Kvenfyrirlitning framsóknarforkólfanna

  Það er með ólíkindum að   heyra og lesa um kvenfyrirlitningu tveggja  helstu forkólfa Framsóknarflokksins á Alþingi,  flokksformannsins  Sigmundar Davíðs Gunnlaugssonar og  fulltrúa  flokksins í fjárlaganefnd Höskuldar Þórhallssonar. Sá fyrrnefndi  sagði   forsætisráðherra  örugglega hafa látið semja  ræðu sína fyrir  sig  sá síðarnefndi  sagði að  Jóhann hefði líklega verið að heima  að baka, þegar hún ekki var í þinghúsinu ! . Hversu lágt ætla  Framsóknarmenn að leggjast ? Þeir  eru í flórnum þar sem  verið er að  reyna  að  hreinsa  til eftir þá. Líklega  eru þeir á leið í hlandforina.

 Sumir  þeirra   ungu manna, sumir,  sem kosnir voru á þing fyrir  Framsókn  eru í raun ótrúlega gamlir í hugsun og málflutningi. Þeir ættu að læra að samsama  sig  nú tímanum, en  umfram allt  ættu þeir að læra almenna kurteisi og mannasiði og hætta  að verða sér til skammar í sölum Alþingis. 

Athugasemdir

[Gestur Guðjónsson, 10.12.2009 kl. 11:49]

Steingrímur J hefur verið talsvert meira í þinghúsinu, þannig að ekki hefur þurft að spyrja að því hvort hann væri heima að baka, en það hefur verið ámátlegt að fylgjast með forsætisráðherra þjóðarinnar lesandi sms í þingsal um hvernig hún eigi að svara í þeim umræðum sem henni þó þóknast að taka þátt í.

[Haukur Kristinsson (IP-tala skráð) 10.12.2009 kl. 11:51]

Flott Eiður. Sammála hverju orði. Báðir virðast vera ofdekraðir sjálfumglaðir kjánar.

"Hossir þú heimskum gikki, hann gengur lagið á og ótal asnastykki af honum muntu fá". 

[Eiður Svanberg Guðnason, 10.12.2009 kl. 13:06]

 Gestur  virðist  haldinn sömu kvenfyrirlitningu og  þeir  félagar hans Sigmundur Davíð og Höskuldur.  Þetta virðist  ríkt í sumum Framsóknarmönnum.

[hannes (IP-tala skráð) 10.12.2009 kl. 13:44]

Gamann er að heira að þú er ekki búinn að gleima þínu baklandi Eiður,á hverra framfæri  hefur þú verið? ekki þó krata!

[Sæmundur Bjarnason, 10.12.2009 kl. 14:21]

Eygló var að tala um málfarssíðu eða eitthvað þessháttar í athugasemd við síðasta innlegg þitt. Sammála henni.
Dr. Gunni stofnaði okursíðu sem nýtur talsverðra vinsælda. Þú, Eiður, gætir sem best stofnað málfarssíðu.

[Magnús V. Skúlason, 10.12.2009 kl. 15:08]

Með fullri virðingu fyrir innsláttarvitleysum sem hér er að finna í þessum færslum að þá hugnast mér ekki að þú takir að þér einhverskonar málfars-eftirlit með því sem er að gerast í rituðu máli og talmáli hér á landi.

Er það ekki í eðli sínu ákveðin kvenfyrirlitning að kalla forsætisráðherra Jóhann?

[Eiður Svanberg Guðnason, 10.12.2009 kl. 15:17]

Ómerkilegur útúrsnúningur, Magnús. Klaufavilla er ekki kvenfyrirlitning. Svona skrifa  aðeins þeir sem hafa  vondan málstað að verja.

[Gestur Guðjónsson, 10.12.2009 kl. 16:10]

Í hverju felst þessi kvenfyrirlitning?

Ég baka eins og margir aðrir karlmenn. Það að minnast á að konur geti líka bakað getur því ekki verið kvenfyrirlitning.

Er það þá karlfyrirlitning ef einhverjum dytti í hug að minnast á að ég baki?

Þetta er ómerkilegt bull í röklausum Samfylkingarspunameisturum. Davíðsk smjörklípa

[Þorsteinn Briem, 10.12.2009 kl. 17:28]

Framsókn er í flórnum,
fölsk með sjallakórnum,
stal með ríkisstjórnum,
stolt af þjóðarfórnum.

[Eiður Svanberg Guðnason, 12.12.2009 kl. 00:01]

Margir minna bestu vina eru Framóknarmenn. Það þýðir ekki að mér þurfi að þykja vænta um þá alla.

[Eiður Svanberg Guðnason, 12.12.2009 kl. 00:04]

Gestur er greinilega ekki í góðu skapi.  Kannski tengist hann Gift og lóðabraski FramsóknarFinns í miðborginni. Hver veit ?  Hér hefur greinilega verið komið  við kviku.