Einkaþotuflug úr iðrum tölvunnar...

Í iðrum tölvunnar minnar  fann ég langa  frásögn  sem ég hafði skrifað  í september  1985 er við fórum sex alþingismenn  með  einkaþotu , - skrúfuþotu   frá  Helga Jónssyni til Nuuk í Grænlandi.Tilefnið var stofnfundur vestnorræna þingmannaráðsins.

Flugvélin var  tekin á leigu  til að  spara  ferðatíma. Flogið var beint frá  Reykjavík til Nuuk. Flugtíminn var 3 klukkustundir og 40 mínútur.Hinn kosturinn var  að  fljúga  frá Keflavík til Kaupmannahafnar  gista þar yfir  nótt. Fljúga  síðan til Syðri Straumfjarðar á Grænlandi  og  taka  aðra  flugvél  þaðan  til Nuuk. Fara  síðan   sömu leið  til baka á  tveimur  dögum. Beina flugið  frá Reykjavík til Nuuk    kom sem sé  í stað tveggja daga  ferðalags og  gistingar.

Ég sé ekki betur en þetta sé  nákvæmlega það sama sem menn eru  nú að hneykslast á  að forsætisráðherra og utanríkisráðherra hafi gert  að undanförnu.

Þingmennirnir sem  fóru í þetta  leiguflug  voru: Páll Pétursson, Friðjón Þórðarson,Steingrímur J. Sigfússon,Sigríður Dúna Kristmundsdóttir,Stefán Benediktsson og Eiður Guðnason. Einnig var með í för  Aðalheiður Birgisdóttir  ritari á skrifstofu Alþingis.

Það gerði ekki  nokkur maður  athugasemdir  við þetta  ferðalag "með einkaþotu" eins og það nú heitir.

En eins og  þar stendur:  Ekkert er nýtt undir sólinni.

Það  gerðir ekki nokkur maður

Athugasemdir

[Aðalheiður Birgisdóttir (IP-tala skráð) 7.4.2008 kl. 20:18]

Sæll Eiður.

Þakka þér fyrir að rifja upp þetta flug.  Mér hefur verið hugsað til þessarar flugferðar- og reyndar fleiri þar sem "einkaþotur" komu við sögu á þessum árum - upp á síðkastið. 

Kveðja,

alla

[Eiður (IP-tala skráð) 7.4.2008 kl. 20:27]

Sæl Alla,

Þetta var sannarlega ógleymanleg ferð. Það gerði  meðal annars   þessi "galdur"  sem  er í loftinu hvar sem  maður kemur á  Grænlandi.

Kær kveða frá  Færeyjum.- Eiður