Ólík viðbrögð Þorgerðar Katrínar og Sigmundar Davíðs

 Þau voru ólík viðbrögð forystumanna  Sjálfstæðisflokks og  Framsóknarflokks  við  stöðugleikasáttmálanum í ljósvakamiðlum í gærkveldi (25.06.09.).

Þorgerður Katrín Gunnarsdóttir  brást málefnalega og mennilega  við og  fagnaði þessum tímamótagjörningi, en  gerði  hóflega orðaðar athugasemdir.  Sigmundur Davíð Gunnlaugsson formaður Framsóknarflokksins var hinsvegar  á öðrum nótum. Hann var eins og naut í flagi og hafði allt á hornum sér. Get ekki ímyndað mér að málflutningur af þessu tagi  sé   Framsókn  til framdráttar hjá  venjulegu fólki. 

Það er athyglisvert að  reyndasti  þingmaður  Framsóknarflokksins, Siv   Friðleifsdóttir, heldur  sig  nú um stundir mjög  til hlés og lætur  strákagengið    um að hafa  uppi fíflagang frammi fyrir kjósendum.

Athugasemdir

[Baldur Kristjánsson, 26.6.2009 kl. 11:34]

Er henni ekki haldið til hlés! Kv. B

[Eiður (IP-tala skráð) 26.6.2009 kl. 12:11]

Sennilega.

[Haukur Kristinsson (IP-tala skráð) 26.6.2009 kl. 13:02]

Sigmundur Davíð, fjárfestir, er einhver sú mesta hryggðarmynd sem villst hefur inn í sali Alþingis. En í einfeldni sinni hélt fólk að þessi auðkýfingur myndi endurreisa Framsóknarflokkinn. Flokk, sem var fyrir löngu orðinn "synonym" fyrir spillingu og klíkuskap. Það verður seint logið upp á íslenska kjósendur.