Skrípaleikurinn við Austurvöll - fíflaþjóðin í landinu

 Þegar þingmenn Sjálfstæðisflokksins Ragnheiður Elín  Árnadóttir , Einar Kr. Guðfinnsson og  fleiri  segjast öll af  vilja gerð  til að greiða  fyrir málum ríkisstjórnarinnar á Alþingi   eru þau að segja að íslenska þjóðin sem  fylgist með störfum þingsins samanstandi  af fíflum , sem ekkert skilji.  Þetta er auðvitað hámark  hræsninnar og það er  rétt að   stjórnarandstaða er nú rúin  allri  sómatilfinningu og  ábyrgðartilfinningu. Hvað varðar stjórnarandstöðuna um þjóðarhag?  Ekkert.   Bara fella  ríkisstjórnina svo  við komumst að. Stjórnarandstaðan er tala okkur niður í ruslflokk í lánshæfismati. Sennilega tekst henni það.

 Það er alvarlegt þegar minnihluti  þingmanna nauðgar  rétt kjörnum  meirihluta  með skipulögðu málþófi. Það er auðvitað  brot á þingskapalögum ,þegar   Framsóknarmenn og  Sjálfstæðismenn búa sér  til stundatöflu um það hverjir  eiga að tala,  í hvaða röð og hve lengi og hverjir  eiga  að veita  andsvör   við  ræðum, sem ekki hafa  verið haldnar!  Hér  eru þingmenn  stjórnarandstöðunnar að draga þingið niður í svaðið.  Þetta eru óvitað  ólíðandi vinnubrögð, misbeiting  þingskapalaga og í fullkominni andstöðu við þingræði og lýðræði. Þetta er til háborinnar skammar.  

 Það var hreint út sagt ömurlegt að fylgjast með ræðum um fundastjórn forseta í morgun. Allra verst var  ræða Birgittu Jónsdóttur. Það var eins og manneskjunni væri ekki sjálfrátt.  Ræða hennar var var fyrir neðan  allar hellur. Það er ofurskiljanlegt að Hreyfingin svokallað mælist nú með  eitt  prósent  fylgi. Líklega hefur Þráinn  Bertelsson einn meira  fylgi en  Hreyfingarþrenningin. 

Athugasemdir

[Ben.Ax. (Benedikt Jóhannes Axelsson), 3.12.2009 kl. 17:16]

Ég hef hlustað á umræðu frá alþingi undarfarna daga af því að ég hef ekki haft neitt betra að gera. Mér finnst ég verða alveg rosalega gáfaður þegar sumir alþingismenn ljúka máli sínu. Aðrir hafa þessi áhrif á mig í upphafi máls síns.

Nb. Geturðu bent forseta/um  alþingis á að menn kveðja sér  hljóðs? 

[Haukur Kristinsson (IP-tala skráð) 3.12.2009 kl. 18:39]

Eiður, kemur þér þetta á óvart? Varla, þú ert ekki það „naive“. Flestir fulltrúa Íhaldsins og hækjunnar á okkar Alþingi eru mútuþegar.

Þeir taka við skipunum frá þeim sem borguðu. Og hún er; náið völdum og stöðvið allar rannsóknir varðandi hrunið og spillinguna.

[Eiður Svanberg Guðnason, 3.12.2009 kl. 18:42]

Þetta er sennilega hárrétt hjá þér, Haukur.

[Landfari, 3.12.2009 kl. 21:00]

Ef þú sérð skólarútuna með börnunum þínum stefna fram af hengiflugi Haukur bíður þú þá bara rólegur meðan hun fer hjá svo þú komist leiðar þinnar eða reynirðu að stöðva hana með hverjum þeim ráðum sem þér koma í hug?

