Þjóðaratkvæði í Bretlandi og Hollandi ?

  Icesave samningurinn er milliríkjasamningur. Ekki er   venja að  þjóðaratkvæðagreiðsla  fari fram um slíka  samninga. En verði það úr,  er þá ekki eðlilegt að Hollendingar og  Bretar  hafi einnig  þjóðaratkvæðagreiðslur  um  Icesave svo  fyllsta jafnræðis sé gætt?  

Skýr vilji þjóðarinnar?

Athugasemdir

[Hans Haraldsson (IP-tala skráð) 10.12.2009 kl. 23:29]

Stjórnir ríkjanna hafa komist að samkomulagi. Þar sem að mjög mikið er í húfi hérna megin er eðlilegt að ríkisstjórnin beri samninginn undir sína umbjóðendur til endanlegs samþykkis eða synjunar.

Bretar og Hollendingar eiga vitaskuld rétt á að gera slíkt hið sama ef þeim þykir tilefni til.

Annars er þetta áhugaverður málflutningur frá krata er (eða var a.m.k einhvern tímann) málsmetandi. Inngöngusáttmáli við Evrópusambandsríkin er milliríkjasamningur líka.

[Kristinn Pétursson, 10.12.2009 kl. 23:40]

"Til að fyllsta jafnræðis sé gætt" - þar fyrst að semja um að skipta skaðanum jafnt pr. íbúa þessara þriggja landa - þá  er jafnræði - annars ekki.

[Eiður Svanberg Guðnason, 10.12.2009 kl. 23:53]

 Hans  Haraldsson, ég  tek  pillur þínar um málsmetandi eða ekki málsmetandi menn ekki nærri mér. Þetta er þitt mat á mér og  ekki er um það að deila frekar en smekk. Ekki líkja aðildarsamningi að ESB við Icesave. Ekki sambærilegt á neinn veg.

[Einar Þór Strand, 13.12.2009 kl. 00:23]

Eiður það er eitt sem ég get ekki skilið og það er, það kemur tilskipun frá framkvæmdastjórn ESB sem leyfir bankastarfsemi yfir landamæri og í raun bannar skorður við þessari starfsemi.  En setur svo ábyrðina á í okkar tilfelli á ca 0,5 prómill íbúanna á mögulegu starfssvæði.  Þetta sýnir hvað framkvæmdastjórn ESB er veruleikafirrt og í raun óhæft til að sinna því hlutverki sem hún sinnir.  Hefðu þessir aðilar haft eitthvað smá vit í kollinum þá hefðu þeir sett upp einn tryggingarsjóð á öllu svæðinu til að klára málið.

Það styður líka mína skoðun á framkvæmdastjórninni að eftir að menn sjá hvernig getur farið, þá er ekkert gert.  Hvorki er boðist til að koma að málinu eða reynt að koma í veg fyrir svipuð mál í framtíðinni allavega ekki komið enn og það er hugsanlegt að það geti komið eitt kerfishrun á fyrri parti næsta árs, eftir Dubai áfallið.