Hve margir tóku þátt í þessari dellu?

  Hef ekki séð hve margir kusu konuna. Hefur sú tala verið birt ?   Svokallaðar  skoðanakannanir  í Útvarpi Sögu eru ein della frá upphafi til enda. Eiga ekkert skylt við skoðanakannanir.  Lilja   Mósesdóttir mun ekki  stansa  lengi hjá  VG. Hún hefuir hvergi stansað lengi  þar sem hún hefur haft viðkomu á stuttum ferli sínum.

Lilja maður ársins á Útvarpi Sögu

Athugasemdir

[Ásthildur Cesil Þórðardóttir, 30.12.2010 kl. 21:06]

Guð minn góður hvað þið eigið bágt hælbítarnir.   Þið hafið alveg misst af því að Lilja Mosesdóttir og hinir órólegu eru vinir fólksins í landinu.  Þú hefur hingað til verið talinn málsmetandi maður vegna fyrri starfa, en ég ætla mér að endurskoða það álit mitt á þér.  þú ert engu betri en hin geltitrín Samfylkingarinnar.  Ég ráðlegg þér að opna eyrun aðeins, þetta eru vinsamleg tilmæli.

[Jón Ágúst (IP-tala skráð) 30.12.2010 kl. 21:24]

Sammála Ásthildur, ótrúlegt að hlusta á þennan hælbít Samfó vegna konu sem er að vinna eftir sinni sannfæringu, Eiður þekkir það líklega ekki hefur væntanlega verið já maður þegar hann var á þingi.

[Óskar Helgi Helgason (IP-tala skráð) 30.12.2010 kl. 21:24]

Komið þið sæl; Eiður - og aðrir gestir, þínir !

Þó svo; okkur Ásthildi Cesil, kunni að greina á, um ýmislegt, í fari þeirra Steingríms liða, að þá tek ég nú samt undir með henni - hvað Lilju þátt; einan og sér áhrærir, Eiður.

Enn; þann dag í dag, minnist ég góðra kosta þinna, sem fréttamanns hjá RÚV; Sjónvarpi, þá ég var að alast upp, niður á Stokkseyri, Eiður - en;; heldur hefir vatnað, undan þínum betri kostum, hin seinni árin, ágæti drengur.

Með kveðjum samt; úr Árnesþingi, utanverðu /

Óskar Helgi Helgason   

[Eiður (IP-tala skráð) 30.12.2010 kl. 21:52]

   Persónulegt mat ykkar á mér læt ég auðvitað liggja milli hluta. Það mun ekki standa mér fyrir svefni.

En hvað kusu margir?  Og hvað  hefur  Lilja Mósesdóttir  staldrað lengi við á hverjum  vinnustað?  (Ekki mjög lengi)   Hennar tími hjá  VG er að  renna út miðað  við  fyrri störf.

   Haldið svo  bara áfram að bíta í hælana á mér.  Skinnið á þeim er nokkuð þykkt. Þið eruð heldur ekki eins tannhvöss og þið haldið.

[Ásthildur Cesil Þórðardóttir, 30.12.2010 kl. 21:53]

Einmitt!  Það er verið að krefjst Nýs Íslands og þegar heiðarlegt og málefnalegt fólk á alþingi rís upp og talar samkvæmt sinni sannfæringu, þá svíður foringjajörmurum landsins svo mikið að þeir sjást ekki fyrir í illskunni og detta all svakalega niður af stalli sínum.  Mér þykir það leitt, því í hvert sinn þá verður maður svartsýnni og sýnist lengra í réttlætið en maður vonaðist eftir.

[Ásthildur Cesil Þórðardóttir, 30.12.2010 kl. 22:04]

Ótrúlegur hroki í þessu svari þínu Eiður.  Þú myndir sennilega ekki skilja hreinskiptni né heiðarleika þó honum væri núið um nefið á þér. 

[Gunnlaugur Ingvarsson (IP-tala skráð) 31.12.2010 kl. 00:28]

Ég tek að fullu og öllu undir málefnanlegan málflutning Ásthisldar C. Þórðardóttur hér á commentunum !

Eiður minn í allri vinsemd sagt þá reyndu að vera svolítið sanngjarnari og málefnanlegri í sleggjudómum, vegna þess að þú hefur í raun allt til þess að bera, en lætur því miður allt of lítið á því bera.

Því miður ertu bara ennþá alltof mikið markeraður flokksdindill !

[Valdimar Samúelsson, 31.12.2010 kl. 08:53]

Ásthildur tek undir öll orð þín. Þessi Eiður er ótrúlegur. 

