Undanþegnir reglum ?

  Sumir þeirra sem kaupa stærstu og  dýrustu slyddujeppana virðast halda að í kaupunum  fylgi undanþága frá  þeim reglum, sem  aðrir  ökumenn verða  að hlíta.

 Þeir halda að þeir megi leggja hvar sem er.  Eigendur  þessara  stórjeppa   notfærðu  sér ekki  bílastæðin við Hagkaup  síðdegis í dag  í  Garðabæ. Þeir  lögðu á gangstéttina  fyrir  framan  dyr  verslunarinnar. Sjálfsagt fótfúnir  enda lagði einn þeirra að hálfu  í  stæði fyrir fatlaða.

 Þeir   telja  sig undanþegna reglum um  stefnuljós.

 Þeir  telja sig mega  tala í farsímann í akstri. Líklega hafa  bílarnir verið þeim svo dýrir að  ekki var króna  eftir   til  að kaupa  handfrjálsan  búnað.

 Þetta  lið ætti að skammast sín !

Athugasemdir

[Maron Bergmann (IP-tala skráð) 14.3.2009 kl. 18:15]

Þú hlýtur að sjá að fólk sem á svona fína bíla á ekki að þurfa að ganga jafnvel tugi metra í rigningu og skítaveðri, það blasir við að einstaklingar sem hafa bæði efni á því að versla í Hagkaup og eiga svon fallega bíla eiga að hafa rétt á því að leggja sem næst dyrunum.

[doddý, 14.3.2009 kl. 18:54]

... en ég á svona slyddujeppa og ég nota alltaf stefnuljós, legg aldrei í stæði fyrir fatlaða, ég legg aldrei uppi á gangstétt eða næstum því á gangstétt, ég keyri mjög varlega og nota aldrei síma undir stýri. en ég er oft fótlúin því ég vinn á spítala. kv d

[Þorsteinn Briem, 14.3.2009 kl. 19:22]

Ekki er von til þess að stórglæpamennirnir láti smáglæpina alveg eiga sig.

[doddý, 14.3.2009 kl. 19:31]

til steina briem: mér finnst spennandi að vera talin glæpamaður. kv d

[Þorsteinn Briem, 14.3.2009 kl. 19:46]

Mér fyndist líka spennandi að vera hjúkrað af svona rúmgóðu glæpakvendi eins og þér, fröken Doddý.

Á stofu 6 annað kveld.

[doddý, 15.3.2009 kl. 13:11]

til steina briem: á B5? kv d

[Þorsteinn Briem, 15.3.2009 kl. 14:40]

Hún Doddý á B5 er dúlla,
draumur hjá henni að lúlla,
á Reinsanum sá hana rúlla,
í rúminu heit verður snúlla.

[doddý, 18.3.2009 kl. 13:11]

steini , þú ert greininlega í framsókn. kv d