Molar uym málfar og miðla 180

Í tíu fréttum RÚV (16.10.2009) var sagt... áframhaldandi starf hans sem sóknarprestur á Selfossi. Hefði átt að vera: ... áframhaldandi starf hans sem sóknarprests á Selfossi.

 Úr Vefdv (17.10.2009): 45 ára gömul kona frá Big Sandy í Texas í Bandaríkjunum hefur verið gert að sæta geðrannsókn eftir að yfirvöld ... Hér ætti að standa: 45 ára gamalli konu.. hefur verið gert að sæta geðrannsókn  

 

Úr Vefvísi (17.10.2009) Lögreglan á höfuðborgarsvæðinu þurfti að hafa afskipti af ungmennum á Granda vegna hraðaksturs. Kvartað var undan hávaða. Lögreglan greip í tómt þó þegar hún kom á vettvang en segir það þekkt að ungmenni séu að aka hratt á þessum slóðum og valda ónæði. Augnablik! Það er ekki heil brú í þessu. Afskipti af ungmennum sem ekki voru til staðar. Hvernig  gerðist slíkt?  

 

Íþróttafréttirnar í lok sjónvarpsfrétta RÚV (17.10.2009) voru sannkölluð ambögunáma. Nokkur dæmi um gullkorn þaðan: Keppnin í dag innihélt sex keppnisgreinar, segja má að öll úrslit hafi verið eftir bókinni (e. by the book) , hann gerði 13 stig, leikurinn fór seint af stað (leikurinn byrjað seinna en ráð var fyrir gert), hafði klúðrað fyrir Brasilíu. Svo kom nýtt borgarheiti við sögu: Kaí- ró, í stað Kæró.

 Enn var í fréttum RÚV (17.10.2009) talað um síðasta í haust í stað þess að segja í fyrra haust eins og er málvenja á íslensku. Ekki verður sagt að fréttastofa RÚV standi dyggan vörð um tunguna.

Í Kastljósi RÚV (19.10.2009) sagði varaformaður Sjálfstæðisflokksins að  ríkisstjórnin hefði komið fram eins og málafærslumenn fyrir Breta og Hollendinga. Þetta er ásökun um landráð. Nú er líka hamrað á því að Bretar og Hollendingar treysti ekki íslenskum dómstólum. Íslenskum dómstólum gefinn fingurinn, var sagt. Ekki mjög  vandað mál. Eigum við ekki að snúa spurningunni við?  Treysta Íslendingar breskum og hollenskum dómstólum? Svari nú hver fyrir sig.

Í veðurfréttum Stöðvar tvö (19.10.2009) var sagt að útlit væri fyrir björtu veðri. Betra hefði verið að segja að útlit væri fyrir bjart veður eða bjartviðri. Molaskrifari efast um að stjórnendur Stöðvar geri sér grein fyrir því hve röng ákvörðun það var að  reka Sigurð Þ. Ragnarsson veðurfræðing, Sigga storm. Hann var hluti af andliti fréttatímans, sterkur dráttur í fámennum hópi. Erlendar sjónvarpsstöðvar skilja mikilvægi þess að vera ekki sífellt að tefla fram nýliðum í fréttum og veðurfréttum. Enn sér Molaskrifari sömu andlitin í norska sjónvarpinu sem þar fluttu fréttir og veðurfréttir á árunum 1993 til 1998. Þetta var arfavitlaus ákvörðun Stöðvar tvö um ágreining sem auðvelt hefði átt að vera að jafna. Klókt hjá sjónvarpi Moggans og Skjás eins að ráða Sigurð samdægurs. 

Athugasemdir

[Eiður Svanberg Guðnason, 20.10.2009 kl. 08:49]

Biðst velvirðingar á fljótfærnis innsláttarvillu í fyrirsögn !

[Haukur Kristinsson (IP-tala skráð) 20.10.2009 kl. 09:04]

Óþarfi að afsaka prentvillur sem eru augljóslega innsláttarvillur og koma strax upp um sig í lestri.

Verri var mín villa í síðustu Molum, þar sem ég skrifaði þungavigtsmenn í stað þungavigtarmenn. Hér var um klaufalega málvillu að ræða.

[corvus corax, 20.10.2009 kl. 09:20]

Þetta er frábær pistill um málfarsmola ...ekki veitir af!

[Bjarni Kjartansson, 20.10.2009 kl. 09:30]

Sem bóndi og djákn í búr´ og Kór, beggja skyldu rækja.

Svo mætti esegja um stjórnarlufsurnar sem nú sitja.

Mjög eru þau aum í málafylgju fyrir þjóð sína, svo mætti álíta, að þau ræktu annarra skyldu.

Sneypufarir eru margar farnar nú og svo rammt kveður að þeim, síðustu misserin, að farendur telja frægðarför ef þau komi til baka, skítt með hvað er í malnum.

Ekki er þeim að jafna við þá sem komu með 200 mílna lögsögu okkur til handa hér fyrrmeyr.  Samt þótti Krötum og Kommum viðeigandi, að úthrópa Matta Bjarna sem vondan, þar sem honum hafði á sínum tíma þótt 50 mílna undanslátturinn lítilmótlegur.

Þá voru hetjur sem báru sig vel og datt ekki í hug, að rækja skyldur erlendra Nýlenduþjóða.

Með tilhlýðilegri virðing fyrir hugleysingjunum sem nú ráða fyrir Stjórnarráðinu

Miðbæjaríhaldið

[Sverrir (IP-tala skráð) 20.10.2009 kl. 09:32]

Úr íþróttafréttum Sjónvarps 18/10:

....."höfðu kínverjar hinsvegar tögl og hagldir yfir aðra keppendur.."

og:

...en Adam fékk ekki að vera einn í Paradís nema rétt svo á meðan á leikhléinu stóð....

[Kristinn Pétursson, 20.10.2009 kl. 10:17]

Þú þarft líka að biðjast velvirðingar á mörgu af því pólitíska svartagallsrausi sem þú lætur frá þér fara.  Þú úthúðar pólitíska andstæðinga í hálfsannleika ... en eins og skáldið kvað:

• "hálfsannleikur oftast er
• óhrekjanleg lygi..."

Þetta á sérstaklega við um ómerkilegan málflutning þinn um  einhverja "samninga" sem bara ráðherrar sjálfstæðisflokksins - í fyrri ríkisstjórn eiga að hafa gert í þessu Icesave  máli......

• Var ekki Samfylkingin 50% aðili að þeirri stjórn - skilur þú það ekki að ábyrgðin er 50/50 í slíku samstarfi?
• Veist þú ekki að þreifingar um sáttaleiðirí þessu Icesave máli í fyrri ríkisstjórn voru bar minnisblöð um málið  (vinnuskjöl) en engir "samningar" ... allir "samningar" voru og eru  lagalega óheimilir (skv. stjórnarskrá)  - án fyrirvara um samþykki Alþingis.... þetta áttu að vita... þetta voru þreifingar á málum en ekki "samningar".....
• af hverju ertu þá alltaf að ýkja þetta -  "ljúga með hálfsannleika" um málsmeðferðina í síðustu ríkisstjórn. Hvað er að hjá þér??

Svo áttu lík að vita - að í flestum minnisblöðum var texti  á þessa leið:

• "það sem Íslendingum væri lagalega skylt að borga skv. EES/ESB samningum" 
• og nú veistu að sá texti - var meining íslenskra ráðherra -  að væri lagalega séð  -(að lágmarki) bara innistæðutryggingasjóðurinn.........   menn voru auðvitað að þreifa fyrir sér - og vinna í málunum - reyna að vinna tíma til að átta sig á málinu - hvað ætti að gera........

Ég skora á þig að hætta þessum hálfsannleika  þetta gerir þig bara ómerkilegan -  en það má ver að það sé tilgangslaust að benda þér á...  kanski er ekkert hægt að hjálpa þér....

[Eiður Svanberg Guðnason, 20.10.2009 kl. 10:59]

Tók eftir þessu líka, Sverrir.Kemur í Molum.

 Það er greinilegt, Kristinn, að það líður mörgum Sjálfstæðismanninum illa um þessar mundir. Einkum eldra  fólki sem e r vant að  virðingu sinni og man tímana tvenna um þennan flokk þar sem  skrumið og ábyrgðarleysið ráða nú ríkjum. Ég hef  sagt að  Samfylkingin sé  langt frá því að vera alsaklaus, en höfuðábyrgð á  hruninu bera  samt  flokkurinn þinn og  Framsókn sem  með ótrúlega spilltum aðferðum gaukuðu tveimur  ríkisbönkum að einkavinum sínum. og er þábara  eitt nefnt.

Það er gaman að eiga orðastað við mann sem „ er áhugamaður um vandaða þjóðmálaumræðu" eins og hver heilvita maður sér,sem, les pistilinn þinn. En þú átt alla mína samúð. Það er erfitt að vera Sjálfstæðismaður þessa dagana.

[Þorsteinn Briem, 20.10.2009 kl. 11:10]

16.11.2008: (Forsætisráðherra Geir H. Haarde, fjármálaráðherra Árni M. Mathiesen, Sjálfstæðisflokki, seðlabankastjóri Davíð Oddsson.)

„Mikilvægur áfangi hefur náðst til lausnar deilunnar um innstæðutryggingar vegna íslenskra bankaútibúa á Evrópska efnahagssvæðinu og stöðu sparifjáreigenda í þeim. [...]

Samkomulagið felur í sér að íslensk stjórnvöld ábyrgjast lágmarkstryggingu þá sem EES-reglur mæla fyrir um til innstæðueigenda í útibúum bankanna erlendis. Endanlegur kostnaður ríkissjóðs vegna þessa mun ráðast af því hvað greiðist upp í innstæðutryggingar af eignum bankanna.“

Forsætisráðuneytið: Samkomulag næst við Evrópusambandið fyrir hönd Hollendinga og Breta - Greiðir fyrir láni frá Alþjóða gjaldeyrissjóðnum (IMF)

[Þorsteinn Briem, 20.10.2009 kl. 11:15]

"Fra norsk side har en lagt stor vekt på et tett nordisk samarbeid om støtte til Island. I forbindelse med IMF-styrets behandling av Islands stabiliseringsprogram 19. november 2008, gikk Norge derfor sammen med Danmark, Finland og Sverige om å love at de fire landene samlet ville gi et mellomlangsiktig lån på 2,5 mrd. USD."

