Óskynsamleg dagskrárgerð RÚV

Það er  góðra  gjalda vert  að  sjónvarp ríkisins  framleiði leikið íslenskt  efni  eins og  sakamálaþáttinn Svarta  Engla þar sem margt er vel  gert.

Það  er  hinsvegar  afspyrnu léleg og óskynsamleg dagskrárgerð að  sýna  þátt  með atriðum sem ekki  eru við hæfi barna  klukkan 19:40  á sunnudagskvöldum Hversvegna  er þáttur  Evu Maríu ekki  sýndur  strax á  eftir  fréttum?  Það  væri  ögn skárra.

Þessu ætti  sjónvarp ríkisins að breyta

Hvað á að kalla það ?

Hvað á að kalla það, þegar alda  samúðar með  ljósmæðrum  rís með þjóðinni og nær allir  virðast á  einu máli um að leiðrétta beri laun þeirra  með tillitli  til menntunar og  fjölmargir  taka  fram að aðrar stéttir  geti  ekki byggt  kröfur á því hvernig  samið verði við  ljósmæður ?

Svo  er  samið  við ljósmæður  um verulega launahækkun komið mjög til móts  við  kröfur þeirra  og þá kemur hver  talsmaðurinn fram á  fætur  öðrum og  segir að  sjálfsagt sé   að allir  fái  sömu  launahækkun og ljósmæður fengu.

 Á nútímamáli ætti  sjálfsagt að segja: "Ég er ekki alveg  að skilja þetta". En ég segi bara: Mér  er  ómögulegt að  skilja  þá   talsmenn fjölmennra samtaka  sem  fyrst   segja   að  samningar við ljósmæður geti  ekki  verið  fordæmi  fyrir aðra  hópa en  krefjast  svo  sömu hækkunar  og  ljósmæður  náðu  fram.

Kannski heitir  þetta  bara tvöfeldni.

Háðung !

Þessi frétt , ef  frétt skyldi kalla,  er  svo  illa  skrifuð og illa unninn að  hún er Morgunblaðinu til háðungar. Það er  eins og  stjórnendur Morgunblaðsins hafi engan áhuga á því að  birta  vandaðan og vel unninn texta. Ambögurnar blómstra sem aldrei  fyrr í  Hádegismóum. Morgunblaðið heldur   áfram  að  viðhalda  fornri fjólufrægð.

Þykist  hafa  tekið  eftir  því, að Morgunblaðið  er hætt að birta  fasta þætti um íslenskt mál, sem árum  saman  hafa birst í  blaðinu. Íslensk  tunga er  að verða hornreka á  síðum Morgunblaðsins.

Krossá þrefaldaðist á hálfum sólarhring

TÓMARÚM

 Á framboðsfundum í Vesturlandskjördæmi fyrir  30 árum gerðu  kommúnistar og hernámsandstæðingar gys að þeirri kenningu minni, að vera  varnarliðsins á Keflavíkurflugvelli skapaði okkur öryggi og  ákveðna   festu í þessum heimshluta. Vera bandaríska  varnarliðsins  á Íslandi  væri mikilvæg.  Færi varnarliðið, mundi skapast  tómarúm,sem þrýst væri á  úr öllum áttum og  yrði því ekki lengi   tómarúm. Þetta  sannast núna. Varnarliðið  er farið  og   umferð  rússneskra  herflugvéla  í grennd  við landið og lofthelgi okkar fer  ört  vaxandi. Sjálfsagt  fjölgar einnig ferðum rússneskra kjarnorkukafbáta  í hafdjúpunum umhverfis landið. Það er bara ekki  fylgst með því lengur. Örugglega er það rétt  sem  Björn  Bjarnason og  fleiri  fróðir menn  benda nú á að ýmsir  ráðamenn vestan hafs  nagi sig nú í handarbökin yfir þeirri  skammsýnisákvörðun að hverfa  héðan með  þann litla  liðsafla sem hér  var.Það  var   röng  ákvörðun í ljósi vaxandi mikilvægis  norðurslóða og  sívaxandi   siglinga  flutningaskipa  og  herskipa  um  hafsvæðin  hér   fyrir norðan okkur. 

