Moggafjólur blómsta

Þær blómstra fjólurnar í Mogga. Í þessari frétt er talað um  termítamaura. Termítar  eru maurar, hvítmauarar segir íslensk orðabók.Að tala  um  termítamaura er út í hött.  Þessir  hvítmaurar  voru í  Ástralíu.Sú álfa er Mogga  svolítið erfið. Ekki er langt  síðan  snillingar  þar á bæ bjuggu til borgina Aboriginal í Ástralíu!!   Moggi verður að gera betur.

 

 

Lifði á pöddum í auðninni

Ótrúleg ósvífni RÚV

Það er ótrúleg ósvífni hjá  Ríkisútvarpinu að birta áfengisauglýsingar í trássi við lög. Í kvöld að loknum fréttum var   auglýstur  Heineken  bjór. Hrein áfengisauglýsing. Það breytir engu þótt orðið léttöl  birtist með  örsmáu letri í eina sekúndu  eða   svo  neðst í horni á  skjánum.  Þetta er     áfengisauglýsing  og þar með lögbrot.

Hvar eru nú þeir sem eiga að gæta  hagsmuna almennings ?

 

 

 

 

 

 

 

 

Fjölmiðlar hafðir að fíflum

Það er fróðlegt að  fylgjast með því hvernig  fámennum krakkahópi tekst að hafa alla íslenska  fjölmiðla  að  fíflum. Greinilegt er að  fjölmiðlar eru látnir  vitna  í hvert skipti  sem  vitleysisgangurinn byrjar hvort  sem  það er að raska  friðhelgi  einkalífs  á heimilum ,senda  fölsk boð  um bruna eða  stöðva  vinnu með  ofbeldi. Þá er hlaupið  til, skrifað og  myndað og  viðtöl  tekin.

Þetta eru ekki fréttir. Ef fjölmiðlar hættu að gapa í hvert  skipti sem  krökkunum  þóknast að leysa  vind, mundu þau  fljótlega hætta og  útlendingarnir sem  eru uppistaðan í hópnum mundu hverfa til  sína heima og láta okkur í friði.

Aumkunarverðast er  samt að heyra  alþingismann  lofa þessar lögleysur.

Ekki hátt risið á þeim bænum.

Þáðu ekki boð um fund

Hrein snilld hjá dv.is

Ekki verður  annað  sagt en  eftirfarandi skrif  á  dv.is  nú í kvöld  séu hrein snilld.

Manni verður eiginlega orðfall :

"Samkvæmt fréttum Ríkisútvarpsins skemmdist Hornfjarðarhöfn lítillega þegar flutningaskipið Grean Lofoten var á lið inn í höfnina.

Skipið sem eru rúmir 100 metrar á lengd fékk sig nokkurn vind og leitaði við það eitthvað til hliðar og braut við það upp úr höfninni. Skipið skemmdist ekki við áreksturinn sem er talinn hafa verið vega þess að lestar skipsins voru tómar og því þurft lítinn vind til að hliðra við því."

Þetta er   stórkostlegt, ekki satt ?

"..leifar af gamla veginum".

 Það sjálfsagt rétt til orða  tekið að göngufólkið hafi skoðað "..leifar af gamla veginum" efst í Hellisskarði.

Sumurin 1954 og 1955  átti  skátaflokkurinn minn ,"Refirnir" margar ferðir um Hellisskarð á  leið í skátaskálana undir  Skarðsmýrarfjalli. Þar voru þá  fjórir  skálar, vestan frá talið: Jötunheimar, Bæli, Kútur og Þrymheimar. Hreysi var svo í Innstadal. Oft  fannst mér  skarðið bratt og  bakpokinn  seig í.  Þá var  nokkuð langur  kafli gamla vegarins   heill og óskemmdur í   skarðinu. 

Fyrir um það  bil  tíu árum  fór ég um Hellisskarð  og  gekk sem leið liggur  götuna milli Hrauns og hlíða niður í  Hveragerði. Mér  brá  þegar ég  sá  hvernig Orkuveitan  hafði leikið  gamla veginn. Aðeins  smá  kafli hans var óskemmdur. Þetta  merka  samgöngumannvirki  hafði verið  eyðilagt að mestu með  gerð  vegar  upp  skarðið.  Gamli vegurinn  var  víða óskemmdur úti á heiðinni  en  sjálfsagt hafa  skemmdarvargar með  stórvirk  tæki  farið þar um líka.

Varðandi skemmdirnar sem  efnistaka  olli  á  Gíghólunum   þá  vakti  Þorleifur heitinn Einarsson J jarðfræðingur athygli á þessum illvirkjum  á  sjötta  áratugnum.  Þá  var skaðinn löngu skeður.

Hellisheiði og Hengladalir  eru paradis á bæjarhellu  höfuðborgarbúa ,sem nú fyrst  eru að átta sig á þeirri  staðreynd.

