Einstakt vinarbragð

Færeyingar hafa  sýnt það  aftur og enn hvern  vinarhug þeir  bera  til okkar  Íslendinga. Tilboð þeirra um  lán er mikið  drengskaparbragð.Þeir  sýndu líka í verki hvernig  þeir  hugsa  til okkar  bæði í Vestmannaeyjagosi og  þegar  snjóflóðin féllu    á  Flateyri og í Súðavík. Færeyingar eru kannski  smáþjóð,  en þeir  eru smáþjóð með  stórt hjarta.

Umræðan um að taka upp  færeyska  krónu  er hinsvegar  fremur  undarleg.

Færeyska krónan  er  eðli sínu   dönsk  króna , þótt  seðlarnir  séu  færeyskir. Smámyntin er  dönsk.

Mér   hefur  ekki  tekist  að nota  færeyska  seðla í Danmörku,  hvorki á  Kastrupflugvelli né   í verslunum í Kaupmannahöfn. Afgreiðslufólk neitar  að taka  við  seðlunum.  Hef meira  að segja  fengið það skriflegt, þegar  fauk  svolítið í mig í verslun í Lyngby. Þetta vita  allir  Færeyingar.Þeir reyna ekki að nota  færeyska  seðla í Danmörku.

Þetta er ástæðan  fyrir því að  þegar   seðlar eru  teknir út úr   hraðbankanum  á  Vágaflugvelli í Færeyjum þá  fær  maður   eingöngu  danska  peningaseðla, -  enda  flestir  sem þar fara um á leið til  Danmerkur,  Stundum eru  fimm ferðir  á  dag  frá  Vágum  til Danmerkur.

Við  skulum vera  Færeying þakklát  fyrir  vináttu þeirra  og  drengskap,  en  við skulum  ekki vera  að drepa  umræðunni  á  dreif  með   tali um að taka upp færeyska krónu. Það er  út í hött.

 

Árni Johnsen vill færeyska krónu

Fiskabúrin í Pyongyang

Í bókinni Fiskabúrin í Pyongyang sem upphaflega kom út á   frönsku árið 2000  eru  hrikalegar  lýsingar á  tíu ára  dvöl í  í norður kóreska  gúlaginu. Bókin er lýsing á  ævi Kang Chol-Hwan og  fjölskyldu hans  sem  fóru frá  Japan í  "sæluna" í Norður Kóreu. Bókin  er skrifuð í samvinnu við  Pierre Rigoulot. Fróðleg  en óhugnanleg  lesning.Hún kom út í enskri þýðingu 2001.

Rannsaka ofbeldisverk N-Kóreu

Einstök snilld á dv.is

Ekki verður annað sagt  en  þessi  stutta  klausa á  dv.is  í dag sé hrein snilld :

Við þurftum að kalla út sérsveit sem sér um hættuleg eiturefni. Okkar menn náðu að stöðva lyktina í loftinu og að lokum fundu þeir hest. Hvernig á jörðinni dettur nokkrum manni svona í hug, að fara með hross upp á tólftu hæð og hvernig gat einhver farið með það án þess að enginn sagði okkur frá því. 

Gamlar sögur úr Noregi

Norðmenn  eru frábærir  og geta verið bráðskemmtilegir. Þeir hafa  mjög  sérstaka  sýn á  sögu sína , -   og  okkar. 1993 var til dæmis  sýning í  Ríkislistasafninu í Osló  af myndum af norskum listamönnum. Númer eitt  á  sýningunni var brjóstmynd  af Snorra Sturlusyni !

 Nokkru  síðar  kom út  ritröð hjá  einu  stærsta  útgáfufyrirtæki Noregs undir heitinu: Meginstoðir   norskra  bókmennta.  Númer eitt í   bókaflokknum var Njála, -- í norskri  þýðingu !

 Í  Smugudeilunni  veiddu íslensk  skip  löglega á  alþjóðlegu hafsvæði og sættu  stöðugri  áreitni Norðmanna. Þá  var þeim   sagt að , ef  við  fengjum  ekki að  stunda löglegar  veiðar í friði , þá  mundum við  bara  flytja  til baka ! Það  fannst þeim ekkert  fyndið.

 Sagt er  að mannkynið  sé   komið  af öpum,-  nema Íslendingar.  Þeir séu komnir af  Norðmönnum.  Þetta  finnst Norðmönnum heldur ekkert   fyndið !

