) 13.12.2009 kl. 00:09]

Eiður minn, ekki særast mikið af skrifum mínum. Ég vil bara það besta, en vil bara vekja áhuga á málefnunum í leiðinni.... ekki annað...

[Vilhjálmur Örn Vilhjálmsson, 13.12.2009 kl. 00:17]

Að hugsa sér! Einhver rotinn klámkjaftur nær lengra í verndun skóganna en samanlögð loftslagsráðastefnan í Kaupmannahöfn. Sami dóninn fær Eið til að stofna eigið fyrirtæki, eftir að hafa verið á ríkisspenunum lengur en flestir. Strormsker kom reyndar til tals fyrir friðarverðlaun Nóbels, en hitt fíflið fékk þau.

 Hér undirritar Eiður uppsögn sína frá Morgunblaðinu. Nú má búast við því að dónar og sorakjaftar flykkist á eid.is í nafni líffræðilegs fjölbreytileika.

[Viskan (IP-tala skráð) 13.12.2009 kl. 00:32]

Vihjálmur, hvaða illu hvatir fengu þig til að setja þetta inn og skrifa. Þetta er virkilega skammarlegt hjá þér, en ég ætla ekki að fordæma þig fyrir þetta, enda mun samviska þín fordæma þig nóg fyrir....

[Guðrún Jónsdóttir (IP-tala skráð) 13.12.2009 kl. 01:07]

Sæll Eiður

Ég hef lesið margt eftir Sverri og fundist hann hafa betra vald á Íslensku en flestir mínir landar.

Fyrir mér var þessi grein hanns vörn fyrir kór Filadelfiu.

Þekktur Íslenskur söngvari gagnrýndi kórinn fyrir að fá ekki að syngja með honum á jólatónleikum.

Mér finnst Sverrir vera að verja kórinn með þessari grein.

Hann er að sýna fram á að kórinn geti jafnvel hafnað eitthverjum frægasta söngvara og textasmið Íslands.

ps ég er ekki frá því að Mogga bloggið batni eftir því sem fleiri fara í fýlu.

Kveðja Guðrún Jónsdóttir 

[Þorsteinn Briem, 13.12.2009 kl. 01:44]

Ég hef aldrei séð jafn marga hálfvita og kverúlanta samankomna á einum stað og hér á Moggablogginu.

[Viskan (IP-tala skráð) 13.12.2009 kl. 01:58]

Sammála þér Steini Briem....  allir aðrir en við erum ekkert nema hálfvitar... eða er ég hálfviti eða þú..... !!!!

[Eysteinn Kristjánsson (IP-tala skráð) 13.12.2009 kl. 02:00]

Aðeins út fyrir efnið, fyrst menn minntust hér á kanadísku "fjallalögregluna" og fleira slíkt: Ég man eftir einhverjum "Anonymous" sem átti fjöldan allan af spakmælum og örsögum í "'Úrvali" í gamladaga. Það stóð ekki bara "Anonymous" undir þessum línum, heldur "eftir Anonymous".

Ég hélt náttúrulega að þessi maður hlyti að vera einhver mesti spekingur veraldarsögunnar, enda með þess-lega hljómandi nafn!

Ætli ég hafi ekki verið svona 13 ára þegar ég loks fattaði að hann var eitthvað skyldur hinum fjölþjóðlega "Staff hershöfðingja" (General Staff) Moggans úr Fyrri heimsstyrjöld :)

Hvað um það, Stormsker er oft hryllilega dónalegur og hneyklsandi, enda lifir hann á því. En hann er að sama skapi oft orðheppinn, það tekst sko ekki öllum Mogga-skríbentum að láta mann frussa morgunkaffinu yfir blaðið í hlátursroku (fremur en að svelgjast á því í skinheilagri vandlætingu).

Mér finnst bara ágætt að Stormsker fái að dónast nett í Mogganum, því Anónýmus gamli virðist nú aldeilis eiga undir högg að sækja í íslenskum fjölmiðlum yfir höfuð!

[Sigurjón, 13.12.2009 kl. 05:02]

Sæll Eiður.

Mig rekur ekki minni til þess að hafa í eitt skipti lesið ,,mola um málfar og miðla", án þess að reka mig á a.m.k. eina stafsetningar-, málfars- eða klaufavillu hjá þér.  Þykir mér merkilegt að endurskoðandinn þurfi endurskoðunar við.  Hins vegar hef ég ekki í eitt skipti rekið mig á neina villu hjá Sverri Stormsker.  Hef ég þó gert mér far um að lesa pistla ykkar beggja.  Hvor skyldi nú hafa betra vald á íslenskri tungu?

