Afeitrun og Bessastaðir

  Enn einu sinni tengir athafnakonan Jónína Benediktsdóttir stólpípuverkefni sitt  við forsetafrúna og Bessastaði. Það heyrði égí endurteknum útvarpsþætti á Bylgjunni í morgun. Þetta gerði frú Jónína enda þótt  forsetaskrifstofa hafi í  yfirlýsingu  svarið fyrir  tengsl  forsetafrúarinnar við  stólpípurnar. Það ósmekklegasta við þáttinn í morgun var þó að heyra Jónínu Benediktsdóttur  herma  eftir  Dorrit Moussaieff og íslenskum framburði hennar. Það var   mikil ókurteisi.

Ríkisútvarpið varð sér  tvisvar til skammar með því  að auglýsa  þessar  skottulækningar. Nú hafa  Stöð tvö  og Bylgjan bæst í hópinn. Það var hálfóhugnanlegt að heyra  að  stólpípumeðferðinni  fylgdi að  fólk  væri látið hætta  að taka lyf  sem það  tæki samkvæmt læknisráði. - En ef  fólkið verður  veikt ? Þá er það bara sent inn í íslenska  heilbrigðiskerfið ,sem á að sjá um að lækna það.   Líka var skrítið að  heyra, að stólpípan væri lækning við sykursýki  tvö, sem kölluð  er, og ég man ekki hverju   fleiru. Hæpnar og nær örugglega ósannar  fullyrðingar. 

 Skipulagðar stólpípuferðir  hvort sem er til Póllands, Mývatns  eða  suður á Vallarheiði eru skottulækningar ætlaðar auðtrúa fólki. Það hefur réttilega verið  sagt að það eina sem léttist í þessum ferðum sé pyngja þátttakenda. Svo er flaggað þingmanni, súlustaðarstjóra og safnaðarforstjóra  til að blessa ósköpin.

Fyrri fyrirbæri sama  eðlis hafa verið  kennd  við  Kínalífselexír og  Snákaolíu, -  í besta falli gagnslaus  blekkingalyf,  sem  prangað var inn á  saklaust  fólk til að  hafa af því fé.

Enginn íslenskur læknir hefur  viljað leggja nafn sitt við þessar skottulækningar  Til þess hefur  þurft að  flytja inn fólk. Segir það ekki allt sem segja þarf ?

Hér er  verk að vinna fyrir  Umboðsmann neytenda,sem  sýnt  hefur ágætt frumkvæði í mörgum málum.

 

 

Athugasemdir

[Ben.Ax. (Benedikt Jóhannes Axelsson), 21.3.2009 kl. 19:08]

Þeim, sem vilja láta skottulækna sig, ætti að standa það til boða.

[TARA, 21.3.2009 kl. 19:37]

Tek undir þetta Eiður Svanberg...þetta er bæði ósmekklgt og hreinlega villandi.

[Þorsteinn Briem, 21.3.2009 kl. 19:45]

Árni kallinn Johnsen fór í þessa hundahreinsun í Póllandi um daginn og varð í öðru sæti í prófkjöri Sjálfstæðisflokksins á Suðurlandi.

Ef það eru ekki meðmæli ...

[Júlíus Valsson, 21.3.2009 kl. 22:40]

Sigurður sannur læknir er
sá kann ráð við mörgu.
Stólpípuna á sjálfum sér
setur hann Ingibjörgu.

Mér detur oft þessi ágæta vísa í hug, þegar minnst er á stólpípur

[doddý, 22.3.2009 kl. 11:06]

jónína og árni eru einmitt af sama stofni, siðblindir framapotarar. kv d