Norska fjármálaráðuneytið

[Þorsteinn Briem, 20.10.2009 kl. 11:19]

RÍKISSTJÓRN SVÍÞJÓÐAR 2. júlí 2009:

Í NÓVEMBER 2008 STAÐFESTI ÍSLAND að landið ætlaði að standa við skuldbindingar sínar hvað snertir bankainnistæður að 20.887 evrum, samkvæmt tilskipun sem gildir á Evrópska efnahagssvæðinu (94/19/EG) .

"I november 2008 bekräftade Island att landet kommer att leva upp till sina åtaganden enligt insättningsgarantidirektivet, det vill säga att ärsätta insättare i isändska bankers utländska filialer upp till det högsta möjliga beloppet enligt den isländska insättningsgarantin, 20.887 euro."

Sjá bls. 11-12:

Sænska ríkisstjórnin 2.7.2009: Lán til Íslands - IceSave og Alþjóða gjaldeyrissjóðurinn

[Kristinn Pétursson, 20.10.2009 kl. 12:51]

Heyrðu Eiður. Mér líður ágætlega -  ekkert illa.... en þeir sem þurfa endalasut  - og í síbylju - að ausa frá sér óhróðri og hallærislegum hálfsannleika um náungann - hlýtur þeim sama ekki að líða illa   ??? 

Vinsamlega  anda djúpt  - slaka á  og líta í spegil. 

Annars: Gangi þér vel - það gerist ef þú losar þig við  "púkann á fjósbitanum"

[Eiður Svanberg Guðnason, 20.10.2009 kl. 13:03]

 Kristinn, ég kannast nú ekki við neinn hálfsannleika.  Stjórnmálaflokkar og  stjórnmálamenn verða að  standa ábyrgir gerða sinna, -  mér  kemur ekki  til hugar að segja að Samfylking sé   saklaus af því sem gerist í stjórnartíð hennar og  þíns  flokks. Hún ber þar vissulega sína  ábyrgð til jafns  við Sjálfstæðisflokk..

En um  þessar  mundir hlaupa  púkarnir í spik á  fjósbitunum í Valhöll og í fjósi Framsóknar. Þeir stoppuðu ekkert hjá mér. Mér  finnst  forystumenn þessara flokka vera að leika ljóta leiki. Sjáðu bara Noregsruglið hjá  Framsókn. Trúir þú því í alvöru að Bretar og Hollendingar hefðu verið  sveigjanlegri  við Sigmund og Bjarna? Það voru hinsvegar  mistök hjá  Steingrími að  setja  fyrrum  stjórnmálamálamann, -- alveg sama hver það var,  yfir  fyrri samninganefndina. Þangað átti  núverandi eða  fyrrverandi pólitíkus ekkert  erindi. Með þessu er ég  ekki að lasta  Svavar sem er  dugnaðarforkur, og hefur  staðið sig vel  sem sendiherra, þetta segi ég  , þótt við höfum reyndar alla ævina  verið ósammála í pólitík. Honum var ekki, og ekki neinum,  gerður greiði með þessari ráðstöfun.

[Bjarni Kjartansson, 20.10.2009 kl. 13:14]

Þekki afar marga samtíðarmenn Svavars bæði pólitíska samstarfsmenn sem andstæðinga.

Öngvir lýsa honum sem hamhleypu til vinnu.

Bróðir minn Flemming fór tíðum í jarðafarir í Dómkirkjuna, því þar var alltaf verið að jarða svo gott fólk. 

Svavar er ekki dauður enn.

Oflof er jafnað við fjölmæli í fornum lögum, sem kváðu mörg enn í gildi.  Því var mannjöfnuður bannaður í Grágás.

Með virðingu fyrir vinnu þinni á akri málfarsins.

Miðbæjaríhaldið

[Kristinn Pétursson, 20.10.2009 kl. 13:49]

Það er hálfsannleikur hjá þér (ósannindi)  að tala um "samninga sem Árni Matt eða Geir gerðu í Icesave málinu"....  Minnisblöð  og fundargerðir þar sem óskir viðsemjenda eru líka skráðar eru ekki neinn "samningur".... það var enginn formlegur samningur gerður og lagður fyrir hérlendis - nema þessir tveir sem þessi ríkisstjórn hefur gert - og þar af sá síðari....

þvert ofan í þau lög  um ríkisábyrgð sem þá lágu fyrir....  sem ég tel á ógeðfelldu gráu svæði - stjórnskipunarlega.   það er búið að láta allt of mikið undan í þessu máli......

