Jónas ruglar

  Jónas Kristjánsson  fyrrverandi ritstjóri er orðljótasti og umtalsversti  bloggari  landsins. Aðrir komast ekki með  tærnar þar sem hann hefur  hælana.  

 Hann  víkur að  mér í  bloggi sinu og  segir:

"Mér sýnist Eiður biðja um, að heiðurslaun listamanna verði tekin af Þráni" (Bertelssyni). Þetta  er  rugl í  Jónasi.   Hef  aldrei  ýjað að slíku. Benti  bara á  að  Þráinn hefði notið  atbeina  Framsóknarmanna  til að  komast í heiðurslaunaflokk  Alþingis. Þráinn hefur  svo  sjálfur  skýrt  frá því  hvernig   Framsóknarmenn komu  honum í heiðurslaunaflokkinn.  

Ég átti  sæti í menntamálanefnd   efri deildar hér í gamla  daga, en menntamálanefndir  beggja  deilda  fjölluðu í sameiningu og   oftast sæmilegri sátt um það hverjir ættu  að  skipa  heiðurslaunaflokkinn. Á sínum tíma var það  atkvæði mitt  sem  réði því  að Thor  Vilhjálmsson fékk  sæti í heiðurslaunaflokknum. Hann átti löngu að vera kominn þangað. Pólitík hafði ekkert með  afstöðu mína að gera.

Jónas  Kristjánsson er snillingur í að  fara  rangt með staðreyndir og  gera mönnum upp skoðanir.

Það  er heldur ófögur iðja þess  sem kallar sig  blaðamann.

Man ekki betur en Jónas sé margdæmdur meiðyrðasmiður. Samt hefur Háskólinn í Reykjavík. notað hann til að kenna  blaðamönnum. Það er  ekki traustvekjandi.

Athugasemdir

[Teitur Atlason (IP-tala skráð) 26.1.2009 kl. 11:45]

Þú segir:  "Benti bara á að Þráinn hefði notið atbeina Framsóknarmanna til að komast í heiðurslaunaflokk Alþingis".

 Hvað með það?  Gerir það orð hans eitthvað verri?  Ert þú ekki í sama pakkanum ef út í það er farið?  Þú varst skipaður ofurlaunasendiherra af vini þínum?  Gerir það orð þín ómerk?

Mér sýnist þú vera dottinn í þras-gírinn sem einkennir stjórnmálamenn eins og þig.  

[Kjartan Pétur Sigurðsson, 26.1.2009 kl. 12:41]

Menn ruglast líklega með aldrinum!

[Sigurður Þór Guðjónsson, 26.1.2009 kl. 15:22]

Jónas er ekki alltaf yfirvegaður og mjög er hann orðhvatur. En hann hefur ýmsa kosti sem ekki má yfirsjást. Hann segir t.d. oft hlutina vafningalaust. Stundum feilar honum en alls ekki alltaf. 

[Birna Gunnarsdóttir (IP-tala skráð) 26.1.2009 kl. 16:02]

Er ekki komin tími til að listamenn fái laun fyrir vinnu sína eins og aðrir en ekki fyrir að þekkja stjórnmálamenn eða embættismenn.

[joð (IP-tala skráð) 26.1.2009 kl. 16:15]

Miðað við sögu Þráins hér fyrir neðan, þá er spillingin grasserandi þar eins og á öðrum stöðum sem hann hefur verið viljugri að gagnrýna.

Afturámóti er með eindæmum að maður eins og hann telur sig getað skrifað hvað sem er um aðra að hann er ekki maður til að þola hreinskilna og sanngjarna gagnrýni á skilaboðaskjóðunni á bloggsíðunni hans.

Það er ekki vænlegt að kasta ekki grjóti úr glerhúsi.

[Dunni, 26.1.2009 kl. 16:31]

Jónas ruglar og ruglar. Sannkallaður ritsóðisem nærist á því að rakka aðra.

Ég vissi ekki að dæmdur sakamaður væri gjaldgengur sem Háskólakennari á Íslandi.  En það er svo marg sem getur gerst á Íslandi sem ekki gerist hjá öðrum þjóðum.

[Friðbjörn B. Möller (IP-tala skráð) 26.1.2009 kl. 17:17]

Dunni, það gefur ekkert upp um mann að vera dæmdur sakamaður. Orð hans eru jöfn orðum þínum hér. Þú ættir frekar að rakka niður þá sem komast á hið há Alþingi þó dæmdir séu.

Jónas, er einn bezti penni sem bloggar hér á netinu. Talar ekki undir Rós og segir það sem segja þarf vafnings laust. Hvern fjárann eru þið annars að verja? Hvað eru Sjálfstæðismenn að verja? Hvað kemur í ljós þegar farið verður ofan í kjölinn á þessu öllu saman?

Það er aðeins ein tegund dýra sem bítur sig jafn fast við hýsilinn sinn (þjóðina) og það eru sníkjudýr. Þau bíta sig föst hvar sem þau ná taki og draga sér blóð fórnarlambsins.

Þetta eru Sjálfstæðismenn búnir að gera við þjóðina nú á annan tug ára. Og nú er nóg komið, þjóðin hefur gleypt í sig meðal við njálgnum og nú skal honum "skitið" og sturtað svo vel og rækilega niður á eftir.

Efast samt ekki um að hinir háu herrar og valdaklíka Sjálfstæðisflokksins á eftir að spyrja sig. Hvar og hvernig misstum við þjóðina úr því að vera þegnar í það að verða borgarar og þjóð? Hvar klikkuðu þeir? Í hvað hýsil skal nú leitað til blóðtöku? Hvernig getum við logið okkur aftur inn á þjóðina? Þetta eru allt spurningar sem brenna á Elítu Sjálfstæðismanna þessa dagana.

Ég legg til að hin almenni Sjálfstæðismaður líti svolítið í eginn barm. Er hann tilbúinn að setja x við D áfram. Skilar það einhverju fyrir hann sjálfan? Er hin almenni Sjálfstæðismaður eða kjósandi tilbúinn að fórna atkvæði sínu til viðhalds allri spillingunni. Ég segi nei takk fyrir mína hönd.

[Kjartan Pétur Sigurðsson, 26.1.2009 kl. 17:45]

Þetta með að hljóta heiðursnafnbótina að vera nefndur "dæmdur sakamaður" á Íslandi gæti verið fróðlegt rannsóknarefni. Það er annars með ólíkindum hvernig val á slíku fólki fer fram í Íslensku þjóðfélagi og hvernig þeir sleppa alltaf við þann titil því meira sem þeir stela. Jónas á að vera fyrir löngu búinn að fá heiðursorðu forsetans fyrir ötula baráttu á sviði blaðamennskunnar.

Þarna er greinilega maður á ferð sem sinnir sínu starfi af mikilli hugsjón. mætti vera meira af slíku fólki á Íslandi.

:)

[Lesandi (IP-tala skráð) 26.1.2009 kl. 18:10]

Birna, Listamenn eiga að fá laun frá þeim sem vilja kaupa af þeim listina.  Ég kæri mig ekki um sem skattgreiðandi að vera að greiða mönnum eins og Þráni Bertelssyni laun, eða yfirhöfuð einhverjum listamanni.  Þetta rugl þarf að leggja af og það sem fyrst...

[Heimir Lárusson Fjeldsted, 26.1.2009 kl. 18:23]

Eiður, mér finnst að þú eigir ekki að óhreinka þig á orðaskaki við jonas.is

[árni aðals (IP-tala skráð) 26.1.2009 kl. 18:25]

dunni,vissir þú ekki að prófessor Hannes Hólmsteinn,er bæði dæmdur fyrir meiðyrði og ritstuld situr samt sem fastast í skjóli spillingarafla og kennir í Háskóla Íslands í þeirri stofnun er ekkert til sem kallast siðanefnd,nema að nafninu til.

[Eiður (IP-tala skráð) 26.1.2009 kl. 18:26]

Hárrétt hjá þér, Heimir.

[Kjartan Pétur Sigurðsson, 26.1.2009 kl. 18:30]

Eiður er reyndur pólitíkus og veit nákvæmlega hvernig hann á að fara að því að skapa sér umtal og um leið vinnsældir - Enda virkar það vel hjá honum :)

[Hafþór Kristjánsson (IP-tala skráð) 26.1.2009 kl. 18:33]

Eitt af því sem ég skammast mín mest fyrir Eiður Guðnason er að hafa kosið þig.

Að lokum vil ég biðja þig að nefna aldrei Vilmund Gylfason á nafn.

[Sigurður Þór Guðjónsson, 26.1.2009 kl. 19:03]

Ritstjóri, eins og Jónas var, má skrifa eins og hann vill, hvað þá blogga. Hvort menn líka skrifin er önnur saga. Háskólakennari verður hins vegar að fara eftir  hefðum og reglum skólans í kennslu. Geri hann það (og sé auk þess góður kennari) koma skrif hans annars staðar háskólakennslunni ekki við. Það er undarlegt að menn skuli ekki gera sér grein fyrir þessu. 

[maría sólrún (IP-tala skráð) 26.1.2009 kl. 19:04]

Gudi sé lof, höfum vid nú taekifaeri til ad koma fólki eins og thér frá, Eidur Gudnason.  Burt med spillta flokkapólitíkusa og framapotara! 

[Birna Gunnarsdóttir (IP-tala skráð) 26.1.2009 kl. 19:59]

Lesandi: Hver sem þú ert, þá skrifa ég aðeins að "listamenn eigi að fá laun eins og aðrir" ég er alls ekki á þeirri skoðun að skattgreiðendur eigi að sjá fyrir listamönnum, það á við alla, hvort sem það eru leikarar, dansarar, rithöfundar, skáld, listmálarar eða tónlistamenn.

[J.A. (IP-tala skráð) 26.1.2009 kl. 20:09]

Þú skalt nú ekki fara að hnotubítast við Þráinn Bertelsson. Því það hefur þú ekkert vit til.  Hann þarf ekki nema nokkur orð ef að honum sýnist svo að velta þér upp úr þínu eigin skítkasti. Farðu varlega í því  að reyta hann til reiði. Þú hefur ekkert í hanna að gera...  Þetta er einungis ráð sem ég gef þér í bróðerni. Og þetta með Thór Vilhjálmsson, hann sem er seldur í útsölukörfum út á götum Bæði í Svíþjóð og Danmörku  á eina "tíu."  Ekki bera þá saman.   Og Jónas hann svarar þér örugglega með tíð og tíma, bíddu bara.

[Jón Aðalsteinn Jónsson, 26.1.2009 kl. 20:30]

Á bara ekki að leggja listamannalaun niður menn hljóta að eiga að lifa af vinnu sinni eins og aðrir ef að þeir gegna sérverkefnum fyrir stjórnvöld eiga þeir að fá greitt fyrir það að öðru leiti á þjóðin ekki að sja fyrir þeim nema þeir séu eldri borgarar eða öryrkjar. Það er mín skoðun

[Ragnar Örn Eiríksson (IP-tala skráð) 27.1.2009 kl. 13:10]

Dunni skrifar: Ég vissi ekki að dæmdur sakamaður væri gjaldgengur sem Háskólakennari á Íslandi.  En það er svo marg sem getur gerst á Íslandi sem ekki gerist hjá öðrum þjóðum"

hann kannski veit það ekki heldur að að sami dæmdi glæpamaður situr líka í Seðlabankaráði!!!!!

Getur einhver útskýrt hvað í andskotanum Hannes H er að gera þar og á hvaða forsendum hann er þar? Vona að ný ríkisstjórn losi okkur við allt þetta spillingarpakk. verst samt að fá Vinstri Grama í stjórn,kreppan byrjar fyrir alvöru þá!

[Þorgrímur Gestsson, 27.1.2009 kl. 15:42]

Jón Aðalsteinn: Það er margt umdeilanlegt í sambandi við starfslaun listamanna, eins og þau heita. En hvernig eiga ungir listamenn að hefja feril sinn ef þeir fá hvergi stuðning til þess? Þetta á ekki síst við um rithöfunda, sem þurfa hvað lengstan tíma til þess að vinna sín verk - talið er "eðlilegt" að um tvö ár taki að skrifa svona meðalskáldsögu. Þegar verkinu er lokið er það sent út á þennan örlitla markað okkar og aðeins örfáir höfundar seljast það vel að heitið getur að þeir skrimti á höfundarlaununum einum saman. Enginn af rithöfundum okkar hefði skrimt ef ekki hefði alla tíð verið við lýði einhvers konar styrkjakerfi fyrir þá.

