Molar um málfar og miðla 2083

 

ENN EITT DÆMIÐ …

Enn eitt dæmið um slaka málfræðikunnáttu mátti heyra í fréttum Ríkisútvarps , - og sjá á vefsíðu Ríkisútvarpsins (27.12.2016): ,,Karlmaður, sem grunaður er um að hafa haldið konu gegn hennar eigin vilja á heimili sínu og nauðgað henni, hefur verið gert að afplána 630 daga eftirstöðvar fangelsisrefsingar.     „ Karlmaður hefur ekki verið gert …. Karlmanni hefur verið gert …. Þetta hafði verið lagfært í fréttum klukkan 1800. Var sett inn á fréttavefinn klukkan 16:07 og var óbreytt þar fjórum klukkustundum síðar. Slæmt að reyndir fréttamenn skuli ekki heyra, þegar þeir lesa setningu, sem er málfræðilega röng. Ekki er betra, að menn skuli ekki hafa rænu á að leiðrétta þetta á fréttavefnum.

 

MINNKI EKKI HÆKKUN

 Helgi Haraldsson prófessor emeritus i Osló og góðvinur Molanna, benti skrifara á þessa fyrirsögn Stundarinnar: Alþingismenn minnki ekki „mjög mikla“ launahækkun sína þrátt fyrir áskorun forsetans. – Er þetta áskorun til þingmanna um að skerða ekki þá launahækkun, sem þeir fengu? Verður vart skilið á annan veg. Þakka ábendinguna, Helgi.

http://stundin.is/frett/althingismenn-minnki-ekki-launahaekkun-sina-thratt-fyrir-askorun-forsetans/

 

ÓVANDVIRKNI

Í fréttum Ríkisútvarps á miðnætti á annan dag jóla var sagt: Orsök flugslyssins eru rakin til … Þetta er rangt. Orsakirnar eru raktar til … En þetta er lesið svona fyrir okkur vegna þess að enginn les yfir áður en lesið er fyrir okkur. Verkstjórn á fréttastofu Ríkisútvarpsins er ekki sem skyldi.

 

RÉTT SKAL ÞAÐ VERA

Í frétt á fréttavef Ríkisútvarpsins er sagt frá því, að sumar dansmeyjarnar í frægum flokki, sem sýnir listir sýnir sínar í Radio City Music Hall, í Rockefeller Center á Manhattan í New York, vilji ekki tala þátt í danssýningu þegar Donald Trump verður settur í embætti 20. janúar 2017. Kannski smáatriði, en þau skipta líka máli í fréttum, en í fréttinni er dansflokkurinn ítrekað kallaður Rocketts. Dansflokkurinn heitir hinsvegar The Rockettes   Rétt skal það vera. Molaskrifari man vel, er hann sá þessar dömur dansa í Radio City í byrjun nóvember 1960, - það er orðið dálítið langt síðan !

http://www.ruv.is/frett/sumar-neita-ad-dansa-fyrir-trump

 

SVOKÖLLUÐ ÞRENGSLI

Af fréttavef Ríkisútvarpsins (28.12.2016): ,, Lokað hefur verið fyrir innganginn að Raufarhólshelli í Þrengslunum svokölluðu, suðaustur af Bláfjöllum.“ Hvers vegna svokölluð Þrengsli? Má þá ekki alveg eins tala um svokallaða Hellisheiði? Inngangur að helli heitir hellismunni.

Molaskrifari er reyndar þeirrar skoðunar að Raufarhólshellir sé sunnan eða suðaustan við Þrengslin, sem eru milli Lambafellls að vestan og Gráuhnúka að austan.  Hellirinn talsvert sunnar, en hann er við Þrengslaveginn.

http://www.ruv.is/frett/kosti-6400-kronur-ad-fara-i-raufarholshelli

 

Lýkur hér síðustu Molum ársins 2016.