Ég  hefði viljað fara "Financial Times ritstjóraleiðina" (skipta skaðanum pr. haus - Ísland, Bretland, Holland.) og   ég hefði kosið að ríkisstjórnin hefði óskað eftir því við Evu Joly  hvort hún gæti  leitt samningaviðræður.

Ef þú og fleiri hefðu tekið undir þetta - þegar þessir aðilar  komu með þessar hugmyndir í sumar - þá væri ekki allt málið komið í þessa ömurlegu stöðu sem það er nú komið í.... og svo hvað???

Hálfsannkeikur hjá þér  Eiður og mörgum öðrum sem eru með sambærilegar "steypustöðvar" - steypan vellur frá ykkur.....  allar þessar "steypustöðvar" ... hafa skaðað þjóðarhag - því ef þið hefðuð tekið undir með ritstjóra Financial Times og Evu Joly... hefði málið  hugsanlega þróast til betri vegar........

Ég sé þetta svona -  án þess að vera með nein "pólitísk þröngsýnisgleraugu"

[Eiður Svanberg Guðnason, 20.10.2009 kl. 15:27]

  Kristinn, þegar  menn skrifa undir   eða  setja  stafina  sína á það sem á ensku heitir Memorandum of  Understanding þá er litið á það sem  bindandi samkomulag aðila. Þú getur reynt að snúa út úr þessu á hvern  veg sem þú  vilt , en  svona er þetta.

  Þú kallar mig  steypustöð. Gott og vel, það er þitt mat, en  oft er það reyndar svo að sannast hið fornkveðna að sannleikanum verður hver sárreiðastur.

 Ég neita því að ég hafi með skrifum mínum skaðað þjóðarhag. Þínir menn sáu alveg um það.  Aðalspunakona   flokksins íns hannes Hólmsteinn er hinsvegar iðinn við kolann þessa dagana, leyfi mér að nota það orðtak þótt sjálfsagt hafi hann aldrei mígið í saltan sjó. Hannes er einn  af stórbokkunum sem leyfa  ekki athugasemdir við það sem hann skrifar á bloggið.

[Predikarinn - Cacoethes scribendi , 20.10.2009 kl. 15:39]

Sælir.

Á minnisblaðinu sem ráðherrann embættismennirnir skrifuðu undir, stendur einnig eitthvað á þá leið að ....enda standi lög og reglur til þess. Þar stendur hnífurinn í kúnni. Við erum tilbúin samkvæmt þessu að standa við allar lagalegar skuldbindingar okkar í þessu efni. Flestir fræðimenn á sviði laga sem varða einnig EES/ESB hafa skrifað greinargerðir um þetta sem benda til að skattgreiðendur eru ekki skuldbundnir til þess að greiða skuldir óreiðumanna í útlöndum.

[Kristinn Pétursson, 20.10.2009 kl. 16:22]

"Memorandum of  Understanding"  er  í mínum augum ekkert annað en minnisblað um tiltekinn fund - um það viðfangsefni sem ver til umræðu.... enda veist þú nú vel - eð enginn getur bundið neinn "samning" um þetta nema Alþingi.

Af hverju í andskotanum ertu þá endalaust að japla  fram og aftur á einhverum "samningi sem hafi verið gerður".....  þegar þetta voru bara minnisblöð af fundum (memorandium)  Þeir einir sem sátu fundinn - geta svo "fyllt upp í eyðurnar" þegar komið er heim - hvað viðsemjandinn var að reyna að fá sett í þetta "memorandium" og hvað okkar menn(Íslendingarnir) gátu sett í þetta "memo"......

auðvitað voru allir af vilja gerðir - kurteisir að reyna  að finna lausn - skrifandi fjöldann allan af svona "memo" - til frekari umræðu á heimavelli.... - leitað  var lausna á þessu ógnarstóra viðfangsefni... nema hvað....  þetta var bara forvinna - þetta var aldrei neinn "samningur" í þeim dúr sem þú og fleiri eru endalaust að ljúga upp á fyrrverandi ráðherra Sjálfstæðisflokksins -  með endalausum hálfsannleika  með vellandi steypu úr öllum ykkar "steypustöðvum". ...sem  ég tel að hafi skaðað þjóðarhag

Ég er að reyna að snúa þér í rétt átt að kjarna málsins - frá þessum skaðlega skilningi þínum.. auðvitað skaða svona ósannindavaðall og óhróður um tiltekna menn...

Með "skaðað" á ég við það sem ég skrifaði áðan - að  ef þú og fleiri hefðuð tekið undir sjónarmið ritstjóra Financieal Times og Evu Joly í sumar.....

þá væri staða málsins hugsanlega allt önnur og betri.....

en þess í stað fóruð þið bara í að "magnframleiða  ein mikla steypu" og drituðuð henni út um allt land - á blogginu ykkar. Það tel ég að hafi skaðað þjóðarhag - að viðhalda rangfærslum og hálfsannleika - í stað þess að taka upp flotta hugmynd ritstjóra Financial Times og reyna svo að  hvetja ykkar fólk í stjórnálum til að  "trompa" - með slíkum frábærum samningi - t.d. með því að leita eftir aðstoð frá Evu Joly um að leiða slíkar viðræður - því...

