Fíflagangur á Alþingi

  Í gær og í dag hafa  þingmenn stjórnarandstöðunnar rætt Icesave málið á Alþingi undir   ýmsum  dagskrárliðum, þykjast  til dæmis vera að tala um störf þingsins eða  fundarstjórn forseta.

Þegar  kom að því dag  að því að greiða  atkvæði um  afbrigði  frá þingsköpum eins og  alsiða  er að  gera   svo  taka megi málið á dagskrá aðeins fyrr en   þingsköp  segja  fyrir um , greiðir öll stjórnaranstaðan  atkvæði á móti. Þetta er  ekki hægt að kalla annað en fíflagang. Þeir sem fara  fyrir  styjórnarandstöðunni   eru ólíkindatól og mér  segir  svo hugur um að það sé ekki  mjög  algengt í þingsögunni að neitað  hafi verið um afbrigði , þótt þess séu  sjálfsagt dæmi.

   Aldrei fyrr  höfum við hinsvegar haft  stjórnarandstöðu  sem  hegðar sér eins og  ólátabekkur í gagnfræðaskóla.  Þingmenn stjórnarandstöðunnar gjamma og gjamma úr  sal  til þess að helst heyrist  ekki í þeim sem  hefur orðið og  er í ræðustól. Þetta er allt  dálítið óraunverlegt.

Það  var annað yfirbragð á umræðum  norskra  stjórnmálamanna í NRK  Dagsnytt í  dag, - eins og  svart og  hvítt.

 

Athugasemdir

[Haukur Kristinsson (IP-tala skráð) 20.10.2009 kl. 19:53]

Stjórnarandstaðan í dag er einhver sú vitlausasta og óábyrgsta sem sögur fara af. Mér er óskiljanlegt hvernig eldri þingmenn Framsóknarflokksins og einnig Guðmundur Steingrímsson, láta Sigmund Davíð, Höskuld og Eygló teyma sig á asnaeyrunum. Bjarni Ben hjá Íhaldinu, Gunnlaugur Þór + Illugi, og svo nýliðinn Tryggvi Þór láta eins og fífl. Það gerir svo einnig snobb kellingin Þorgerður Katrín. Hún hefur ekkert lært, konan sú. Þegar svo öllun er ljóst að þessir tveir flokkar, Sjálfstæðisflokkurinn og Framsókn bera nær alla ábyrgðina á því ástandi sem ríkir í dag, um það þarf ekki að ræða, er þessi framkoma og hugarfar þingmannana eiginlega vítarvert, ef ekki abnormal.  

[Þorsteinn Briem, 21.10.2009 kl. 00:11]

Gapir stór þar galinn kór,
Guðlaugur Þór og Tryggvi Þór,
stóran mokar Framsókn flór,
fór til Noregs og drýgði hór.

[Eygló, 21.10.2009 kl. 00:43]

svo heimtar fólk (sumir/margir?) nýja ríkisstjórn.  Núverandi andstöðuflokka?

[Kama Sutra, 21.10.2009 kl. 03:38]

Ég spái því að núverandi þingmenn stjórnarandstöðu verði í framtíðinni taldir meðal ábyrgðarlausustu og fíflalegustu þingmönnum Íslandssögunnar.  Þessi asnalæti í þeim verða geymd en ekki gleymd.  Þau rembast eins og þau eigi lífið að leysa til að reyna að skemma og eyðileggja og tefja að mál komist í gegnum þingið.

Ég held þeim geti varla verið sjálfrátt eins og þau láta.  Algjör sandkassaleikur á þinginu - dag eftir dag eftir dag.  Ekkert skrýtið að íslenska þjóðin er sokkin í djúpan skít með svona ábyrgðarlaust pakk á Alþingi.

Svo er til fólk sem vill að þetta lið taki við í nýrri ríkisstjórn!

[Eiður Svanberg Guðnason, 21.10.2009 kl. 08:44]

 Nú hefur komið  fram í blöðum og haft eftir  skrifstofustjóra Alþingis, Helga  Bernódussyni, að það sé ekki algengt að hafnað sé  beiðni  um afbrigði frá þingskapalögum svo taka megi  mál  fyrr til umræðu. Þess séu þó dæmi.  Sá sem  þetta skrifar minnist ekki slíkrar höfnunar  á sínum fimmtán árum á Alþingi.

Ljóst er að það var eingöngu skemmdarfýsn sem réði gerðum  stjórnarandstæðinga er þeir felldu afbrigðin í gær. Sannast sagna  var ömurlegt að hlusta á hræsni formanna þingflokka  Sjálfstæðisflokks  og Framsóknar er þeir  sögðu  málið  svo  alvarlegt að það þyrfti  vandaðan undirbúning. Þessvegna  væri  ekki hægt að ræða  það fyrr en eftir  sólarhring.  Ætli þeir  hafi legið  yfir því í nótt? Þeir  töluðu um þetta mál í allt  heila  sumar.  Sjaldan hefur maður séð   kjörna  fulltrúa þjóðarinnar á þingi  lúta svo lágt sem þingflokksformennirnir gerðu í gær. Dapurlegt.

[Sverrir (IP-tala skráð) 21.10.2009 kl. 13:29]

Af visir.is í dag:

 Lenti maðurinn á hausnum á næstu hæð fyrir neðan og lést.

Þarna hefði verið smekklegra að nota höfðinu

[Eygló, 21.10.2009 kl. 21:59]

"Þessi asnalæti í þeim verða geymd en ekki gleymd"    Því miður eru yfirgnæfandi líkur á því að við gleymum þessu fyrr en varir.

 "... sokkin í djúpan skít með svona ábyrgðarlaust pakk á Alþingi"   Mér er alveg meinilla við það sem kallað er alhæfingar. Auðvitað er eitthvað af ágætis fólki þarna sem vinnur vel, þótt sumir virðist bara mæta og aðrir bara til að þræta.

Ég held að ég sé svona viðkvæm vegna alhæfinga um bloggara; að þeir séu orðljótir og lygnir dónar. Nafnlausir og spilltir. Pant ekki verða undir þeim merkimiða : )

Já, hún er þyngri en tárum taki, sú skemmdarstarfsemi sem manni sýnist viðgangast á Alþingi.