 

Gleðilegt ár, ágætu Molalesendur.

Þakka ykkur góð og gefandi samskipti á árinu, sem nú er senn liðið, og óska ykkur alls hins besta á nýju ári.

 

 

 

 

 

Fyrirvari: Athugasemdir frá öðrum á þessari síðu eru á þeirra ábyrgð.

Síðuskrifari áskilur sér rétt til að fjarlægja dónaleg eða meiðandi ummæli, nafnlausar athugasemdir eða athugasemdir undir dulnefni. Lesendabréf eru vel þegin. Bréfritarar eru beðnir að taka fram hvort birta megi bréf, eða ábendingar þeirra, undir nafni, - ESG

 

 

 

 

Athugasemdir

[Anna Sigríður Guðmundsdóttir, 30.12.2016 kl. 21:25]

Sæll Málfrelsis/málfars-moli.

Ekki vil ég gera reyna þá flóttaleið, að gera aðra ábyrga fyrir því sem ég skrifa á netið, né fyrir neinu öðru af öllum mínum utanvega-villuráfandi vitleysum. Þú sem síðuhafi þarft ekki að óttast það að ég reyni að koma minni frjálsu villuvegaráfandi ábyrgð yfir á aðra. Ég tek afleiðingunum sem fylgja mínum villuráfandi útafvega-keyrslum minnar valfrjálsu tilveru á jörðinni.

Það er bara sjálfvirk og eðlileg regla, að orðum og verkum fylgir ábyrgð frjálsra, opinberlega skattagreiðsluþrælanna heilbrigðisverndaðra, og réttarverndaðra einstaklinga. Í áhættusömum orðum og verkum.

Við getum aldrei orðið heilar sálir hér í líkamstilverunni á jörðinni, ef við látum stjórnast af spilltum öflum óheiðarleikans andlega fangelsandi og jarðartortímandi.

Skattgreidd réttarríkis-skylduvernd á öllum einstaklingum innan réttarríkis og velferðarþjónustunnar? Hvar er sú vernd?

Réttar-ríkið og skattpíningar-ríkið dómstólanna vanmáttuga og "verdar-velferðarstýrða" verður að virða réttaríkja siðmenntuðu grunnreglur fyrir tilveru þessara embætta miðstýringavaldsins heimfisveldisins villimennskustýrða. (falda og óábyrga heimsbanka/kauphallar-villimennskuvaldið).  

Sá sem ekki fær réttarvernd af launaskattgreiðslum til ríkisvaldsins, á ekki að borga skatt til þess skattpíningarríkis.

Skatttöku frelsinu fylgir sú opinberlega skattinnheimtuskylda og ábyrgð að standa við rökin fyrir skatttökunni, og réttarvernda alla skattgreiðandi ríkisborgara fyrir misbeitingu embættanna valds.

Vitlaust stafsettur sannleikur er ómetanlega dýrmætt gull. 

En rétt stafsett lygi er einskis vert hismi.

M.b.kv.

[Ásgrímur Hartmannsson, 31.12.2016 kl. 00:40]

Menn eiga ekki að skrifa langar setningar.  Sérstaklega ekki menn sem hafa frekar lítið vald á tungumálinu.

"Dansflokkurinn heitir hinsvegar The Rockettes"

Menn eiga til að sleppa stöfum sem þeir telja að eigi að vera þöglir.  Vegna þess að útlend mál eru með marga slíka stafi.  Hemingurinn af frönsku, til dæmis, vel 90% af welsku, osfrv.  Eins og árátta manna lengi að segja "Pors."

Svona er þetta á þessu svokallaða Íslandi.

[Anna Sigríður Guðmundsdóttir, 31.12.2016 kl. 02:09]

Ásgrímur. Innihaldsmerking lýsingarorðanna ætti að vera aðalatriðið, frekar heldur en umdeilanleg stafsetning lýsingarorðanna.

M.b.kv.