Að æra óstöðugan

Að telja upp allar ambögurnar í þessari frétt mundi líklega æra óstöðugan.  Hvernig á að vera  hægt að taka mark á  fjölmiði  þar sem  slíkir  bögubósar  böðlast   óbeislaðir um ritvöllinn og misþyrma tungunni ?

Heimilar landnemabyggðir

Athugasemdir

[Hjálmtýr V Heiðdal, 20.7.2009 kl. 13:16]

Sá sem skrifar þessa frétt virðist ekkert vita um það sem hann er að reyna að þýða.

[Þorsteinn Briem, 20.7.2009 kl. 16:04]

„Bílvelta varð á Þórsmerkurvegi og var einn maður í bifreiðinni.“

Brennisteinslykt af Jökulsá á Sólheimasandi

[Þorsteinn Briem, 20.7.2009 kl. 16:40]

Ansi graður, óbeislaður,
er þó staður blaðamaður,
er með þvaður, ei elskaður,
óheflaður hann ruglaður.

[Sigurjón Pálsson (IP-tala skráð) 21.7.2009 kl. 02:21]

úr 22:00 fréttum sjónvarps þar sem fjallað var um Ísafjarðarhöfn:

Sú höfn er sú höfn sem næst er Grænlandi!

hefði ekki bara; sú höfn er næst Grænlandi,  sagt það sem reynt var að segja?

Hvað er hægt að segja um svona? RUGLUDALLABULL dettur mér fyrst í hug.

[Haukur Kristinsson (IP-tala skráð) 21.7.2009 kl. 18:55]

Sækja slasaðan mann loftleiðis, stendur í mbl.is. Er þetta góð íslenska? Slasaði maðurinn, sem er vonandi ekki alvarlega meiddur, verður sóttur með flugvél og fluttur með henni loftleiðis til Reykjavíkur. Þetta er kannski ekki rétt hjá mér, en einhver rauð ljós kveiknuðu þegar ég las fyrirsögnina. Það væri fróðlegt að læra hið rétta í málinu.

[Eiður Svanberg Guðnason, 21.7.2009 kl. 21:42]

   Haukur , þetta með að  flugvélin fari loftleiðis er bara  til  fyrirbyggja  misskilning ,ef einhver skyldi  hald að  flugvélin  færi annaðhvort landleið  eða  sjóleiðis !