Norðmenn draga Íslendinga sundur og saman í háði

Mismæli og málspjöll

 Það var skemmtilegt mismæli hjá  forsetafrúnni, þegar hún  sagði á gleðistund að Ísland  væri “stórasta”land í heimi. Í Morgunblaðsviðtali  sagði hún síðar að þetta hefði verið  slæmt  mismæli.   Svo var ekki: Þetta var    skiljanlegt og  eðlilegt mismæli þess  sem  ekki á  íslensku að móðurmáli og er að læra málið. Forsetafrúin  á  virðingu  skilið  fyrir að  hafa lagt sig í  framkróka um að læra íslensku og  hún hefur  náð  ótrúlega  góðum  tökum á  málinu.Það  er  hinsvegar  hvorki  skemmtilegt né  skiljanlegt  þegar  íslenskar auglýsingastofur  eru  farnar  að  staglast  á  “stórasta” og  “bestasta”. Það  eru  viljandi  skemmdarverk   gegn  tungunni. Ekki einu sinni  fyndið. Bara hallærislegt.Samskonar  skemmdarverk eins og  koma því inn hjá    fólki að  það  sé    góð og  gild  íslenska  að “smæla” og  kaupa   bíla í ”outletti”. Notið hugmyndaflugið , auglýsingamenn. Tungan okkar á nóg  af    góðum og  grípandi orðum.  Mismæli og málspjöllÞað var skemmtilegt mismæli hjá  forsetafrúnni, þegar hún  sagði að Ísland  væri “stórasta”land í heimi. Í Morgunblaðsviðtali  sagði hún síðar að þetta hefði verið  slæmt  mismæli.   Svo var ekki: Þetta var   mjög  skiljanlegt og  eðlilegt mismæli þess  sem  ekki á  íslensku að móðurmáli og er að læra málið. .  Forsetafrúin  á  virðingu  skilið  fyrir að  hafa lagt sig í  framkróka um að læra íslensku og  hún hefur  náð  ótrúlega  góðum  tökum á  málinu.Það  er  hinsvegar  hvorki  skemmtilegt né  skiljanlegt  þegar  íslenskar auglýsingastofur  eru  farnar  að  staglast  á  “stórasta” og  “bestasta”. Það  eru  viljandi  skemmdarverk   gegn  tungunni. Ekki einu sinni  fyndið. Bara hallærislegt.Samskonar  skemmdarverk eins og  koma því inn hjá    fólki að  það  sé    góð og  gild  íslenska  að “smæla” og  kaupa   bíla í ”outletti”. Notið hugmyndaflugið , auglýsingamenn. Tungan okkar á nóg  af    góðum og  grípandi orðum.  

Vönduð vinna

Skoðaði  fyrir nokkrum  dögum   slökkvibíl  frá SM í Vestmanna í  Færeyjum. Greinilega  mjög  vandaður bíll og  slökkviliðsmenn þar lýstu mikilli  ánægju með  hann .Handbragð  allt og  búnaður  til   fyrirmyndar. Oft  var þörf en nú er  nauðsyn. Brýnt  er að hlú að   þessari  starfsemi. Atvinnuskapandi og  getur líka  fært okkur  gjaldeyri eins og  þetta  dæmi sannar.

„Ósanngjörn gjöld á innlenda vöru“

Metnaðarleysi miðlanna

Það er kannski út úr kú þessa  dagana að  gera athugasemdir  við málfar í fjölmiðlum. Hlustaði í kvöld á  hádegisfréttir  Bylgjunnar  á netinu. Þar var sagt: "Hann gekk vel í náminu". Síðan var  talað um"fjögur  viðskipti". Ekki tók betra  við í Kastljósi Sjónvarps  ríkisins  þegar  umræðustjóri sagði  við  gesti  sína: "Ég óska ykkur  svo  góðrar helgi".

Fjölmiðlungar  eru  nú í fararbroddi þeirra,  sem  eru að ganga  af fallbeygingum  tungunnar dauðum.

Hætti að hlusta og  horfa og  hélt áfram að lesa   ævisögu Churchills eftir  Roy  Jenkins , seinlesna  bók þar sem  er konfekt á hverri  síðu.

Hárrétt tímasetning !

Ekki verður annað  sagt  en að þetta sé  hárrétt tímasetning  á framsetningu  krafna þjóðkirkjunnar á hendur  ríkinu og  skattþegnum landsins.

Kirkjan krefur ríkið um milljónir

Hugrekki

Ég dáist að  Jóni Ásgeiri fyrir að þora að í Silfri Egils mæta einn allra  þeirra sem  boðið var til þáttarins og  fyrir að halda  stóískri ró allan  tímann. Með því  sýndi hann hugrekki. Egill Helgason,sem  er  að jafnaði  einn okkar bestu þáttastjórnenda missti algjörlega stjórn á sér undir lokin. Það var honum ekki til sóma.

Jón Ásgeir: Fær ekkert út úr sölunni á Baugsfyrirtækjum

Þúsund

Finnist maðurinn ekki  fljótlega,  ættum við að senda  eins og þúsund björgunarsveitarmenn og þyrlur að leita hans.  Sýnda  Bretum þannig  hvernig  við bregðumst við, ef  einhver þeirra  lendir í alvarlegum hremmingum  eða háska.

Lýst eftir breskum manni