[Þráinn Bertelsson (IP-tala skráð) 28.1.2009 kl. 15:29]

Eiður, ertu svona mikill þverhaus eða svona heimskur. Þú segir í færslunni: "Benti bara á að Þráinn hefði notið atbeina Framsóknarmanna til að komast í heiðurslaunaflokk Alþingis. Þráinn hefur svo sjálfur skýrt frá því hvernig Framsóknarmenn komu honum í heiðurslaunaflokkinn." Það rétta er að ég nauð atbeina allra flokka á þingi, ekki bara Framsóknar. Og af sjálfu leiðir að ég hef aldrei skýrt það hvernig Framsóknarmenn komu mér í heiðurslaunaflokkinn." Svona rugl og dylgjur og tilraun til mannorðsmorðs eru leiðigjarnar - og umfram komandi frá bitlingapólitíkusi sem situr nú á eftirlaunaósómanum og reynir að koma illu til leiðar með lygi og útúrsnúningum. Ef þú telur þig eiga eitthvað sökótt við mig komdu þá fram með það eins og maður en ekki eins og Gróa á leiti. Þá er ekki útlokað að ég fari í mannjöfnuð við þig og kvíði ekki útkomunni.

[Eiður (IP-tala skráð) 28.1.2009 kl. 16:31]

Í athugasemd  á  bloggsíðu minni skrifaði Þráinn Bertelsson 24. janúar klukkan 21:12 eftirfarandi:

" Sagan segir að þegar þessi hugmynd var viðruð við einræðisherrann Davíð hafi hann umturnast og sagt: Þessi maður fær ekki heiðurslaun svo lengi sem ég er í pólitík.

Þetta blöskraði mörgum sem voru í öðrum stjórnmálaflokkum og Framsóknarflokkurinn tók af skarið: svo lengi sem einn maður kæmi ekki til greina að fá heiðurslaun vegna fjandskaps forsætisráðherra skyldi enginn annar koma til greina, þannig að fjandskapur Davíðs kæmi jafnt niður á öllum.

Engin nýjum heiðurslaunum var úthlutað árum saman. Loks þegar þetta ástand var orðið Alþingi til skammar tókst að fá Davíð til að falla frá firru sinni. Mér voru veitt heiðurslaun án mótatkvæða á Alþingi Íslendinga - eins og hinn illkvittni Björn Bjarnason veit manna best, enda var hann þá menntamálaráðherra minnir mig. "

Þannig var nú það.

[Þráinn Bertelsson (IP-tala skráð) 29.1.2009 kl. 12:53]

Þér er greinilega ekki alveg alls varnað, Eiður. Þú fellir að vísu aðeins framan af útskýringu minni að nafn mitt hafi fyrst verið nefnt við menntamálanefnd Alþingis af Samtökum kvikmyndaleikstjóra, því að enginn kvikmyndagerðarmaður var á heiðurslaunum. Alþingi samþykkti svo heiðurslaunin með venjulegum hætti þegar tekist hafði að fá Davíð Oddsson ofan af þeirri persónulegu heift hans í minn garð sem seinkaði úthlutun þessara launa um árabil. Persónulega tel ég að Halldór Ásgrímsson hafi leitt Davíð fyrir sjónir að ekki væri við hæfi að forsætisráðherra lýðveldisins leggði óbreytta borgara í einelti árum saman. Eftir stendur að það var fyrir tilstilli Samtaka kvikmyndaleikstjóra og menntamáladeildar Alþingis að mér voru veitt heiðurslaun. Hvort mér þóttti heiður að þessum hráskinnaleik Davíðs er önnur saga.

[J.A. (IP-tala skráð) 29.1.2009 kl. 16:04]

Jæja Eiður ! !

hefur þú nú ekki fengið nóg?  Ég vissi alltaf að Þráinn myndi svara fyrir sig.

Svo þín vegna ættir þú að láta staðar numið nú.

Finndu þér eitthvert skemmtilegt tómstundagaman.

[Sigrún (IP-tala skráð) 29.1.2009 kl. 20:27]

Ég hef allavega fengið nóg af neikvæðninni og þunglyndinu í Þráni Bertelssyni.  Og Jónasi Kristjánssyni líka reyndar.  Finnst full ástæða fyrir aðra en þá að lofta aðeins út. 

Fyrir utan það að hinn almenni borgari botnar ekkert í þessum listamannalaunum og ég tala nú ekki um heiðurslaun.

Þegar fólk velur sér ævistarf þá er ekkert á vísan að róa með að þú fáir starf við hæfi eða laun í samræmi við það.  Af hverju í á það að vera öðruvísi með fólk sem telur sig vera listafólk, jafnvel þó það mennti sig til þess?