Molar um málfar og miðla 187

 Úr  Vefvísi (24.10.209): Betur fór en á horfðist þegar fólkbíll velti ofan í djúpan skurð á Suðurlandsvegi og hafnaði á hvolfi, Hverju velti fólksbíllinn? Velta ,velti,valt, ultum oltið.Hverju velti fólkbíllinn  ofan í læk ?  Hvað segja Molalesendur um eftirfarandi úr Vefmogga (2. 4.10.2009): Bandarískur karlmaður komst í kast við lögin á mánudag þegar hann hellti upp á kaffi heima hjá sér nakinn. Hann á von á því að verða kærður fyrir að afhjúpa sig með ósæmilegum hætti.  Molaskrifari er vanur því að heyra talað um að hella upp á könnuna,eða hella upp á en ekki hella upp á kaffi.Og að afhjúpa sig með ósæmilegum hætti, er ekki gott mál.  Á haustin er það einkum sjóbirtingur sem heillar stangveiðimanna... var sagt í hádegisfréttum RÚV ( (25.20.2009) Sögnina að heilla tekur ekki með sér eignarfall heldur þolfall. ... sjóbirtingurinn heillar stangveiðimenn. Enn ein aula villan í RÚV.  Leikurinn verður spilaður í Frakklandi .. var sagt í íþróttafréttum RÚV. Af hverju ekki: Leikurinn fer fram í Frakklandi. Að spila leik, er ekki gott mál.Í háhegisfréttum RúV ( 25,10. var talað um um píanósnillinginn Glenn Gould, Sem ítreakað var kallaðir Glenn Gold. Þetta minnar á þegar þula sjónmvarpsins talaði  hvað efiri anað um tónskáldið  Richard WOOOgner.

Athugasemdir

[Þorsteinn Briem, 26.10.2009 kl. 16:59]

Hann við lögin komst í kast,
kynlegt allt þar tvist og bast,
er kallinn upp á könnu hellti,
og kynfærum í gluggann skellti.

[Lilja (IP-tala skráð) 26.10.2009 kl. 21:01]

Ágæti Eiður. Góðar ábendingar í þessum pistli eins og mörgum öðrum sem frá þér hafa komið. Mér brá þó nokkuð í brún við að lesa niðurlagið. Þar tekst þér að hafa á annan tug stafsetningarvilla í síðustu setningunni. Í mínum huga er rétt stafsetning hluti af okkar ágæta máli.  

[Haukur Kristinsson (IP-tala skráð) 26.10.2009 kl. 22:27]

Lilja.....þetta eru ekki stafsetningarvillur, þetta eru innsláttarvillur.

Einnig fráganginn skal vanda, en hefur ekkert með stafsetningu að gera.

[Eiður Svanberg Guðnason, 27.10.2009 kl. 11:32]

Ágæta Lilja. -  þetta eru innsláttarvillur, - hroðvirkni og  afleiðing af tveggja fingra  innslætti. Gleymdi líka að láta Púkann lesa þetta. Í stuttu máli: Ég hef  enga  afsökun utan  eigin aulaskap, -  og  geri nú blogghlé um sinn !  Þakka þér vel meintar ábendingar.  K kv   Eiður

[Lilja (IP-tala skráð) 27.10.2009 kl. 17:59]

Þar fór í verra minn ágæti Eiður! Vonandi er þetta blogghlé ekki vegna minna athugasemda. Ég mun sakna molanna þinna - og það segi ég og skrifa af heilum hug. Hef lesið þá frá upphafi og haft bæði gaman og gagn af.

[Haukur Kristinsson (IP-tala skráð) 29.10.2009 kl. 11:48]

Ég er örugglega ekki sá eini sem er farinn að sakna Molanna hans Eiðs.

[Þorsteinn Briem, 30.10.2009 kl. 14:55]

Ekki vera leiður, Eiður!

[Eiður Svanberg Guðnason, 30.10.2009 kl. 16:19]

 Ekki leiður og  ekki reiður, tölvan hefur verið að hrella mig.

Ég skammast mín niður í tær  fyrir þessar tvær  línur. Vil helst ekki leiða hugann að þeim.  Þetta hefur einu  sinni komið  fyrir  mig  áður.  Ein  fimm ár síðan.  Var þá  búinn að  vista  vitleysuna þegar ég sá þetta.  Afsakið hroðvirknina. Von að þetta verði fyrirgefið.

[Eiður Svanberg Guðnason, 30.10.2009 kl. 16:27]

 Alltaf er gott  að heyra að einhver saknar manns.  Þetta kemur að kalda vatninu.

[Þorsteinn Briem, 30.10.2009 kl. 20:33]

Ekkert að afsaka, Eiður minn.