Toyota slettir á okkur

Alveg er mér fyrirmunað að skilja hversvegna Toyotaumboðið  telur sér  sæma  að sletta  ensku  framan í þjóðina í hverri  auglýsingunni á fætur annarri.

Slettan að  "smæla" á ekkert  erindi   inn í íslenskan málheim. Það er  þessu ágæta fyrirtæki til minnkunar að  gefa íslenskri tungu og þeim sem unna móðurmálinu langt nef með þessum hætti.

Við höfum komist prýðilega  af með hið fallega orð bros.

Fyrirtæki eiga að sjá sóma sinn í að vanda málfar í auglýsingum.

Athugasemdir

[Óskar Helgi Helgason (IP-tala skráð) 12.8.2008 kl. 22:25]

Heill og sæll; Eiður Svanberg !

Þakka þér; óbilandi kraft, sem þolgæði víst, til verndar tungu okkar.

Sæmd; að liðveizlu þinni, sem annarra, hverjir vernda vilja, óbjagaða íslenzku.

Með beztu kveðjum; úr Árnesþingi /

Óskar Helgi Helgason, frá Gamla Hrauni og Hvítárvöllum 

[Pjetur Hafstein Lárusson, 15.8.2008 kl. 12:11]

Eins og þú auðvitað veist, er orðskrípið "smæla" rímorð á móti orðinu "æla."  Þess vegna getur þú ekki skammað þá hjá téðu blikkbeljuumboði; mönnunum er sýnilega óglatt.  Bestu kveðjur til til þín og bræðra okkar Færeyinga.