Eva Joly kann öll atriði utanað um "refsiverð athæfi" í milliríkjaviðskiptum og þjóðarrétti. Hún hefði getað lesið þessum "bresku og hollensku samningamönnum" pistilinn á "mannamáli" - sem enginn Íslendingur gat.... auðvitað eru bæði Bretar og Hollendingar að níðast á okkur - misnota sér neyð okkar - og Bretar beittu okkur hryðjuverkalögum - sem ég tel refsivert athæfi  allt slíkt gat EWva Joly notað....

það er ekki of seint að fá hana að málinu..... ef þú og felri takið hönum saman og barið að berjast fyrir málstað Íslands í stað þess að halda "steypunni" áfram...

[Þorsteinn Briem, 20.10.2009 kl. 19:55]

11. október 2008: "Sama dag var birt svohljóðandi yfirlýsing íslenskra og hollenskra stjórnvalda: "Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans. Fjármálaráðherra Hollands, Wouter J. Bos, og fjármálaráðherra Íslands, Árni M. Mathiesen, tilkynntu þetta. Ráðherrarnir fagna því að lausn hafi fundist á málinu.

Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst. Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna."

Fjármálaráðuneytið: Annáll efnahagsmála 2008

[Þorsteinn Briem, 20.10.2009 kl. 20:09]

"11. október 2008 árituðu íslensk stjórnvöld samkomulag við Hollendinga um lánaskilmála vegna útgreiðslu lágmarksinnstæðutrygginga til hollenskra innstæðueigenda. Niðurstöðuna tilkynntu þeir Árni M. Mathiesen, þáverandi fjármálaráðherra, og Wouter J. Bos, fjármálaráðherra Hollands, sameiginlega á fundi Alþjóðagjaldeyrissjóðsins 11. október 2008. Í tilkynningu forsætisráðuneytisins um samkomulagið segir m.a.:

"Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur."

Samkomulagið við Hollendinga kvað á um að hollenska ríkisstjórnin mundi veita 10 ára lán til að standa undir greiðslum til hollenskra innstæðueigenda í Icesave, með 6,7% vöxtum og 3 ára afborgunarleysistímabili. Sama dag var tilkynnt að viðræður við Breta hefðu gengið vel og von væri á samkomulagi við þá einnig fljótlega.“

"[...] Þegar viðræður hófust að nýju undir forustu nýrrar samninganefndar héldu Hollendingar því fram að þeir hefðu í raun í höndum samning um 6,7% vexti, 10 ára lánstíma og að allt félli á ríkissjóð og gáfu það ekki frá sér fram á síðasta dag að það væri sú viðmiðun sem vinna ætti út frá. Því hafnaði Ísland alfarið."[...]

"... eftir hádegi 5. júní, hófst formlegur samningafundur. Lauk honum laust fyrir miðnætti sama dag með undirritun samninganna. [...] Lán Hollendinga og Breta er til Tryggingarsjóðs innstæðueigenda og fjárfesta. [...] Í samkomulaginu er kveðið á um 5,55% fasta ársvexti, þ.e. 1,25% álag á viðmiðunarvexti OECD, svonefnda CIRR-vexti, en þeir voru 4,30% á þeim tíma sem samningarnir voru gerðir.

Bæði álagið og viðmiðunarvextirnir eru með því lægsta sem gerist á föstum langtímavöxtum í Evrópu og má í því sambandi benda á að skuldatryggingarálag á 5 ára bréfum íslenska ríkisins er um þessar mundir 6,8%, samanborið við 1,25% í samkomulaginu."

Frumvarp til laga um heimild til handa fjármálaráðherra, fyrir hönd ríkissjóðs, til að ábyrgjast lán Tryggingarsjóðs innstæðueigenda og fjárfesta frá breska og hollenska ríkinu til að standa straum af greiðslum til innstæðueigenda hjá Landsbanka Íslands hf.

[Kristinn Pétursson, 20.10.2009 kl. 21:15]

Til Steina Briem:

"héldu Hollendingar því fram að þeir hefðu í raun í höndum samning um 6,7% vexti, 10 ára lánstíma og að allt félli á ríkissjóð"

Hvað kemur mér við Steini Briem    "hverju Hollendingar halda fram"... þetta voru minnisblöð af fundum - en ekki "samningur"... enda engin heimild fyrir slíkum samningum....... sem þá hefðu þurft að vera með fyrirvara um samþykki Alþingis...

Ekkert af þessum "memo"  fundargerðum hefur neina laglega eða skuldbindandi merkingu Steini Briem...

Spurningin er þessi  með þig og Eið,,, Af hverju í fjandanum eru þið að spila  í liðinu með Bretum og Hollendingum - eruð þið að leika "litla föðurlandssvikara"  bara svona í "ganni" - af því það er svo "gaman" hjá ykkur að "þjóna púkanum á fjósbitanum" og úða tómri steypu yfir fyrrverandi ráðherra Sjálfstæðisflokksins ??.

