Hrollvekja

Myndir Ríkissjónvarpsins  af niðurníddum húsum í gamla bænum í Reykjavík í kvöld  vorum  gömlum   Reykvíkingi hrollvekja. Hélt  sannast sagna  að  svona  myndir  kæmu bara  frá  fátækrahverfum milljónaborganna  í útlöndum. En þetta er  við bæjardyrnar,-- á þröskuldinum  hjá okkur. Það er eitthvað mikið að í borgarkerfi þar sem  svona  gerist. Ég  trúði varla mínum eigin augum.

Hvernig ætlar  nýr borgarstjóri að bregðast við ?

Sálmabókin með kaffinu

Nýlega heyrði ég endurtekinn útvarpsþátt á Útvarpi Sögu. Þetta  var  reyndar ekkii þáttur í eiginlegum skilningi  heldur langdregið lof um  tiltekið  fyrirtæki og  framleiðslu þessu. Átti í rauninni ekkert skylt  við alvöru dagskrárgerð. Umsjónarmaður  átti  erfitt   með að halda  sig  við íslensku og   hrópaði  upp:" I  don´t  believe you! ", þegar   viðmælandinn náði hæðum í hrósi á  framleiðslunni.Voru konurnar þó  báðar íslenskar.

Verið var að  auglýsa meðlæti , kökur og  tertur í  fermingarveislur. Hámarki  náðu lýsingarnar ,þegar  boðið var upp á  sálmabók úr marsipani til að hafa með kaffinu eftir  ferminguna. Mikið var gert úr fegurð bakkelsisins og   sjálfsagt hefur bragðið verið  eftir því.

Hvað næst?  Biblía á  borðum fermingarbarna með bláberjum og þeyttum rjóma !!!!!!