Ólátabekkurinn við Austurvöll

   þeir sem horfðu á fréttir  RÚV í kvöld  af umræðum á  Alþingi í dag um Icesave hafa örugglega tekið eftir því að  formaður Sjálfstæðisflokksins,Bjarni Benediktsson,  fékk  gott hljóð er hann flutti ræðu sína. Sigmundur Davíð Gunnlaugsson formaður Framsóknarflokksins fékk líka gott hljóð er hann flutti sína ræðu. Þannig á þetta  auðvitað að vera á Alþingi Íslendinga.

  Sjónvarpsáhorfendur  komust hinsvegar ekki hjá því  að heyra að þegar  Steingrímur J Sigfússon  fjármálaráðherra flutti sína   ræðu  fékk hann ekki hljóð og það heyrðist illa til hans  og er Steingrímur þó ekki raddlaus maður. Stjórnarandstaðan, þar sem Sjálfstæðismenn og  Framsóklnarmenn eru fjölmennastir, gjammaði,  gargaði og gólaði undir   ræðu ,Steingríms J. væntanlega til að koma í veg fyrir að  fólk heyrði hvað hann væri að segja.   Stjórnarandstaðan er eins og   stjórnlaus bekkur ólátabelgja í gagnfræðaskóla. Því verður ekki trúað að þjóðinni finnist þetta sæmandi framkoma í þingsal. Þingmenn eiga að sýna Alþingi  virðingu. Það eru forréttindi að  vera kjörinn Alþingismaður.  Þetta er til háborinnar skammar.

Athugasemdir

[Predikarinn - Cacoethes scribendi , 22.10.2009 kl. 22:13]

Ég er sammála þér með þennan hvimleiða ósið að ræðumaður í púlti fái ekki frið til að flytja mál sitt fyrir frammíköllum. Það á ekki að líðast hver svo sem á í hlut, Steingrímur eða Bjarni, Sigmundur eða Össur. Forsetar þingsins ættu að taka þetta föstum tökum.

Hitt er annað að ég get vel skilið kurr þeirra sem kölluðu fram í fyrir Steingrími, ekki að það afsaki þá á nokkurn hátt. Sjaldan hef ég hlýtt á jafn mikinn afflutning sannleika um langa hríð og í þessari ræðu Steingríms í dag. Það er aðdáunarvert í raun hve kinnroðalaust hann flutti þennan boðskap sinn. Hann trúir þessu kannski sjálfur, eða er svona góður leikari ?

[Haukur Kristinsson (IP-tala skráð) 22.10.2009 kl. 22:17]

Mikið er ég þér sammál Eiður. Dekurbornin létu eins og fífl og ættu það skilið að vera flengt.

Grátbroslegt var að horfa upp á miðaldra gaura eins og Tryggva Þór, sem lét eins og hann væri aftur kominn í sandkassann.

[Haukur Kristinsson (IP-tala skráð) 22.10.2009 kl. 22:22]

Ágæti Cacothesis scribendi. Var að lesa þín ummæli. Viltu vera svo góður og nefna mér dæmu um affluting sannleikans hjá Steingrími. Aðeins eitt eða tvö dæmi. Meira vil ég ekki. Takk fyrir.

[Haraldur Bjarnason, 22.10.2009 kl. 22:31]

Já samlíkingin við ólátabelgi í skóla á vel við enda sagði Steingrímur: "Krakkar eigum við ekki að róa okkur aðeins."

[Eygló, 23.10.2009 kl. 00:06]

Þótt maður eigi kannski ekki að skammast sín fyrir það sem sem aðrir gera, þá hreinlega skammaðist ég mín fyrir suma meðlimi æðstu samkundu þjóðarinnar.

Mér er sama hver í hlut á; stjórnar- eða stjórnarandstöðulimir, sannsöglir eða lygarar, - fólk á að fá frið til að tala (ljúga, þegar það á við :)

[Guðrún María Óskarsdóttir., 23.10.2009 kl. 01:02]

Þegar svo er komið að ríkisstjórn krata og komma ætlar að láta þjóðin greiða 100 milljónir á dag í vaxtakostnað í samningagerð við erlend ríki, er það ekki skrítið að þingheimur mótmæli.

kv.Guðrún María.

[Eygló, 23.10.2009 kl. 02:23]

Fá þeir ekki að tala úr pontu á eftir?

[Eiður Svanberg Guðnason, 23.10.2009 kl. 09:16]

 Hver á að borga  Guðrún María? Mikið vildi ég að hægt væri að láta bankabófana  borga og stjórnmálaleiðtogana  sem afhentu  vinum sínum bankana okkar, ríkisbankana  fyrir slikk.  Ertu ekki sammála?  Því miður verður þjóðin ,við öll, að   borga kostnaðinn af  afglöpum afglapanna.