Eins atkvæðis meirihluti

   Stjórnmálafræðingur við Háskólann á Akueyri fjallaði í  tíufréttum  Ríkissjónvarps um  fjárlagauppákomuna hjá VG. Hann sagði  réttilega,  að  nú hefði  stjórnin   eiginlega aðeins eins atkvæðis meirihluta, „sem  væri almennt ekki  talið nóg."

  Er það misminni hjá mér, að Viðreisnarstjórn Alþýðuflokks og Sjálfstæðisflokks (1959 til 1971) ein sterkasta  ríkissjórn lýðveldistímans, hafi starfað heilt kjörtímabil með eins atkvæðis meirihluta?  Ég er reyndar ekki stjórnmálafræðingur, en þetta minnir  mig. Má vera að það sé  rangt.

Athugasemdir

[Baldur (IP-tala skráð) 21.12.2010 kl. 23:28]

Sjálfstæðis- og Alþýðuflokkur fengu samtals 32 þingmenn, af 60, í kosningunum 1963 og 1967. Í kosningunum 1971 fengu flokkarnir 28 þingmenn, Sjálfstæðisflokkur 22 og Alþýðuflokkur 6 og þar með féll Viðreisn.

[Sigurjón Þórsson (IP-tala skráð) 22.12.2010 kl. 13:13]

Þetta er rétt hjá Baldri, en vel að merkja starfaði stjórnin 1967-1971 þegar Alþingi var skipað tveimur deildum (efri og neðri deild) og hafði stjórnin aðeins 1 atkvæðis mun í hvorri deild.