Molar um málfar XI

   Að leggja  hönd á plóginn  er að  hjálpa  til  eða  aðstoða  við eitthvað.   Að leggja  gjörva hönd á  eitthvað  er  að vinna   eitthverk  verk  vel.   Nú er  hinsvegar að verða  alsiða  að  tala um "að leggja  gjörva hönd á plóginn". Það fellur mér ekki.  Þar  er  verið að  fella  saman  orðtök ,sem betra er að  nota  hvort  fyrir  sig, - það er að minnsta kosti mín máltilfinning.

Stundum  hnýtur maður um setningar í fréttum sem  erfitt eða ómögulegt er  að  skilja.  Með  góðum vilja  má  ráða í merkingu  eftirfarandi  setningar úr netvísi, en  skýr  er  hugsunin   ekki  og nafnháttarmerki vantar:

"Þá sagði Lúðvík Sjálfstæðisflokkurinn hefði verið hafður með í ráðum þegar leitað var til hans. Flokkurinn hafi hinsvegar ekki viljað taka þátt í því."

Athugasemdir

[Ómar Ragnarsson, 5.3.2009 kl. 00:22]

Í tilvitnaðum setningum eru þrjár meinbögur. Það vantar nafnháttarmerki. Skipt er um tíð frá sögninni "sagði" yfir í (Flokkurinn) "hafi."

Svo er óskýr hugsun fólgin í því að segja að flokkurinn hafi ekki viljað taka þátt í því að vera hafður með í ráðum þegar búið er að fullyrða að hann hefði verið hafður með í ráðum.

Hvimleiðast er að það eru alltaf sömu málvillurnar sem vaða uppi áratugum saman. 

[Ómar Ragnarsson, 5.3.2009 kl. 00:24]

í kvöld sagði fréttamaður hvað eftir annað að búð hefði opnað á Borgarfirði eystri. Hvað var það sem búðin var alltaf að opna? Dyrnar? Eða hurðin eins og margir segja nú um stundir?