Molar um málfar XCII

 Er ekki lágmarkskrafa, að þeir  sem  skrifa  fréttir kunni að beygja algengustu orð móðurmálsins ?Eftirfarandi setning  er af  Vefdv (20.06.09.): Staða Sigurðar Jónssonar, yngri bróðurs Guðmundar í byrginu, er ekki öfundsverð. Svona  til að hnykkja á þessu  þá beygist orðið bróðir: Bróðir, bróður, bróður,bróður.

 Einkennilegt  finnst mér að  tala um stóra brautskráningu  eins og Ríkisútvarpið gerir (20.06.09.) á heimasíðu sinni: Þetta er stærsta brautskráning frá skólanum frá upphafi . Hér er átt við að aldrei hafi  fleiri útskrifast samtímis  frá  Háskóla Íslands.

Svo er hér ein gömul ambaga,sem  kom á skjáinn við tiltekt í  tölvunni:

Vefvísir 07.02.09.

Geir Haarde formaður Sjálfstæðisflokksins  grunar að Ólafur Ragnar  forseti Íslands hafi  vitað af...  Fastir liðir eins og venjulega

 

Athugasemdir

[Eygló, 22.6.2009 kl. 20:44]

Ó, Guðs vors lands og lands vors guð(s?)

Margir syngja svona!  þ.e. guðs vors lands...