Þriggja landa lambakjötsbók !

Var að fá í hendur   bók, sem ég  pantaði  frá Amazon:  Sixteen Months of MUTTON, Meat-Eating Journeys through Kazakhstan, Kyrgzstan and Mongolia. Höfundurinn heitir  Stu Lamb, -  enn betra hefði verið ef hann hefði heitið Lamb Stu !  Skírnarnafn hans er reyndar  Stewart. Þetta  minnti mig svolítið á  Loga Eldon  arinhleðlsumann og  Sigurjón Bláfeld  loðdýraræktarráðunaut að ekki sé nú nefndur margfrægur Jökull Bergmann  annáluð fjallageit og  leiðsögumaður.  Fleiri dæmi, einhver ?

Upplögð  bók fyrir Íslendinga - 244  blaðsíður um lambakjöt! Miðasíulöndin sem  höfundur  hefur etið sig í gegn um  eru  einhver áhugaverðustu landsvæði veraldar og á það  eftir að koma betur í ljós í framtíðinni.  Eini gallinn er sá, að lambakjöt er orðinn dýr lúxusmatur á Íslandi  þar sem kjúklingar og svín er kjöt  hinna fátæku, en samt  margfalt dýrara en í útlöndum vegna fákeppni okurs.

Lagast þegar við göngum í ESB og  fáum matvæli á sanngjörnu verði.

Hlakka til að  glugga í bókina.

Athugasemdir

[Eygló, 3.12.2009 kl. 03:13]

Fyrir okkur hefði hann átt að nota alvörunafnið sitt, stytt -  Lamb, Stew -  Svo getur auðvitað verið að ættarnafn hans sé alls ekki Lamb; hann sé bara góður húmoristi og orðleikjamaður.

Er nokkuð um kinda-hausa þarna hjá þér? Mér finnst svo magnað að arabar m.a. í Austurlöndum nær, skuli borða kjamma!

[Eiður Svanberg Guðnason, 3.12.2009 kl. 12:52]

Ég held að austur þar borði þeir allt  af  kindinni,sem ætt er.  Kemur í ljós við lestur bókarinnar.