Af hverju gerið þið ekki frekar föðurlandinu gagn  - og byrjið í fyrramálið -  (betra seint ern aldrei)  á því að reyna að taka þátt í að biðja ykkar góðu pólutíkusa  - að  LANDA  almennilegum samningi  eins og ritstjóri Financial Times lagði til -

 að skipta skaðanum  pr. einstakling Holland - Bretland - Ísland.... sanngjarnasta tillaga sem sést hefur..... í málinu...!!

Hvað fær ykkur til að vera skjóta stanslaust á mark Íslendinga í þessum hildarleik... í stað þess að taka af drengskap þátt í  því að reyna nú að fara FT leiðina - það er enn ekki of seint - þú það sé á elleftu stundu..

Kveðja til ykkar. KP

[Þorsteinn Briem, 20.10.2009 kl. 22:21]

"Í athugasemdum við frumvarp til laga um innstæðutryggingar var skýrt með hvaða hætti sjóðurinn tryggði innstæður þegar banki eða sparisjóður stæði frammi fyrir greiðsluerfiðleikum:

"Ef eignir sjóðsins hrökkva ekki til að greiða heildarfjárhæð tryggðra innstæðna, verðbréfa og reiðufjár skal greiðslu úr sjóðnum skipt þannig milli kröfuhafa að heildarkrafa hvers þeirra allt að 1,7 millj. kr. verði bætt að fullu en allt sem umfram er þessa fjárhæð skal bætt hlutfallslega jafnt eftir því sem eignir sjóðsins hrökkva til. Sjóðnum er heimilt að taka lán til að greiða kröfuhöfum hrökkvi eignir sjóðsins ekki til.

Í framsöguræðu þáverandi viðskiptaráðherra, Finns Ingólfssonar, var svo enn frekar hnykkt á þeim skilningi að sjóðnum bæri að bæta upp tjón sparifjáreigenda að lágmarki 1,7 milljón króna, hvort sem að eignir hans dygðu til þess eða ekki." [...]

"Landsbankinn stofnaði útibú í Bretlandi í mars 2005 og í Hollandi haustið 2007. Samkvæmt 36. gr. laga um fjármálafyrirtæki, nr. 161/2002, skal innlent fjármálafyrirtæki sem hyggst starfrækja útibú í öðru ríki á Evrópska efnahagssvæðinu tilkynna það Fjármálaeftirlitinu (FME) fyrir fram en stofnun útibúsins er ekki háð sérstöku starfsleyfi frá FME." [...]

"Árin 2006 og 2007 fór að gæta erfiðleika hjá íslensku bönkunum við að endurfjármagna gríðarmiklar skuldir sínar. Sem mögulega lausn á þeim vanda hófu tveir þeirra, Kaupþing og Landsbanki, innlánastarfsemi í Bretlandi þar sem sparifjáreigendum var lofað hárri ávöxtun – mun hærri en gerðist hjá öðrum þarlendum innlánsstofnunum.

Í október 2006 hóf Landsbankinn að taka við innlánum undir nafninu Icesave í Bretlandi. Útibúið í Hollandi hóf að taka við innlánum síðari hluta maí 2008. Hér er rétt að endurtaka að íslenski tryggingarsjóðurinn ber ábyrgð á innlánum útibúa íslenskra banka, hvort sem þau eru hér á landi eða erlendis."

IceSave-samningarnir

[Þorsteinn Briem, 20.10.2009 kl. 22:30]

"Heildarfjárhæð innstæðna á Icesave-reikningunum í Amsterdam-útibúi Landsbankans við hrun bankans í október var 1.674.285.671 evrur. Þar af voru innstæður undir 20.887 evrum samtals 1.329.242.850 evrur, sem falla á Tryggingarsjóð innstæðueigenda og fjárfesta. Eftir standa 345.042.821 evrur sem eru utan ábyrgðar Tryggingarsjóðs innstæðueigenda.

Hollensk yfirvöld (Seðlabanki Hollands, DNB) greiddu innstæðueigendum út innstæður upp að 100.000 evrum og bera þeir kostnað vegna þessa að því marki sem það er umfram lágmarkstrygginguna og fæst ekki úr þrotabúi Landsbankans. Alls áttu 469 innstæðueigendur innstæður umfram 100.000 evrur, samanlagt nemur sú upphæð 40 milljónum evra. Þessir innstæðueigendur eiga forgangskröfu í bú Landsbankans, en verða að bíða skiptaloka til að sjá hvert tap þeirra verður.

Heildarfjárhæð innstæðna á Icesave-reikningum í London-útibúi Landsbankans við hrun bankans í október nam 4.526.988.847 pundum. Þar af eru a.m.k. 2.176.988.847 pund utan ábyrgðar Tryggingarsjóðs innstæðueigenda. Um helmingur innstæðna London-útibúsins hefur því verið greiddur út af breska innstæðutryggingarsjóðnum og breska ríkinu.

Breski tryggingarsjóðurinn (FSCS) greiddi innstæðueigendum upp að 50.000 pundum. Breska ríkið greiddi svo afgang innstæðnanna, þannig að almennir breskir innstæðueigendur hafa fengið innstæður sínar greiddar að fullu. Vegna þessara útgreiðslna á breska ríkið kröfu á þrotabú Landsbankans, en mun sjálft bera þann hluta sem ekki fæst úr búinu."

