Molar um málfar og miðla CXXIV

 Snilldartexti úr Netmogga (11.08.2009): Við höfum fengið þær upplýsingar að um faraldur sé að ræða. Ég get ekki útilokað að um 50% hermannanna smitist á endanum,“ sagði hann jafnframt. 

Hermennirnir hafa það verkefni að hafa eftirlit með landamærum ríkjanna, sem teygir sig yfir 196 km langt svæði.

Norska ríkisútvarpið segir að hersveitin telji um 600 hermenn.

1.Hermenn  smitast á endanum

2. Landamærin teygir  sig.

3. Hersveitin telur  600 manns.

Batnandi fólki er best að lifa. Loksins var sagt á Rás eitt (12.08.2009) :  Í dag er  tvö hundruð  tuttugasti og  fjórði dagur ársins.

Athugasemdir

[Rostropow (IP-tala skráð) 12.8.2009 kl. 14:47]

Unnur Brá Konráðsdóttir, þingmaður Sjálfstæðisflokksins, ljáði máls á afgreiðslu nefndarinnar. Hún sagði vinnulag meirihlutans með ólíkindum

Þetta er af Pressunni.

"Að ljá máls á einhverju" er þarna notað á rangan hátt að mínu mati.

[TJ (IP-tala skráð) 12.8.2009 kl. 16:26]

Svo var það húsið sem "varð fyrir málningu"... :-)

[TJ (IP-tala skráð) 12.8.2009 kl. 16:30]

Þá stendur á mbl.is að "þóknunargjaldið var tekið í gagnið" - það hefur þá líklega ekki verið lagt á.

[TJ (IP-tala skráð) 12.8.2009 kl. 17:01]

Aðeins meira um þetta "þóknunargjald", ætli þetta sé gjald af þóknun? Hver ætli greiði hverjum hvað?

Líklega væri eðlilegra að tala annað hvort um þóknun sem tekin er fyrir tiltekið viðvik eða gjald sem lagt er á. Í þessu tilfelli var gjaldið hlutfall af upphæð þeirri sem sýslað var með, einhver gæti þá kannski viljað kalla þetta umsýslugjald, nú eða -þóknun.

[Kristinn R. Ólafsson í Madríd (IP-tala skráð) 12.8.2009 kl. 21:23]

Auk þess er þátíðin af að ljá ekki LJÁÐI... heldur LÉÐI 

[Eiður Svanberg Guðnason, 12.8.2009 kl. 21:27]

 Að ljá máls á  einhverju , er  að vera  reiðubúinn að fallast á að gera  eitthvað.,  eða taka jákvætt í eitthvað, tala  vel í  eins og  stundum er  sagt. Eins og  þingmaðurinn notar þetta orðtak er greinilegt að hann  hefur ekki minnstu hugmynd um  hvað það þýðir. Formaður nefndarinnar léði ekki máls á að taka  tillöguna á  dagskrá.

[Jóhann Karl (IP-tala skráð) 13.8.2009 kl. 17:50]

Fréttamenn á vef Ríkisútvarpsins hafa vægt sagt farið á kostum í sumar. Nú síðast sá ég frétt um bifreið sem ekið var á söluturn á Ísafirði í dag.

Fyrirsögnin var að sjálfsögðu: "Bíll ók inn í söluturn" og fyrsta setningin: "Bíll ók á sölurturninn Hamratorg á Ísafirði í dag".

Þar sem af þessu verður ekki ráðið hvort bíllinn ók inn í eða á söluturninn - eða sölurturninn - er það skýrt út: "Ökumaður hafði lagt bifreið sinni í bílastæði fyrir utan söluturninn og þegar hann ætlaði sér að stíga á bremsu bílsins steig hann í misgáningi [sic] á bensíngjöfina með þeim afleiðingum að bifreiðin endaði á glugga söluturnsins".

Hvað kostar það fyrir hvern og einn einasta þegn að halda þessu batteríi úti, hátt í tuttugu þúsund krónur?

Fréttin (hugsanlega leiðrétt)

[Ár & síð, 15.8.2009 kl. 11:31]

Mun skárra væri: ,,Ég get ekki útilokað að alls muni um helmingur hermanna smitast.“

Það hlýtur að vera slæmt fyrir menn sem sitja mikið að smitast á endanum...

Matthías