Faðir, um föður.....

 Það verður nú  eiginlega að gera þá  kröfu  til þeirra sem skrifa fréttir á mbl.is að þeir kunni að beygja  algeng orð  eins og  faðir. 

"Faðir þess síðarnefnda bar fljótt að og var honum gerð grein fyrir málinu... "  

Engin  máltilfinning. Engin íslensku kunnátta.  Ekki boðlegt í alvörufjölmiðli.

Ungir veggjakrotarar handsamaðir

Athugasemdir

[Karl (IP-tala skráð) 8.4.2008 kl. 16:00]

Þessu er ég sammála. Ég greini hrikalega afturför á sviði íslenskrar fjölmiðlunar. Það á ekki einungis við um tunguna þótt hörmungarástandið blasi einna helst við þar. Á dögunum var birt í Fréttablaðinu forustugrein sem fjallaði um stöðu íslensku krónunnar. Fyrirsögnin var svohljóðandi: "Undir árás" ("under attack"). "Undir árás"!!!! Þetta var forustugrein blaðsins!!  Og ekki er hún skárri í dag. Vísað er til "alarmisma" í fyrirsögninni sem ég hefði haldið að nefndist "hræðsluáróður" á íslensku.  Fjölmiðlar hér á landi, einkum dagblöðin, nálgast nú hratt það stig að geta talist með öllu óboðlegir hugsandi fólki. Ég skil sannast sagna ekki að fleiri skuli ekki benda á þessa hörmulegu þróun og andmæla metnaðarleysinu. Kveðja, Karl