[jón Ágúst (IP-tala skráð) 31.12.2010 kl. 11:19]

Hvað eiga þeir sameiginlegt þeir þrír fyrrverandi og núverandi þingmenn sem voru áður fréttamenn og eða þulir í sjónvarpinu, Eiður Guðnason, Sigmundur Ernir og Róbert Marshall , jú hroki og yfirlæti og einnig að aðhyllast sama Samspillingarflokkinn.

[ThoR-E, 31.12.2010 kl. 11:33]

Tek undir með þér Ásthildur.

Ekki veit ég hvað síðuskrifara gengur til með þessari færslu, en ef ég hefði vitað af þessari könnun þá hefði Lilja fengið mitt atkvæði líka.

[Valdimar Samúelsson, 31.12.2010 kl. 12:57]

Eiður ég held að hælarnir séu ekki eins sterkir og þú heldur við erum öll á móti umsögn þinni það er 100% ef gerð væri skoðanakönnun. Þú ert ekki annað en ESB sinni.

[Þóra Óladóttir (IP-tala skráð) 31.12.2010 kl. 15:52]

Lilja Mósesdóttir hefur margt gott til þjóðmálanna að leggja en ekki finnst mér henni nein upphefð í því að vera kosin kona ársins á Útvarpi Sögu. Vil ég svo þakka þér, Eiður, fyrir mjög áhugaverða mola um málfar (svo maður leyfi sér að æða úr einu í annað).

[Eiður Svanberg Guðnason, 31.12.2010 kl. 16:19]

  Hreint ótgrúleg viðkvæmni.  Og ekki vantar kurteisina  eða háttvísina.    Af hverju þorir enginn að svara því hve margir kusu Lilju Mósesdóttur mann ársins ?

[Óskar Helgi Helgason (IP-tala skráð) 31.12.2010 kl. 17:19]

Komið þið sæl; að nýju !

Vil byrja á; að þakka þeim Ásthildi Cesil - Valdimar Samúelssyni o. fl., fyrir einarðleg tilsvörin, til Eiðs, eftir því sem við verður komið, sökum stórlætis hans, allvíða;; í tilsvörum nokkrum.

Eiður !

Þér; að segja, hefi ég nú engin töluleg gögn, yfir kosninga þátttökuna, Lilju til handa - svo fram komi nú; til fyrirbyggingar mögulegs misskilnings, að ég þori ei að svara þér - miklu fremur; skortir mig vitneskjuna, ágæti drengur.

Með; þeim sömu kveðjum - sem fyrri /

Óskar Helgi

[Sigurgeir Árnason. (IP-tala skráð) 31.12.2010 kl. 17:22]

Sæll Eiður,einhvern vegin finnst manni að ekki veiti af því að brjóta upp flokksræðið á þessu háttvirta alþingi,það er skömm að því hvað stefnumál flokkana ráða miklu þar, þingmenn virðast ekki mega fara út fyrir línur flokksins og ef til vill er það ástæðan fyrir því hvernig komið er fyrir landsmálunum í dag.Ég hrópa húrra fyrir Lilju Móesdóttur og það mættu fleiri þingmenn fara eftir sinni sannfæringu en ekki eftir því sem flokkurinn vill að farið sé eftir.Þá færi ef til vill að koma eitthvað af viti frá þessum sem þjóðin er að kjósa á þessa skrípasamkomu.Stjórnmálaflokkarnir eru fullir af eiginhagsmunaseggjum og meðan sú stefna ræður er ekki von á góðu,í mínum huga eru stjórnmálaflokkarnir að verða úrelt fyrirbæri vegna innanhúss spillingar og eiginhagsmunapoti.

[Sigurður Antonsson, 31.12.2010 kl. 21:39]

.....Þegar reyndur fréttamaður spyr einfaldra spurninga sem aðrir hafa látið ósvarað er hann sagður einþykkur og snúinn. Hann lofar ekki harðstjóra né svikara og fellur ekki í þá gildru að þiggja ódýr kreppuráð sem engu hafa skilað. Þegar hann spyr um úthald þingmanns, hverjir hafi kosið hann og hve oft. Þegar hann spyr hvernig viðkomandi stjórnast í hóp, þá styðst hann við einhverjar upplýsingar sem hinir óbreyttu þekkja ekki enda fær hann engin svör. Góður fjölmiðlamaður reynir að vera sem flestum óháður þegar hann setur fram afrakstur erfiðis síns. Þar hefur Eiður margt umfram okkur hin sem erum allfrjálsleg í tjáningu, hann rekur ekki samtök né fyrirtæki og þarf ekki að óttast að einhverjir sniðgangi hann eða setji á kaldan klakann. ( Meira á Sigurfang. blog.is )