IceSave-samningarnir

[Kristinn Pétursson, 20.10.2009 kl. 22:56]

Steini Briem......

Þetta er eins og eiga orðastað við bilaðan róbót.... áttu ekki WD40  til að spreyja á spanskrænuna þar sem hugsið fer fram?

[Þorsteinn Briem, 21.10.2009 kl. 01:05]

Kallinn hann var Kristinn,
kredit rann þar listinn,
margt í kollinn misst'inn,
milljón þorska fyrst inn.

[Predikarinn - Cacoethes scribendi , 21.10.2009 kl. 01:55]

Ég held ég verði að taka undir með undrun þína Kristinn á þessari síbylju Steina Briem. Það er ekki hlustað á nein rök.

[Þorsteinn Briem, 21.10.2009 kl. 02:21]

Poka æstur prestur,
predikar hér sem gestur,
smár er Cacoethes scribendi,
samt þó Djöfuls handbendi.

[Predikarinn - Cacoethes scribendi , 21.10.2009 kl. 02:29]

Sagði ég ekki...............? ? ?

Engin rök..... einungis órökstudd  slagorð og upphrópanir til að dreifa athyglinni.

[Þorsteinn Briem, 21.10.2009 kl. 03:59]

Ætíð lendir upp á kant,
undarlegur kverúlant,
aumur held ég soldið sé,
sauðurinn hann Kristinn P.

[Eiður Svanberg Guðnason, 21.10.2009 kl. 09:00]

 Steini, það er einkennilegt með  suma  menn að þótt  þeim séu lesnar  tilvitnanir,sem  ekki er hægt að bera brigður á, þá eru  þeir slegnir slíkri pólitískri blindu  að þeir halda  áfram í sinni  villu og svima hvað sem við þá er  sagt. Þeir hvorki heyra né sjá.  Það er eiginlega tómt mál að reyna að tala  við þá. Þeir eru ekki endilega svona  af  guði gerðir, - hafa bara lent í vondum pólitískum félagsskap.

[Kristinn Pétursson, 21.10.2009 kl. 19:01]

Hallgrímur Pétursson kvað (að öllum líkindum um illkvitni og óhróður þess tíma:)

• Illt er á óheilt,
• að eggja það, ei ráðlegg.
• Lastanna er lygð verst.
• Kæfir gleði, krnakt líf
• kastar heillum baklast.
• Dreissið með sér dregur hlass,
• af dyggðarlausri ótryggð.

[Þorsteinn Briem, 21.10.2009 kl. 20:05]

Kristinn hann á steypustöð,
stórkostlega það veit Gvöð,
öll er steypan í alkalí,
og allt er vitið fyrir bí.

[Eiður Svanberg Guðnason, 21.10.2009 kl. 21:57]

 Hallgrímur Pétursson orti margt:

Veraldar dæmin varast skalt;

voga þú ekki að gjöra það allt,

sem höfðingjarnir hafast að,

þó heimurinn kalli loflegt það.

Þá blindur leiðir blindan hér,

báðum þeim hætt við falli er.

 og:

...

Andskotinn illskuflár

enn hefur snöru snúna

snögglega þeim til búna,

sem fara með fals og dár.

[Eiður Svanberg Guðnason, 21.10.2009 kl. 22:34]

Það fór framhhjá mér þar til núna, Kristinn, að þú kallar mig „lítinn föðurlandssvikara". Ekki nenni ég að eiga orðastað við menn sem sæma mig slíkum titlum, en hvað gera menn ekki þegar þeir hafa vondan málstað að verja?

[Kristinn Pétursson, 22.10.2009 kl. 00:56]

Hvaða "vonda málstað"  er ég að verja?....  

Ég "kalla þig" ekki neitt.  Ég spurði - hvort þið væru  að leika þetta tiltekna hlutverk... 

Þú ert alltaf að ásaka fyrrverandi ráðherra Sjálfstæðisflokksins um að hafa gert einhvera "samninga".... en ég segi að þessi memo séu bara  venjuleg memo - en í þeim eru auðvitað engar skuldbindingar - eins og þú ert að halda fram.

Fyrrverandi ráðherrar stóðu sig ekkert sérstaklega vel. Ég get alveg verið sammála um það. Núverandi ráðherrar gera það varla heldur...

ef núverandi ráðherrar væru aðstanda sig vel þá væru samningaviðræður  um Icesave undir stjórn erlendra fagaðila - t.d. Evu Joly - og samningaviðræður snérust um að skipta skaðanum pr. íbúa - eða pr. skattgreiðenda í löndunum þremur - Íslandi,  Bretlandi og Hollandi

Ritstjóri Financial Tiems og blaðamaður þess blaðs - hafa margsinnis tekið upp hanskann fyrir okkur og bent á það að það væri veri ðað fara illa með Íslendinga... hér eru dæmi um erlendan stuðnig - sem vantað hefur hér innanlands : 

