Ekki einleikið með blessaðan Moggann !

 Það  er  ekki einkleikið hvað Moggamönnum gengur oft illa að  snara  erlendu  efni yfir á íslensku.

 Í þessari frétt stendur:

 "Rússar minnast þess í dag að nítíu ár eru frá því síðasti keisari þeirra Tsar Nicholas II og fjölskylda hans voru tekin af lífi.",segir í þessari frétt um Nikulás  Rússakeisara.   

Í prentaðri útgáfu  blaðsins í dag segir  frá snekkju  rússnesks  auðkýfings  en    þar er  "..diskótek með  glasþaki  sem er staðsett undur  sundlauginni."  Hvernig  glas? Líklega kampavínsglas, -- eða  hvað ?

Ekki eru nema fáir dagar síðan  jökulhlaup eða framhlaup  á  Grænlandi ,sem varð tveimur dönskum ferðamönnum að bana,  var sagt  vera "ísjaki sem brotnaði".

Þeir sem komnir eru á  efri ár muna   eftir Staff hershöfðingja   ,  Búlgaranum Hideout og   lögreglumanninum  Fake.

Kannski væri ráð  fyrir  Mogga  að gefa þessum  skriffinnum orðabók. Það  dugar þó líklega ekki til.

Nú þarf nýr  ritstjóri að nota  sinn nýja vönd og sópa betur !

 

Keisarafjölskyldunnar minnst

Athugasemdir

[Svanfríður (IP-tala skráð) 17.7.2008 kl. 16:58]

Já, og svo eru líka NÍTÍU ár frá því að þau voru myrt.

[Svenni (IP-tala skráð) 17.7.2008 kl. 20:33]

Það er löngu kominn tími á að fréttamenn mbl.is, ef hægt er að kalla þá það, séu látnir skrifa undir nafni. Ekki nóg með að íslenskukunnáttu þeirra sé alvarlega ábatavant í mörgum tilfellum að þá eru fréttirnar oft einfaldlega rangar sem orsakast sennilega af lélegum þýðingum. Þetta er orðið svo pínlegt á stundum að maður veltir því fyrir sér hvort mbl hafi nokkurn áhuga á að teljast alvarlegur fjölmiðill.