[Eiður Svanberg Guðnason, 1.1.2011 kl. 20:22]

  Rétt , Sigðurður. Ég þarf ekki að kaupa  mér vináttu  eða  gera öðrum til hæfis  fyrir  borgun. Það hafa að vísu verið sendir  á mig lögfræðingar (Fjölskylduhjálpin ehf)  og konunni minni hefur verið hótað (Arnþrúður Karlsdóttir, Útvarpi Sögu), en það er  mikilvægt að geta sagt það sem manni í brjósti býr. Það mun ég halda áfram að gera.

[AceR (IP-tala skráð) 1.1.2011 kl. 20:33]

Það er bara kostulegt að kvarta yfir að sér sé ekki svarað og heimta svör sem ekki liggja fyrir og loka síðan á möguleika viðkomandi til að svara.

Þú ert athyglisverð persóna Eiður, því er ekki að neita.

Ekki mun ég ónáða þig á síðu þinni aftur, en bendi þér þó á að dapurlegt er að hafa aðeins "já kór" í kringum sig og loka á þá sem eru þér ósammála. Það er í raun vandræðalegt fyrir mann eins og þig.

Kær kveðja

[Eiður (IP-tala skráð) 1.1.2011 kl. 20:47]

Loka hiklaust á   dónaskap í skjóli nafnleyndar. Heigulsháttur.

[Óli minn, 2.1.2011 kl. 11:46]

Nú? Hvers vegna lokaðir þú þá á Ásthildi?

[Loftur Altice Þorsteinsson, 2.1.2011 kl. 17:57]

Allir sem vildu gátu tekið þátt í könnun Útvarps Sögu, um Mann ársins. Ef Eiður hefur misst af kjörinu, er það leiðinlegt fyrir hann en varla neitt sorgarefni fyrir aðra. Varla hefur hann talið sig sjálfan koma til álita ?

Ég minnist þess ekki að Eiður hafi gert athugasemdir við val Hr.Jóhönnu Sigurðardóttur í hóp fremstu kvenkyns leiðtoga heims. Þetta var útnefning sem ekki byggði á öðru en mati blaðamannsins William Lee Adams. Hér heima var "kosning" Hr.Jóhönnu samt talin til stórtíðinda og upphefð fyrir alla Sossa landsins. Hér er hugvekja um málið:

http://altice.blogcentral.is/blog/2010/12/12/marklaus-forsaetisradherra-hlytur-vegtyllur-hja-marklausum-bladamanni/

[AceR (IP-tala skráð) 2.1.2011 kl. 18:30]

Dónaskap í skjóli nafnleyndar?

Ekki þarf nú annað en að ýta á "Höfundur" á síðu minni til að sjá þar fullt nafn.

En ég hef tekið eftir því að menn nota oft þessi "nafnleysisrök" þegar þeir hafa ekki önnnur.

Kær kveðja

Einar Þ. Einarsson

[Jón Halldór Guðmundsson, 2.1.2011 kl. 18:35]

Af hverju eru fylgismenn Samfylkingarinnar ævinlega kallaðir ónefnum þegar þeir halla orði á aðra? Mér svona lagað ekki málefnalegt.

[Eiður (IP-tala skráð) 2.1.2011 kl. 20:31]

   Þeir sem nota dulnefni hafa yfirleitt eitthvað að fela. Hversvegna  þora þeir ekki að koma fram undir nafni?   Dusilmenni,sem maður nennir ekki að eiga orðastað við. 

Hef reyndar svolitla samúð  með Ásthildi  Cesíl Þórðardóttur. Henni líður greinilega ekki vel, en hún ætti ekki að láta vanlíðan sína  bitna á öðrum.

[Jón Ágúst (IP-tala skráð) 3.1.2011 kl. 12:34]

Ekki ætla ég að svara fyrir neinn hér en ljóst er að vanlíðan er eitthvað sem þú átt nóg af Eiður og greinilegt að ekki má andmæla þér án þess að mykjudreifarinn fari í gang. það er eins og þú hafir orðið undir í lífinu en ekki verið í bómull á þingi og í utanríkisþjónustunni .

[Ægir Óskar Hallgrímsson, 4.1.2011 kl. 15:15]

Mega þau hjá útvarpi sögu ekki hafa sinn hátt á hvernig kosningum fer fram...ekki ertu að gefa það í skyn að þau þurfi að spyrja mann eins og þig hvernig kosningin eigi að fara fram??