Mér þykir þig setja verulega niður við þessi orð og athafnir þínar, en það er kannski ekki úr háum söðli að detta.  Ef ég ætti að velja um að lesa þína pistla eða Sverris, væri ég ekki í vafa um hvort ég myndi velja.  Þú hlýtur að skilja að ég velji þann sem hefur húmor, kaldhæðni og betra vald á hinu ástkæra, ylhýra máli okkar.

Kveðja, Sigurjón

[Hilmar (IP-tala skráð) 13.12.2009 kl. 06:27]

Kristinn, Stormsker er ekki Megas og verður aldrei.

Jóhann, hví er athugavert að Eiður sé með í staðlaðri kveðju "fyrrum sendiherra"? Mátt ekki reikna allt út frá sjálfum þér. Þó að menn ættu að skammast sin fyrir það að vera tæknimenn á útvarpi Sögu þá er engin skömm af því að hafa verið sendiherra.

[Haukur Kristinsson (IP-tala skráð) 13.12.2009 kl. 09:04]

Rétt hjá Steina Briem, hér er furðulegt samansafn af hálfvita ummælum. Týpísk „aðfaranótt sunnudags“ ummæli.

Annars væri gaman af fá slóðina á grein Sverris. Er staddur á erlendri grund.  

[Sigurjón Pálsson (IP-tala skráð) 13.12.2009 kl. 10:26]

Sjái ég drullupytt á vegi mínum veð ég ekki út í hann og bölsótast svo yfir honum. Ég sneiði hjá honum. Sama geri ég þegar ég sé grein eftir téðan Stormsker.  Eins fer ég að ef eitthvað er í útvarpi eða sjónvarpi sem ég hef ekki áhug á, þá slekk ég og geri eitthvað betra við tímann.

Mér er fyrirmunað að hafa samúð þeim sem með vaða út í þá pytti sem þeir sjá og tuða svo yfir því. Þeim var nær!

[Óskar Arnórsson, 13.12.2009 kl. 10:50]

Já, þessi Sverrir Stormsker er algjört hneyksli!

"búið að breyta blaðinu í ómerkilega flokkspútu heldur er líka búið að breyta blaðsíðum þess í skólpræsi fyrir skít og óþverra."  segir þú Eiður!

Ég segi! "Megi hann setja þumlana í rassholurnar á sér og draga rassgatið öfugt yfir hausinn á sér!" Þá sér hann ekki lyklaborðið....

Það sem Sverrir getur látið út úr sér er bara óþolandi ... og algjör skandall að öllu leyti ... Hvar er þessi viðurstyggilega grein?.. 

[Sigurður Þórðarson, 13.12.2009 kl. 11:47]

Þetta er misskilningur hjá þér Eiður.

Sverrir Stormsker er hvergi flokksbundinn, hann er alþýðulistamaður sem hefur ekki tamið sér tungutak diplómata.

[Þorsteinn Briem, 13.12.2009 kl. 13:32]

Frjálslyndi flokkurinn hefur ekkert fylgi, aðallega vegna sóðaskrifa meðlima flokksins hér á Moggablogginu.

[Óskar Arnórsson, 13.12.2009 kl. 14:30]

Húsari er algjörlega með þetta. Nú skilur maður allt froðufellandi fólk á moggablogginu...þeir hafa reynt að segja upp blaðinu..

[Þorsteinn Briem, 13.12.2009 kl. 14:56]

Flestum er orðið nákvæmlega sama um Moggann sem er löngu kominn út í Móa.

Og Frjálslyndi flokkurinn er löngu dauður, enda þótt líkið ætli að bjóða sig fram í vor í nokkrum hreppum.

Kirkjugarðsgjöldin að fullu greidd af ríkinu.

[Þorsteinn Sverrisson, 13.12.2009 kl. 15:02]

Sammála.  Afskaplega leiðinlegar greinar og ósmekklegar sem hann hefur verið að skrifa í Moggann. 

[Jóhann Kristjánsson, 13.12.2009 kl. 16:26]

"Hilmar"  Hvar sagði ég að hann þyrfti að skammast sín fyrir að slaufa með kveðjunni? Ertu ekki að misskilja eitthvað núna?

[Haraldur Davíðsson, 13.12.2009 kl. 19:26]

Ef sjónvarpið birtir þátt sem mér leiðist, þá er ég nú aldeilis meira fíflið að sitja kyrr og horfa...það má skiopta um rás, slökkva á tækinu, setja mynd í spilarann nú eða lesa bók í staðinn...

...en eflaust þykir einhverjum gaman að því sem mér leiðist, og öfugt, og ekkert nema gott um það að segja...

Eiður, ef þér líkar ekki ritstíll Monsters, þá vil ég eindregið hvetja þig til að lesa eitthvað annað....ekki láta vanþóknun þína á skrifum eins manns, verða til þess að þú fordæmir manninn og alla þá, í leiðinni, sem hafa gaman af skrifum viðkomandi.

