Molar um málfar og miðla 1588

  Kastljósið var svo sannarlega í essinu sínu í gærkvöldi. Frábær þáttur. Hrikalegir viðskiptahættir. Ótrúlegt að þetta skuli hafi verið látið viðgangast. Spillt kerfi. Hvað á að kalla svona fyrirtæki? Hvað að kalla svona kerfi ? Manni rann eiginlega kalt vatn milli skinns og hörunds, þegar hagsmunatengslin í kerfinu voru rakin. Einn allra besti Kastljóss þátturinn, sem mig rekur minni til að hafa horft á.

 

Gáfu ráðuneytinu forlátaborð að gjöf, sagði í fyrirsögn á visir.is (04.10.2014). Gáfu ráðuneytinu forláta borð, - hefði alveg dugað. Sjá: http://www.visir.is/gafu-raduneytinu-forlata-bord-ad-gjof/article/2014710049939

 

T.H. skrifaði (03.10.2014) og benti á þessa frétt á visir.is: http://www.visir.is/nagrannaerjur-i-vogum-medvitundarlaus-i-halftima-og-bar-svo-ut-frettabladid/article/2014141009581

"Þetta voru ummerki sem voru þess eðlis að það leit út fyrir að einhver hefði verið dreginn meðfram jörðinni. ... Fram kom ... að sérstök lögregluskýrsla hafi ekki verið skiluð inn að fullu ..." . Molaskrifari þakkar sendinguna. Þetta er óttaleg hörmung. TH bendir líka (04.10.2014) á frétt á mbl.is: http://www.mbl.is/frettir/innlent/2014/10/03/fyrsti_snjorinn_i_hofudborginni/

Hann segir: "snjór­inn hef­ur alltaf komið á þess­um tíma ann­ars lagið"
Einkennilegt að blaðamaður skuli ekki kunna móðurmálið betur. Hér á auðvitað að standa "annað slagið" - Kærar þakkir, T.H.

 

Þrjár sparnaðartillögur til Ríkisútvarpsins, sjónvarps:

1.    Hætta við Evróviosjón söngvarkeppnina.

2.    Leggja niður seinni fréttir sjónvarpsins, sem eru aðeins fjögur kvöld í viku, og bæta yfirleitt ekki miklu við f fyrri fréttatíma, nema kannski tilvitnunum í Kastljós

3.    Hætta við svokallaðar Hraðfréttir.

Þannig mætti spara mikið fé.

 

Halda ráðamenn Lottósins í alvöru, að það auki sölu lottómiða að láta garga á hlustendur, sem bíða þess að fréttir hefjist í Ríkisútvarpinu? Molaskrifari leyfir sér að efast um að þessar hálfruddalegu auglýsingar auki sölu lottómiða.

 

 Næstu Molar sennilega á  föstudag.

 

Fyrirvari: Athugasemdir frá öðrum á þessari síðu eru á þeirra ábyrgð.

Síðuskrifari áskilur sér rétt til að fjarlægja dónaleg eða meiðandi ummæli, nafnlausar athugasemdir eða athugasemdir undir dulnefni. Lesendabréf eru vel þegin. Bréfritarar eru beðnir að taka fram hvort birta megi bréf, eða ábendingar þeirra, undir nafni, - ESG

 

Athugasemdir

[Sigurgeir Jónsson, 8.10.2014 kl. 01:26]

Nú spyr ég spekinginn hvað er ruv.

[Sigurgeir Jónsson, 8.10.2014 kl. 01:41]

Vissulega er ánægjulegt þegar gamlir liðsmann Alþýðufloksins sáluga láta í sér heyra.En kanski mætti Eiður Guðnason huga að fortíðinni.Sú skipan mjólursölu sem nú er má fyrst og fremst rekja til þeirrar ríkistjórnar sem sat frá 1934-1938, þar Alþýðuflokkurinn hafð mikil völd og krafðist þess að mjólkursala Thor Jensen yrði stöðvuð vegna okurs og komið yrði á verðlagningaá mjólk þar esm að ríkið réði verði á mjólk. Sú skipan hefur haldist allar götur síðan.

[Sigurgeir Jónsson, 8.10.2014 kl. 01:44]

Atvinnumálaráðherra Haraldur Guðmundson gekk síðan í það með bændum að stofna Mjólkursamsöluna.Thor jensen gat ekki kept við ríkisverðið.

[Sigurgeir Jónsson, 8.10.2014 kl. 01:45]

Og fátækt fólk fékk mjórlkurflösku heim að dyrum

[Sigurgeir Jónsson, 8.10.2014 kl. 02:05]

Tillögur Eiðs Guðnasonsr eru allrar athygli verðar .En kanski má skoða eithvað.Er það eðlilegt að á sunnudögum sé þáttur þar sem stjörnu þattandi er með 6-7hundruð þúsund fyrir einn dag í viku, í vinnu fyrir að láta hringja í sig.Mér dettur ekki í hug að halda að Alþýðuflokkurinn sé í raun dauður.

[Sigurgeir Jónsson, 8.10.2014 kl. 02:15]

íslenskan er vissulega mál , en hér hafa verið á ferð ísumar fólk.sem hefur hefur verið spurt hort það telji einhverju skipta þegar að lífskjörum kemur hvaða mál það tali. þá er svarið nei.Og þá er spurt hvaða mál talið þið í Singapor.Svarið, það má l sem viðmælandinn skilur.

[Ásgrímur Hartmannsson, 8.10.2014 kl. 18:54]

"snjór­inn hef­ur alltaf komið á þess­um tíma ann­ars lagið"

Þú leiðréttir bara eina villu í þessari setningu.

"snjór­inn hef­ur alltaf komið á þess­um tíma ann­að slagið" - er líka rangt. Vegna þess að það sem gerist bara annað slagið gerist ekki alltaf. Því ef það grðist alltaf þá gerðist það ekki bara annað slagið.