•  http://www.visir.is/article/20090812/VIDSKIPTI07/630159662  
• http://www.malefnin.com/ib/lofiversion/index.php/t118077.html
•  http://eyjan.is/blog/2009/07/21/financial-times-bretar-kjoldraga-islendinga-i-krafti-staerdar-sinnar/

Afsakaðu svo að ég skuli hafa notað þetta ljóta orð - og ég skal verða við  þeirri  ósk um að vera ekkert að þvælast hér

[Þorsteinn Briem, 22.10.2009 kl. 04:01]

Einn úr Eimreiðarhópnum, Baldur Guðlaugsson, þá ráðuneytisstjóri í fjármálaráðuneytinu, skrifaði 11. október í fyrra undir skuldaviðurkenningu fyrir hönd íslenska ríkisins og 6,7% vexti vegna IceSave-reikninga Landsbankans í Hollandi, að sjálfsögðu að undirlagi Árna Mathiesen, þá fjármálaráðherra, og annars úr Eimreiðarhópnum, Geirs H. Haarde, þá forsætisráðherra. Og vitund þess þriðja, Davíðs Oddssonar, þá seðlabankastjóra. Sá fjórði í hópnum, klappstýran Hannes Hólmsteinn, í kjöltu þess þriðja.

En nú halda klappstýran og aðrir sjálfstæðismenn því fram að ekkert sé að marka undirskriftir og skuldaviðurkenningar foringja þeirra.

Og skömmu áður en Baldur Guðlaugsson undirritaði skuldaviðurkenninguna ásamt sendiherra Hollands fyrir hönd hollenska ríkisins, seldi hann hlutabréf sín í Landsbankanum, þar sem sá fimmti í Eimreiðarhópnum, Kjartan Gunnarsson, var bankaráðsmaður.

"Baldur [Guðlaugsson] hafði hvorki tilkynnt fjármála- né viðskiptaráðherra um þessa hagsmuni sína. Þó hefur komið í ljós að tveimur vikum áður en hann seldi hlutabréf sín hafi hann setið fund ásamt Björgvini G. Sigurðssyni og Alistair Darling, fjármálaráðherra Bretlands, þar sem vandamál vegna Icesave-reikninga Landsbankans voru rædd.

Í viðtölum við Morgunblaðið og Viðskiptablaðið um tilefni þess að hann seldi hlutabréfin sagðist Baldur hafa ákveðið að selja eftir að hafa lesið um bága stöðu Landsbankans í fjölmiðlum. Hann segist hafa ráðagert í langan tíma að selja bréfin en beðið með það fram á miðjan september. Öll umræða um að hann hefði haft innherjaupplýsingar væri ásakanir af pólitískum toga."

11. október 2008 - IceSave-reikningarnir í Hollandi - Memorandum of understanding

Baldur Guðlaugsson - Wikipedia

Eimreiðarhópurinn

5. febrúar 2009: Ný ríkisstjórn tekin við og Baldur Guðlaugsson fer í leyfi úr fjármálaráðuneytinu

9. júní 2009: Baldur Guðlaugsson ráðuneytis­stjóri í menntamála­ráðuneytinu til áramóta

[Kristinn Pétursson, 22.10.2009 kl. 08:24]

Öll svona minnisblöð  af fundum með erlendum aðilum - um þetta Icesave mál - hafa enga skuldbindandi merkingu Steini Briem.  Ekki einu sinni þessir tveir "samningar" sem gerðir hafa verið á þessu ári..... þeir eru markalsusir - nema alþingi samþykki  nírkisábyrgð...

Þar að auki hef ég alltaf gagnrýnt allar þessar fundarferðir - skrifað um það í Mbl... og á bloggið - eins og ég  hef gagnrýnt  núverandi aðgerðir...

Ástæða gangrýni minnar - er að ég tel svona  aðgerðir - án fyrirfram heimildar Alþingis  ekki viðeigandi....   mér finnst þetta ekki  samrýmast stjórnarskrá - hvort svo sem það er þessi eða hin ríkisstjórn við völd...

En varðandi þennan ágrining okkar - þá er ég að halda því einu fram - að minnisblöð eru ekki skuldbinding....

minnisblaðið lýsir bara "því andrúmslofti" sem ríkti á fundinum svo er það mismunadni skrifað - eftir því hver skirfar minnisblaðið 

alla vega - minnisblað er ekki "samningur" í lagalegri merkingu 

[Þorsteinn Briem, 22.10.2009 kl. 12:54]

Minnisblaðið frá 11. október í fyrra er skuldaviðurkenning, en ekki samningur, fjármálaráðuneytisins fyrir hönd íslenska ríkisins vegna IceSave-reikninganna í Hollandi upp að 20.887 evrum fyrir hvern reikning.

Fjármálaráðuneytið á ekki að skrifa undir skjöl ef það veit, eða þykist vita, að undirskriftin sé í andstöðu við vilja meirihluta Alþingis og Hollendingar fengu skjalið sem skuldaviðurkenningu íslenska ríkisins vegna IceSave-reikninganna.