50 gönguhrólfar á Hengilssvæðinu

"Tveggja viðtala frétt" hjá RÚV

Mótmæli unglinganna í Helguvík urðu fréttastofu Ríkisútvarpsins tilefni að  langri frétt með  tveimur  viðtölum. Þetta  er auðvitað fréttamat , sem er út úr kú. Það er alltaf auðvelt  að sjá hvar samúð fréttastofunnar liggur  , samanber   "Gangi ykkur vel!" viðtalið  fyrir  framan  dómsmálaráðuneytið.  Fagmannlega unnin hefði  fréttin getað verið svona:

"Hópur ungs fólks mótmælir nú  byggingu álvers í  Helguvík og hefur  stöðvað framkvæmdir þar. Fólkið hefur  sumt  hlekkjað sig  við  vinnuvélar og klifrað upp í byggingarkrana.  Lögreglan   er á   svæðinu og  ræðir  við mótmælendur. Ekki hefur    hefur  komið  til neinna átaka" Svona til dæmis  hefði fréttin átt að vera.

Þetta er kjarni málsins. Fréttastofan kaus  að fjalla um málið með sínum hætti.

Það var  svo   athygisvert að talsmaður mótmælendanna  talaði um að  "klifra krana". Þetta eru líklega slæm  málfarsleg áhrif á  frá hinum erlendu  mótmælendum . Á  ensku er  hægt að tala um  "to  climb a crane", rétt eins og  sagt er  "to  climb a tree". Við  tölum  ekki um að klifra tré.

það er óþarfi að apa allt  eftir útlendingum.

Mótmæli í Helguvík friðsamleg

Ekki einleikið með blessaðan Moggann !

 Það  er  ekki einkleikið hvað Moggamönnum gengur oft illa að  snara  erlendu  efni yfir á íslensku.

 Í þessari frétt stendur:

 "Rússar minnast þess í dag að nítíu ár eru frá því síðasti keisari þeirra Tsar Nicholas II og fjölskylda hans voru tekin af lífi.",segir í þessari frétt um Nikulás  Rússakeisara.   

Í prentaðri útgáfu  blaðsins í dag segir  frá snekkju  rússnesks  auðkýfings  en    þar er  "..diskótek með  glasþaki  sem er staðsett undur  sundlauginni."  Hvernig  glas? Líklega kampavínsglas, -- eða  hvað ?

Ekki eru nema fáir dagar síðan  jökulhlaup eða framhlaup  á  Grænlandi ,sem varð tveimur dönskum ferðamönnum að bana,  var sagt  vera "ísjaki sem brotnaði".

Þeir sem komnir eru á  efri ár muna   eftir Staff hershöfðingja   ,  Búlgaranum Hideout og   lögreglumanninum  Fake.

Kannski væri ráð  fyrir  Mogga  að gefa þessum  skriffinnum orðabók. Það  dugar þó líklega ekki til.

Nú þarf nýr  ritstjóri að nota  sinn nýja vönd og sópa betur !

 

Keisarafjölskyldunnar minnst

Vandið ykkur !

Samkvæmt  fréttum danskra netmiðla varð slysið ekki vegna  þess að "ísjaki brotnaði".

Þetta var jökulhlaup  eða  framhlaup.

 

Gletcher-bølge rev to danskere i døden

14. jul. 2008 19.45 Indland Opdat.: 14. jul. 2008 19.46

To danske turister døde, da de blev ramt af en gletcher-bølge i fjorden Kangerluarsuk ved bygden Ukkusissat i Grønland.

Det drejer sig om to ældre mænd på 70 og 73 år fra Københavnsområdet, oplyser Grønlands radioavis, KNR.

Ulykken skete under en sejltur med turistskibet Kisak. Turisterne var sat i land nær en bræ for at tage billeder.

- Vandet kom pludselig væltende ned fra en gletcher-spalte. Hele den morænebanke, som de stod på, blev oversvømmet af isklumper, som simpelthen rev dem ud i vandet, forklarer kriminalassistent Karl Borup.

Fem blev skyllet væk, men det lykkedes skibets mandskab at redde de tre.

Vandið ykkur Moggamenn. Þetta eru ekki boðleg vinnubrögð.

Tveir danskir ferðamenn létust þegar ísjaki brotnaði

Aðilar brjóta af sér

Þetta er sannkölluð  snilld:

Aðilarnir í bifreiðinni voru handteknir og kom þá í ljós að í íþróttatöskunni var þýfi úr íbúð á Akureyri en aðilinn hafði brotist inn í þá íbúð skömmu áður en þeir voru stöðvaðir. 

Einnig viðurkenndi sá að hafa farið inn í bæinn í Hörgárdal og stolið þaðan myndavél.  Aðilarnir þrír voru fluttir á lögreglustöðina á Akureyri

Þetta eru nú meiri aðilarnir. Voru þetta annars ekki bara menn ?

Seinheppinn þjófur á Akureyri

"Í gegnum flugvöllinn"

Ekki  vildi ég vera í hópi þeirra farþega   Iceland  Express, sem  að  sögn  Morgunblaðsins þurfa að fara "í gegnum flugvöllinn á Egilsstöðum".  Því hljóta að  fyglja miklar hremmingar af ýmsu tagi.

Þetta er  náttúrulega  aulatilvísun til  ensks orðalags  sem á  ekkert   erindi í íslensku.

Flug fært frá Akureyri til Egilsstaða