Enn stafar ógn af hernaði Rússa

Meiri klúðurstíll

"Úrræðið þarf að geta uppfyllt  tilganginn", segir í undirfyrirsögn í Morgunblaðinu í dag. Þetta  er enn eitt  dæmi hinn nýja kansellístíl fjölmiðla, - klúðurstíl ætti kannski frekar  að segja.

Allavega er þetta  ekki á mannamáli. Fréttir eiga að vera á mannamáli.

Gamall ósiður

Það er gamall ósiður, að þingmenn  breyti  ræðum eftir  flutning og  fyrir prentun í þingtíðindum. Sennilega er þetta frá þeim  tíma er  þingritarar handskrifuðu ræður  eftir  þingmönnum. Þá  gat verið hætta  á misheyrn eða  misskilningi. Svo varð  Alþíngi  fyrst þjóðþinga í veröldinni    til að  taka  ræður þingmann  upp á  segulband,  eða  stálþráð eins og þá var notaður  til hljóðritunar. Þá  hefði átt að  hætta þessum  yfirlestri. 

Þessi ræðulestur og  leiðréttingar vöktu mér  nokkra undrun er ég kom  á þing  1978. Algengt var að  sjá  þingmenn  og  ekki síður  ráðherra sitja   lon og  don, lesa og leiðrétta, og  oft  krota mikið. Svo  var það  einhverju sinni í upphafi  þingsetu  minnar að  ég sá   Stefán Jónsson  taka  við ræðuhandriti úr  hendi  þingvarðar,  hann setti  stafina sína á það  og  rétti honum  blaðabunkann  aftur. - Hvað er þetta, lestu  þetta ekki yfir  , spurði ég ? Nei , sagði  Stefán,  það sem ég hef  sagt hef  ég sagt.  Ræður  eru ekki fluttar  á  bókmáli. Þetta verður bara að standa eins og það var    sagt.  Þetta  tók ég mér   til  fyrirmyndar.

Stefán  hefði  sjálfsagt ekki  þurft  að hnika   til orði, þótt hann hefði lesið yfir. Hann var einstaklega vel   máli farinn eins og  við mörg  munum og  ekki  síður  ritfær. Ég hef  alltaf  haft sérstakt  dálæti á  bók hans Að  breyta fjalli   Hún er meistaraverk.

Alþingi tryggi að þingræðum verði ekki breytt

Føroyski hasjhundurin fann rúsevni í týskum bili

 Þessi frásögn er af heimasíðu færeyska  útvarpsins í   kvöld :

Føroyski hasjhundurin fann rúsevni í týskum bili
     mikudagur, 03. september 2008 18.47 - Innland

   

Tað var hundurin hjá føroyska tollvaldinum, sum fann rúsevnini í bilinum, sum tollarar á Seyðisfirði tóku í gjár. Norrøna kom á Havnina úr Hanstholm mánadagin. Millum bilarnar, sum skuldu víðari til Íslands, var ein týskur persónbilur.

- Tá vit vóru lidnir við okkara vanligu kanningar í landi, fóru vit umborð við hundinum, sum gjørdi vart við, at rúsevni vóru í týska bilinum, sum vit so kunnaðu íslendska tollvaldið um, sigur Kjartan Dam Joensen, yvirtollari.

- At bilurin var tikin og kannaður í Íslandi, ger tað lættari at fáa fatur á møguligum bakmonnum, sigur Kjartan Dam Joensen. Hann sigur, at talan var um stóra nøgd av rúsevnum, men fær ikki sagt, hvussu nógv kilo. Íslendskir fjølmiðlar siga minst 20 kilo av hasji og øðrum.

Fíkniefni falin í pylsudósum

Hinn nýi kansellístíll

"... konur í barnseignarferli".  Alltaf batnar  það. En hér er þó  skv.  fréttinni  ekki við mbl.is  að sakast.

Víða engin neyðarvakt