Það er viðurkennt af öllum að ef neyðarlögin halda ekki sé gjörsamlega ómögulegt fyrir okkur að borga Icesave en það er enginn fyrirvari um það í þessum lögm. Við eigum að borga samkvæmt einhverri jafnræðisreglu sem bretar fara ekki eftir en vilja að við gerum. Það er að koma í ljós að jafnvel þó 90 - 100% af höfuðstól Icesave greiðist með eignum Landsbankans ef neyðarlöi halda fara vextirnir með okkur langleiðina á hliðina jafnvel þó landsflótti, sem þegar er byrjaður, verði ekki verulegur.

Stjórnaliðar haga sér eins og allt of margir Íslendingar gerðu að hugsa sem svo að það skipti ekki máli hvað þetta kostar af því við fáum lánað fyrir því. Þeir segja að ef það komi í ljós að við getum ekki borgað eftir 7 ár þá verði sá slagur bara tekinn þá. Þetta er svo fáránlegur þankagangur því þá er engum vafa undirorpið að við séum skuldbundin til að greiða ef við samþykkjum samninginn núna. Núna eru hinsvegar flestir lögspekingar á því að það sé stórt vafamál hvort við eigum að greiða Icesave yfir höfuð.

Svo má náttúrulega ekki gleyma því að steingrímur var kosin út á yfirlýsingar sínar fyrir kosningar sem eru alger andstaða við það sem hann er að framkvæma núna.

[Haukur Kristinsson (IP-tala skráð) 3.12.2009 kl. 21:05]

Eiður, mér þykir mjög leitt að hafa orðið valdur að því að þú færð mjög dónaleg ummæli frá þessum Guðmundi.

Ég veit ekki hver dóninn er og hefur enga löngun til að vita það.

[Anna Einarsdóttir, 3.12.2009 kl. 22:21]

Guðmundur 2. Gunnarsson erkisjálfstæðismaður.

Hvurskonar rök eru það að "ef þingmenn þiggja mútu í dag, þá hafa örugglega flestallir þingmenn af kynslóð Eiðs haft ágæt kynni af slíkum hlutum" ?

Ef þú hefur ekki tekið eftir því, þá hefur ýmislegt breyst undanfarin ár og siðferðinu verulega hnignað.   Voru t.d. kúlulán til fyrir 10 árum ?   Eða ofurlaun ?  Af hverju setur þú samasem merki á milli mútugreiðslna í nútíðinni og mútugreiðslna fyrir áratugum ?  

[Fannar frá Rifi, 3.12.2009 kl. 23:55]

þegar búið var að samþykkja ESB og Icesave á sumarþinginu, hvað gerði verklausastjórnin þá? geturu sagt okkur það Eiður. bíddu ég skal svara.

hún fór í frí. hún hafði engan áhuga á því að takast á við vandamál þjóðarinnar. sýndi sig líka best í stjórnarmyndunarviðræðunum að SJS tók sér frí til að fara á blak mót yfir eina helgi. vandamál þjóðarinnar voru ekki meiri eða stærri en svo.

þannig að vertu ekki að þessu bulli maður. ríkisstjórnin nennir ekki og hefur í raunin engin ráð til að laga það ástand sem ríkir. um leið og búið er að afgreiða Icesave fara allir heim í Jólafrí. það er ekki meira sem liggur á en það hjá Skattgrími og Skatthönnu. 

[Kjartan Björgvinsson, 4.12.2009 kl. 00:09]

Hættið þið nú.

Það er enginn af þeim betri eða verri en hinn. Komið upp úr skotgröfunum og prófið hvernig hlutirnir ganga ef menn vinna saman, stundum er jafnvel árangur.

[Tryggvi G . Tryggvason (IP-tala skráð) 4.12.2009 kl. 09:56]

Heyr Heyr Kjartan,  er það ekki einmitt þetta, allir rífast og kýta og einblína heldur mikið á að vera bara á móti.  Aldrei hægt að standa saman frekar finna sökudólg og skjóta hitt liðið niður til að líta betur út í drullunni.

Góðar stundir kæru landsbúar og gleðileg Jól.