Stórmerkilegar stórfréttir í eindálkum í Mogga

 Makalaust er að lesa um það í Mogga að það kosti Sparisjóð Mýrasýslu 121 milljón  að losna  við sparisjóðsstjórann,sem hlýtur að hafa haft forystu  um þau verk  sem  leiddi  þessa  sterku fjármálastofnun og   héraðssóma lóðbeint  á  hausinn.  Kannnski hefði   sparisjóðsstjórinn   frekar átt að greiða  sparisjóðnum þessa upphæð,  en   það  sæi  sjálfsagt ekki högg á   vatni þótt þesssi upphæð hefði komið  til baka

  Hin stórmerkilega fréttin er að  Sparisjóðabankinn hafi lánað 8.6 milljónir  dollara  1100 milljónir  ISK  til hótelkaupa á  Á Miami Beach í Flórídaríki í Bandaríkjunum. Lánið var veitt  félagi að nafni Longkey sem   maður að  nafni   John Pickhard í London árið  2006. Þetta mun hafa verið  70 ára gamalat  hús   sem  átti að  endurbygggja  en stendur nú autt. Fréttín er lítill eindálkur  neðst á  síðu í Mogga. Gæti ekki verið að  prentvilla  væri  í nafni Englendingsins. Hann gæti hafa heitir   John Pickpocket.

Hvað er  hér  á  seyði? Nú þarf  rannsóknarblaðamennsku.  Hvaða leyniþræðir liggja  milli   Sparisjóðabankans og eiganda  70 ára gamals  hótelræksnins á  Miami Beach ?

Hér  er áreiðanlega  margt ósagt. 

 

Athugasemdir

[Eiður Svanberg Guðnason, 7.5.2009 kl. 18:33]

Húrra fyrir fréttaskýringu Sigrúnar Davíðsdóttur í Speglinum um þetta mál  rétt áðan. Hún gerði málinu  eins  góð  skil og  hægt er að ætlast  til á þesssu  stigi. Hún  spurði  líka  ótal  spurninga,  eðlilegra  og mikilvægra  spurninga. Sigrún á  verðlaun skilið   fyrir   vinnu sína í sambandi  við  fréttir og  fréttaskýringar af íslenskum bankabandittum/bankabjánum um veröld  víða. Flott. Svona á að vinna.

PS Matreiðslubækurnar hennnar eru líka frábærar , þótt  þær  séu ekki með milljóna  litmyndum!

[halkatla, 7.5.2009 kl. 20:15]

mér brá þegar ég heyrði þessa frétt sem Eiður er að tala um í speglinum áðan. Rannsóknarblaðamennska á Íslandi? Í alvöru? Ég hélt að ég yrði ekki eldri. En það er náttúrulega mjög íslenskt að sópa svona rugli undir teppið, gefa stjóranum bara pening fyrir að láta sig hverfa osfrv... en Sigrún D á heiður skilinn :)

[Eygló, 8.5.2009 kl. 00:48]

Eiður, ég veiti þér hér með skriflega viðurkenningu fyrir Mr. Pickpocket

[Bjarni Kjartansson, 8.5.2009 kl. 08:49]

Það má segja um bankamennina sem leiddu hvern sparisjóðinn í glötun og viðskiptavini (með áherslu á ,,vini") í stór vandræði og stundum örvinglan, að drjúg séu morgunverkin, því sjaldnar en ekki voru þessir menn á burt þegar venjulegur vinnutími bankamanna var.  Í það minnsta var afar erfitt að ná í þá í síma og jafnvel ómöuglegt.

Því hljóta þeir að hafa vaknað með spörvunum til vinnu sinnar eða að þetta hafi verið myrkraverk, unnin að kveldi í myrkri hvar ljós sannleikans mátti hvergi skína.

Mann setur hljóðan.

Miðbæjaríhaldið

Þakkar rýni í málfar og notkun orðskviða.

[Eiður (IP-tala skráð) 8.5.2009 kl. 22:13]

  Leyfi mér að  vekja athygli á öðrum stórgóðum pistli Sigrúnar Davíðsdóttur  í Spegli RÚV í  kvöld. Þar fjallaði hún  aftur um Flórídahneyksli  Sparisjóðabankans   þar sem  fleiri aðilar koma  reyndar  við  sögu. Sigrún er eiginlega  á  við   heila  rannsóknarnefnd. Kannski er hún okkar Eva Joly ?     Makalaust að  aðrir   fjlölmiðlar skuli ekki fylgja þessum málum eftir. Hér  er  mörgum  spurningum ósvarað og þeir  sem  þarna  spiluðu  fjárhættuspil  voru ekki að hætta sínu eigin sparifé. Skora á lesendur mína  að hlusta á þetta á   vef  RÚV: