Af hverju misskilja allir Ólaf Ragnar ?

 Breska   Ríkisútvarpið  BBC  er þekkt  fyrir að  misskilja allt  milli  himins og  jarðar og geta  yfirleitt ekki farið  rétt með nokkurn  skapaðan hlut.

Nú  berast þær fregnir af forsetaskrifstofu  lýðveldisins, að BBC  hafi  misskilið  Ólaf Ragnar Grímsson svo  að með ólíkindum er. Hann hafi alls ekki sagst ætla að   höfða   mál   gegn  bresku þjóðinni,  sem  menntaði hann  víst að    hluta og  veitti honum doktorsgráðu  frá Manchesterháskóla  minnir mig.   Ef Ólafur  Ragnar hefði  farið í mál  við  Breta, sem hefði auðvitað verið alveg mátulegt á þá,  hefði sjálfsagt einhver  sagt að  sjaldan launaði kálfur ofeldi, --  eða  þannig. Ólafur  er  dálítið sleipur  í ensku  svo  ekki  ættu  tungumálaerfiðleikar  að vera orsök þessa  misskilnings. Annað hvort  var fréttamaðurinn heyrnardaufur  eða  bara  auli. Þeir  eru víst  margir  slíkir sem  starfa fyrir  BBC, annálaðir  fyrir rangan og  staðlausan fréttaflutning.

Líklega   var þessi   fréttamaður bara einn af þessum BBC aulum, -    rati á  borð  við  erlendu sendiherrana ,sem  misskildu  Ólaf  Ragnar allir  með  tölu  í hádegisverðarboðinu  fræga  í danska  sendiráðinu í Reykjavík.

Meira um    ræðuhöldin í þeirri  veislu  síðar.

 

Athugasemdir

[Ragnhildur Kolka, 19.1.2009 kl. 23:08]

Já, þeir eru nú meiri ratarnir sem á vegi Ólafs verða. Það er með ólíkindum hvað honum tekst að hnjóta um fólk sem hefur ekki grunnkunnáttu í ensku. Hvernig var ekki með blaðamannsstaulann sem hélt að hann hefði sagst hafi fundið upp orkuveituna.  

Það er til lítils að vera ofurmenni á enska tungu þegar innfæddir eru enn að bisa við stafrófið.