Skoðun þín er skoðun þín...aðrir mega sannarlega hafa aðra skoðun án fordæmingar þinnar.

[Soffía (IP-tala skráð) 14.12.2009 kl. 00:13]

Ef þér mislíka svona skrif Sverris Stormsker af hverju sleppirðu því ekki að lesa þau? Óþarfi að hætta að lesa allt hitt sem hið ágætasta fólk skrifar í Moggann.  En þessi dramatísku viðbrögð þín minntu mig á gamla vísu;

Lastaranum líkar ei neitt
lætur hann ganga róginn
finni hann laufblað fölnað eitt
fordæmir hann skóginn.

Gangi þér vel í einkabisnessnum á eidur.is. 

[Þorsteinn Briem, 14.12.2009 kl. 02:13]

Lánum Davíð laufblað eitt,
lítinn hvetur bóginn,
aulaskrif um ekki neitt,
aldrei lastar róginn.

[Kama Sutra, 14.12.2009 kl. 02:15]

Hið eina sem eftir er þolanlegt í nýja moggaræksninu eru sudoku-gáturnar.  En það fer auðvitað enginn heilvita maður að kaupa áskrift að sneplinum vegna þeirra, þar sem alls staðar er hægt að nálgast góðar sudoku-gátur.  Bestu gáturnar eru á netinu.

[Þorsteinn Briem, 14.12.2009 kl. 03:36]

Vinalegur, velviljaður,
en vitlaus, kolruglaður,
aldrei hryggur, aldrei glaður,
alþýðulistamaður.

[Eiður Svanberg Guðnason, 14.12.2009 kl. 09:02]

Til Soffíu: Þú misskilur. Ég er ekki að fara í neinn einkabusiness,sem þú svo kallar. Ætla  bara að birta hugleiðingar mínar annarsstaðar. Ein af ástæðunum fyrir uppsögn minni á áskrift að Morgunblaðinu  eftir  nær  hálfrar aldar  samvistir er sú að ég vil  ekki þurfa að  fela blaðið  fyrir barnabörnum mínum, þegar þau koma í heimsókn,   vegna klámfyrirsagna.  Það er þitt mál  hvort þú kallar mig lastara og rógbera.  Svona ummæli snerta mig ekki. Ef til vill segja þau meira um þig en  mig.

[Billi bilaði, 14.12.2009 kl. 10:41]

Sigurjón, þessi tvöfalda neitun þín er aðeins að vefjast fyrir mér. Hefur þú séð villur hjá SS eða ekki?

[Haukur Kristinsson (IP-tala skráð) 14.12.2009 kl. 12:30]

Góð spurning hjá Billa billaða. Sigurjón Vilhjálmsson skrifar; Hins vegar hef ég ekki í eitt skipti rekið mig á neina villu hjá Sverri Stormsker. Svo er þessi maður að tala um að hafa vald á hinu ástkæra, ylhýra.....Hann hefði getað reddað þessu með enn einni neitun í viðbót. Hinsvegar hef ég ekki í eitt skipti ekki rekið mig á neina villu.......Flott íslenska!!!!

[Sigurjón, 14.12.2009 kl. 23:56]

Hafið þið greyin ekki gáfur til að lesa þetta rétt út?  Merkingin er auðvitað að ég hef aldrei séð villur hjá SS.  Hef sumsé ekki í eitt skipti séð neina villu hjá honum.  Er þetta eitthvað torskilið?

Svo hefur Haukur Kristinsson ekki efni á því að finna að málfari eða texta annarra.  Þetta líka fargan af punktum, upphrópunarmerkjum og fleira í þeim dúr.  Mjög ljótur texti þar á ferð.

Auk þess er eftirfarandi orðaröð hjá Kristjáni Gauki mjög ljót: ,,...er aðeins að vefjast fyrir mér".  Betra væri að skrifa ,,...vefst aðeins fyrir mér".

Þið opinberið bara eigin vitleysu með svona innleggjum.

[Páll Geir Bjarnason, 15.12.2009 kl. 03:58]

Enda hefur SS prófarkalesara Morgunblaðsins á bakvið sig.

[Alli, 15.12.2009 kl. 09:00]

Á hverju áttu von Eiður, veistu ekki hver er ritstjóri? Hafirðu haldið að Mogginn sé "fréttablað" ertu á miklum villigötum.  Agnes Bragadóttir, Davíð Oddsson og Hannes Hommsteinn geta svosem talið sér tú um að mogginn sé fréttablað en það eru tæplega margir aðrir sem líta á þennan snepil sem "áreiðanlega heimild".

[Jens Ólafsson, 16.12.2009 kl. 00:03]

Eiður:

Horfðu nú bara á björtu hliðarnar. Sjá annars færslu mína; http://kisilius.blog.is/blog/kisilius/entry/993123/.