Kosningum stolið !!!

Það er eitthvað mikið  að hjá  fjölmiðli þar sem  svona ruglað  bull sleppur í gegnum  síurnar. Kannski eru  engar  síur. Enginn prófarkalestur, engin ritstjórn. Það  er líklegast. Sá sem skrifar svona  texta er greinilega ekki á  réttri hillu.

Íbúar Kenýa krefjast þess að blóðbaðið hætti

Hvað varð um stórhríðina?

Las á  dv.is,  að kínverskur ráðamaður  hefði beðist afsökunar á snjóstormi ! Nokkrum mínútum síðar var í  fréttayfirliti RÚV  kl 1800  talað um snjóstorm. Hvað varð um hið gamla  góða orð hríð, nú  eða   stórhríð?   Snjóstormur  er aulaþýðing úr  ensku,-  snowstorm. Það er öldungis óþarft í íslensku og á sér enga  sögu í okkar  góða máli að ég best veit. Við  eigum nóg af alíslenskum orðum yfir  veðurfar.

PS   Svo var líka  sagt í RÚV  um  tiltekna nefnd , að engin nefndarmanna    væri með "félagslegan bakgrunn".  Veit   einhver  hvað  það þýðir ? Þýðir  það að enginn í nefndinni hafi verið  eða sé í félagi? Heyr á endemi !

Einmitt það..

Sitt er hvað hús og heimili !

Sölu- og verðhrun á bandarískum fasteignamarkaði

Ótrúlegt !

Mér finnst alltaf jafn ótrúlegt að heyra  stjórnmálamenn tala í alvöru um flugvöll á Hólmsheiði.  Hver er  loftlínuvegalengd  þaðan  til Keflavíkurflugvallar? 35 kílómetrar ? Eitthvað nálægt  því.Hver  skyldi vera munur á ferðatíma úr  vesturbænum í  Reykjavík  til Keflavíkur og upp á  Hólmsheiði? Sáralítill, ef  nokkur.Reykjavíkurflugvöllur á að fá að vera í friði. Það er  fjarstæða að fleygja milljörðum í  flugvöll uppi á  heiðum eða úti í hafsauga þegar ágætur   flugvöllur  er  fyrir  hendi í Reykjavík og einn besti  flugvöllur  þessa heimshluta  Keflavík . Stundum er eins og ruglinu séu engin takmörk sett.

Vilja íbúðabyggð í Vatnsmýri

Fatasaga úr Sjónvarpinu

 Umræðan um fatakaup stjórnmálamanna og   -   sjónvarpsmanna rifjaði upp  meira en  30  ára   gamla  minningu,sem mér  þykir alltaf dálítið  vænt um.
Þá  fórum  við  sjónvarpsmenn á  fimmtudegi  (ekkert sjónvarp á  fimmtudögum þá)  að vorlagi , líklega  1975  eða  1976  og  hittum   bónda á  vesturlandi, sem hafði orðið  fyrir  búsifjum því  vargfugl  lagðist  á  æðarvarpið  í landi hans.
Þegar var búið að  mynda í varpinu og  ræða  við  bónda  var okkur  boðið til stofu   upp á  kaffi og heimabakað brauð  volgt úr ofninum.
Talið barst  víða  og  þar kom, að    bóndi sneri sér að mér og  sagði: -  "Mér líkar vel  við  þig í sjónvarpinu".   Þótti mér  nú heldur  vænkast hagur minn og  fann að þetta hlaut að vera   skynsamur búhöldur.   Svo bætti hann við: " Þú ert alltaf í sama  jakkanum !" 

Flugvöllur í nýju ljósi !

Þeir sem heyrðu yfirlit hádegisfrétta RÚV  í dag hljóta að hafa séð Reykjavíkurflugvöll í alveg nýju ljósi. Þulur las:"Reykjavíkurflugvöllur verður í Vatnsmýrinni þar til  annað kemur í ljós". Það var og !

Glópaskrif

Ekki er það  til eftirbreytni að  segja  að þeir  verði  strandaglópar  sem  sitja  fastir  í snjó.

Það er hrein glópska að  taka svo til orða. 

Fastir í blindhríð

Ekki plata okkur !

 Í seinni fréttum RÚV  sjónvarps  eitt kvöldið í vikunni var fjallað um  breytingu á mönnun  neyðarbíla Landspítalans á höfuðborgarsvæðinu en  læknar verða  hér eftir ekki lengur með í för. Ábúðarmikill fréttamaður  stilliti  sér upp við bækistöð  bílanna  og   sagði  efnislega um leið og  neyðarbíll   ók út  með blikkandi ljós ....    og  nú er hann að fara í útkall  hugsanlega upp á líf og  dauða ! Dramatískt. Gallinn var bara  sá  að þetta var of vel  tímasett  til að vera raunverulegt og þar að auki    sá ég ekki betur en   bíllinn stansaði í lok myndskeiðsins.Hann var ekkert á leiðinni í útkall, hvað þá  að um líf og  dauða  væri að tefla. Þetta var sem sé  sviðsett blekking , að minnsta  kosti sá ég ekki betur.

Svona kjánaskapur  ætti  að vera fyrir neðan virðingu  Ríkisútvarpsins  - Sjónvarps.

Það á ekki að blekkja áhorfendur. 

Málvöndun Moggans

"Böst" í  Leifsstöð. Ótæk fyrirsögn í íslensku blaði.

„Böst“ í Leifsstöð

Ný stefna hjá RÚV-Sjónvarpi ?

Það var athyglisvert í fréttum sjónvarps í gærkveldi , er fjallað var um marg umrædda  stöðuveitingu ,að Þorsteinn Davíðsson var nefndur  Þorsteinn  Davíðsson Oddssonar. Ég velti því þá fyrir mér , ef nafn mitt  skyldi bera á  góma í fréttum ,hvort ég yrði nefndur Eiður Svanberg Guðnason Guðmundssonar.  Ég tel það fremur ólíklegt. Gilda þá  einhverjar  aðrar reglur hjá fréttastofu   Ríkisútvarpsins  Sjónvarps um Þorstein Davíðsson  en aðra borgara þessa lands? Sé ekki betur.Minnist þess ekki áður  að hafa  heyrt slíka ættfræði í fréttum.

 Þetta eru óboðleg vinnubrögð.