Staðfesting þess sem vitað var

   Þetta staðfestir  aðeins það sem lengi hefur verið  vitað. Stór hluti VG er í   stjórnarandstöðu.  Þótt  Steingrímur J. hafi um flest staðið sig  frábærlega vel í einhverju erfiðasta hlutverki,sem  nokkur íslenskur  stjórnmálamaður hefur þurft að fást við, þá er hann með þverklofinn flokk að baki sér. VG  eru þessvegna ekki stjórntækur eða stjórnhæfur flokkur.  Það er ekki hægt að vinna með  fólki sem hangir á ítrustu kröfum eins og hundar á  roði. Það málar sig alltaf út í horn og notar til þess  málningu sem aldrei þornar. Þar innanborðs eru líka einstaklingar sem  sýnast daðra við anarkisma, hentistefnu og popúlisma.

 Stjórnmál eru sögð list hins mögulega. Í flokkakerfi eins og  okkar byggjast stjórnmál á málamiðlunum. Það fá aldrei  allir allt sitt fram. Það tók núverandi forsætisráðherra áratugi að skilja það. Hluti VG skilur  þetta ekki. Þessvegna er ekki hægt að  vinna með  þeim.

Samráð um hjásetu

Athugasemdir

[Jonni (IP-tala skráð) 20.12.2010 kl. 10:30]

Mér sýnist þessi hópur innan VG vera þau sem vilja standa við það sem þau sögðu kjósendum fyrir kosningar. Það er óþarfi að vera að hnýta í þau fyrir það. Þau átta sig líka á því að VG hefur töglin og haldirnar, enda er Samfylkingin komin á endastöð, eins og ágætt Reykjavíkurbréf um helgina fjallar um.

Varðandi Steingrím og hvað hann "hefur staðið sig frábærlega", þá er gaman að sjá svona "sarcastic" komment frá þér, svona til að hressa mann við á mánudagsmorgni. Þú átt að vera góður við Steingrím. Karl greyið stendur berstrípaður og rúinn trausti, búinn að svíkja öll sín loforð, hefur gert allt öfugt við það sem hann sagði fyrir kosningar. Búinn að sækja um í ESB, hefur einkavætt fleiri banka og fyrirtæki en sjálfur Davíð, hlýðir AGS í einu og öllu, stendur fyrir mesta leyndarmakki sem íslensk stjórnsýsla hefur séð, og er búinn í þrígang að reyna að koma skuldum óviðkomandi einkabanka á íslenskan almenning. Og stóð núna nýlega fyrir því að setja af stað óhuggulegustu pólitísku réttarhöld sem Ísland hefur séð. Ég held að við þurfum ekki á þesum manni að halda. Kannski hefur hann "staðið sig vel" á einhverjum mælikvarða sem Samfylkingin notar?

[Þórir Kjartansson, 20.12.2010 kl. 17:37]

Það viðurkenna allir skynsamir og sanngjarnir menn að Steingrímur hefur staðið sig vel í sínu erfiða hlutverki. Þeir sem ekki gera það eru annað hvort illa haldnir af pólitísku blindunni eða  sú manngerð sem skammast alltaf út í allt og alla.

[Eyjólfur G Svavarsson, 20.12.2010 kl. 18:00]

Þórir" Ég mæli með því að þú teljir upp það sem hann hefur gert vel, því að ef ég er svo blindur að ég sjái það ekki, þá væri gott fyrir mig að fá að sjá það á prenti!!!! kv Bláskjár.

[Gunnlaugur Ingvarsson (IP-tala skráð) 20.12.2010 kl. 18:06]

Grasrót VG vill að forystan standi við kosningaloforðin en láti ekki frekjustjórnmál Samfylkingarinnar og ESB trúboð þeirra valta endalaust yfir sig. 

Um þetta snúast málin.

Það verður aldrei friður eða eining meðal þjóðarinnar  um eitt eða neitt hvorki í þessari ríkisstjórn eða annarri sem stendur að þessari ESB umsókn í gríðarlegri andstöðu við stærstan hluta þjóðarinnar.

ESB umsókninn er versti sundurlyndisfjandi þessarar ríkisstjórnar og þessarar þjóðar allrar !

[josef Ásmundsson (IP-tala skráð) 20.12.2010 kl. 19:42]

í stjórnarskránni stendur þetta um skyldur þingmanna:Þingmaður er eingöngu bundinn af sannfæringu sinni en ekki við fyrirmæli frá kjósendum eða þeim flokki sem hann tilheyrir.Þegar þingmaður tekur sæti á alþingi vinnur hann drengskapareið að stjórnarskránni.

[Þórir Kjartansson, 20.12.2010 kl. 20:23]

Það virðist  hafa farið fram hjá nokkrum hópi manna að hér varð algert efnahagshrun. Fámennum hópi fjárglæframanna, sem margir nutu velþóknunar þáverandi stjórnvalda tókst að ryksuga nánast hverja krónu upp úr hverri hirslu og stinga síðan  undan eins miklu af þeim sjóðum og þeir höfðu vit til eða sólunduðu því í vitleysu.   Halda virkilega einhverjir að það komi hvergi við að rétta skútuna af eftir slíkar hamfarir?  Miðað við þessar aðstæður tel ég að Steingrímur J., hafi staðið sig ótrúlega vel. Enda langar ekki marga að setjast  í stólinn hans núna. Og eitt er víst að þegar sagnfræðingar framtíðarinnar skrifa þessa sögu fær Steingrímur örugglega  fleiri prik en þeir stjórnmálamenn sem undirbjuggu jarðveginn fyrir útrásarvíkingana.

[Christer Magnusson, 21.12.2010 kl. 11:00]

Að tala um að standa við kosningaloforð VG við þessar aðstæður sem nú eru uppí er hlægilegt. Stefna VG er óraunhæf við allar aðstæður og sérstaklega núna. Hrósa má Steingrímur fyrir að vera raunsæismaður sem gerir sér grein fyrir að nú gildir bara að halda sjó. Stundum þarf maður að gera hlutir sem maður vill alls ekki gera.

Aðrir halda áfram að keyra sín gæluverkefni hvernig sem viðrar. Og kvarta svo yfir að enginn hlustar, eins og Lilja M gerði í Kastljósi. Kannski eru menn bara svo dónalegir að ekki hlusta á gælutal þegar þeir eru uppteknir við að þétta lekana.