Molar um málfar og miðla CXXI

Það er ekki hlutverk fjölmiðla  að breyta  erlendum  staðaheitum sem löngu  eru orðin föst í málinu. Ríkisútvarpið,  og  Morgunblaðið  reyndar líka, Morgunblaðið hafa  tekið upp þann sið að kalla  Hudsonfljótið, Hudson ána. Manhattaneyja er milli Hudsonfljóts og  Austurár (East River).

Enn verra var niðurlag fréttarinnar um flugslys yfir  Hudsonfljótinu þegar haft var eftir borgarstjóranum í  New York, að hann óttaðist  að ekki yrði um góðan endi að ræða.  Illa orðað og óíslenskulegt.

Athugasemdir

[Vilhjálmur Eyþórsson, 9.8.2009 kl. 16:17]

Þetta er smotterí. Fyrir nokkru talaði einn fréttamaður RÚV um "Danúbe- fljót" (Dóná). En þetta er í stíl við annað sem kemur frá hinni "sjálfumglöðu stétt" fáfróðra, en hrokafullra fjölmiðlamanna.

[Eiður (IP-tala skráð) 10.8.2009 kl. 20:07]

 Er ekki nógu leikinn enn í fésbókartækni.  Einhver spurði mig þar  hvort ekki  væri  betra  að skrifa Hudson-fljót en Hudsonfljót. Svarið er  að mér finnast bandstrik  sjaldnast til bóta. Því finnst mér Hudsonfljót betra.

[Gústaf Hannibal (IP-tala skráð) 12.8.2009 kl. 22:51]

„Óíslenskulegt“?