Meðan.......

Meðan  fólk hrynur niður úr hungri   víðsvegar í veröldinni, þúsundir barna  deyja úr  næringarskorti á hverjum sólarhring, þá  kasta Íslendingar  eggjum,  tómötum og mjólkurmat í Alþingishúsið. Ýmsum er þetta   sjálfsagt umhgsunarefni  fleirum en  þeim sem þetta ritar.

Eggjum kastað í Alþingishúsið

Blessunin hún Björk !

Blessunin hún Björk  er  sannarlega óþreytandi að segja  okkur  til  um  eitt og annað. Jafnan  er  rithöfundurinn geðþekki (eins og  nú er í tísku að segja um alla) Andri  Snær  við hlið hennar,  svona  til  trausts og halds, ef  svo ólíklega  vildi  til að  hún þyrfti á hjálp hans að halda, eða henni yrði  orða  vant. Til þess hefur  sjálfsagt aldrei komið. Aldrei hefur  þjóðin þurft  jafnmikið á  heilræðum að halda  eins og einmitt  nú  þessa  dimmu daga í vetrarbyrjun.

En hvernig  er  það, greiðir  ekki  Björk  skatta  af sínum  góðu tekjum hér  á  landi? Er  hún ekki íslenskur skattþegn  ?  Það  hlýtur að vera. Það getur ekki verið  satt  að   einu skattarnir sem hún greiði  hér  á landi séu  fasteignagjöld  af  litlu húsi  við  Ægissíðuna í grennd  við  gömlu grásleppuskúrana. Það hljóta að vera hrein ósannindi. 

Gamli geisladiskurinn hennar Gling gló með Guðmundi  Ingólfssyni  (man ég það ekki rétt?)hefur mér alltaf  fundist  frábær.  Aðra  diska hef ég ekki enst til að hlusta á  til enda  en  það er  bara til marks um minn lélega  tónlistarsmekk.

Björk vill að Ísland gangi í ESB

Ekki starfsmannastjór

Orðið  starfsmannastjóri hefur   skýrt  afmarkaða merkingu í  atvinnulífinu  og í íslensku máli. Á ensku  er  hér  verið að  tala um  "chief of  staff" í Hvíta húsinu. Það er  að  segja  yfirmann  alls  starfsliðs  forsetans í Hvítahúsinu. Rahm Emanuel er ekki frekar  starfsmannastjóri  en    "General  Staff"   var Staff hershöfðingi  í Mogga í gamla  daga.  

Obama byrjaður að raða í embætti

Boðskapur dagsins: Að ljúga og svíkja.

Get ekki orða  bundist. Var að horfa á  auglýsingu um ágæti íslenska lambakjötsins. Ábyrgðaraðili auglýsingarinnar  er  vefsvæðið lambakjot.is Að baki því standa   væntanlega  íslenskir  bændur.  Boðskapur þessarar auglýsingar er  skelfilegur, en kannski  er hann bara  tímanna  tákn.

Það er  verið að  segja  fólki að  það sé  í lagi að ljúga og  svíkja til að hafa sitt fram. Fyrir  rúmum  mánuði skrifaði ég nokkrar línur  um þessa  auglýsingu og endurbirti þær hér.

Það er  svo önnur saga að á  forsíðu   vefsvæðisins lambakjot.is  eru að minnsta kosti tvær  málvillur.

1.10.2008 | 20:21

Konan og kjötið

Auglýsing um ágæti  íslenska  lambakjötsins,  sem  nú  birtist oft á  skjánum hefur orðið mér  umhugsunarefni.  Þar stendur maður  við kjötborð, bendir á lambakjöt  í borðinu og  segist ætla að kaupa það. Þar með  er  kominn á  samningur milli hans og   afgreiðslumannsins eða   verslunarinnar.Þá kemur   aðvífandi kona  sem  greinilega  væntir sín, hún   ágirnist  kjötið líka. Hún lætur   smápeninga  detta á  gólfið og  horfir  biðjandi augum á manninn og  biður hann  að  hjálpa sér  að  tína peningana upp, -  væntanlega  vegna þess að  hún á ekki auðvelt  með að beygja sig.Maðurinn bregst  vel  við og  tínir upp peningana og réttir henni. Þá  er hún  búin að kaupa  kjötið, sem hann varð  fyrri  til að biðja um. Konan heldur  svo  sigri  hrósandi á brott.Hver  er   boðskapur þessarar  auglýsingar (skilaboð segja  auglýsingastofur líklega að  enskri  málvenju) ?   Er ekki verið að segja  okkur  að það sé  í lagi að ljúga og  svíkja  til  að hafa sitt  fram?  Ég get ekki skilið þetta á annan veg.Þótt  konur   séu aldrei  fallegri en þegar  þær  bera barn undir  belti þá  finnst mér  þetta  bæði ógeðfelld og ómerkileg  auglýsing.Hvað er  verið að segja  börnum okkar með þessu  Hugsi nú hver fyrir sig. 

 

Merkileg umræða

Hún er merkileg umræðan um mynt fyrir okkur Íslendinga. Hver ágætismaðurinn  af öðrum  hefur  sagt að  við eigum að taka  upp  evru án inngöngu í ESB. Hver leiðtoginn á vettvangi  ESB  af öðrum hefur  sagt við okkur að það sé ekki mögulegt.  Samt  er haldið áfram að  tala um að  taka upp Evru án þess að ganga í ESB

Nú  er  talað um að taka upp norska  krónu. Norðmenn  segja  það ekki kost í stöðunni.  Samt halda menn áfram að tala um að  við  eigum að taka upp norska krónu.

Er ekki staðreyndin sú ,að  við verðum með krónuna um  langt skeið enn ,nema  við sækjum um  aðild  að ESB ?  Þá  getur  evra orðið gjaldmiðill á Íslandi einhverntíma í  framtíðinni.

Norsk króna ekki í umræðunni