Molar um málfar og miðla 380

  Fjölmiðlamenn ættu sem flestir að gera sér far um að hlusta á pistla þeirra  Hönnu G. Sigurðardóttur og Aðalsteins Davíðssonar um daglegt mál á mánudagsmorgnum í morgunþætti Rásar eitt. Þar er vikið  að  orðum og orðtökum  sem algengt er að séu rangt notuð .

Úr mbl.is (15.08.2010): Magnús Orri Schram, þingmaður Samfylkingarinnar, segist ekki hugnast meiri skattahækkanir en er þó hrifinn af hugmyndum um bankaskatt.  Hér ætti að  dómi Molaskrifara að standa: Magnús Orri Schram, þingmaður Samfylkingarinnar, segir sér ekki hugnast meiri skattahækkanir....

 Úr mbl.is (15.08.2010): Að sögn lögreglunnar í Borgarnesi voru veðurskilyrði góð og vegurinn þurr. Veðurskilyrði voru voru góð. Með öðrum orðum: Veður var gott.

  Molalesandi spyr spyr hvort Molaskrifari hafi séð það verra og vísar á eftirfarandi grein n á pressan.is:http://www.pressan.is/Frettir/LesaFrett/thorvaldur-gylfason-spurdur-hvort-kreppunni-se-lokid-ja-og-nei---stjornmalastettin-enn-spillt. Molaskrifari verður að játa, að hann hefur eiginlega ekki séð það verra.

 "Bjarni Sigtryggsson Molavin sendi  Molum eftirfarandi: Þessi furðulega orðaða frétt er amk. merkt höfundi sínum, Aðalsteini Kjartanssyni ([e-mail]):

http://www.dv.is/frettir/2010/8/14/mynd-af-barni-med-hasspipu-leidir-til-handtoku-modur-thess/

1. Hún var handtekinn...
2. Barnið féll ekki á eiturlyfjaprófi... (did not fail a drug-test - mældist ekki undir áhrifum)
3. Málið var blásin upp í fjölmiðlum...
4. Það sé vakningfyrir dóttur sína...  (wake-up - áminning)
   
5. Hún sé í fíkniefnaráðgjöfog foreldra þjálfun... (counselling - meðferð)

Það er sorgleg staðreynd að ekki er hægt að lesa DV einn einasta dag án þess að rekast á amböguskrif af þessu tagi. Reynir Traustason er ritstjóri og hann ber endanlega ábyrgð á þessu."

 

Athugasemdir

[Haraldur Bjarnason, 17.8.2010 kl. 10:19]

eða bara einfaldlega: Magnúsi Orra Schram hugnast ekki meiri skattahækkanir.

[Nonni (IP-tala skráð) 17.8.2010 kl. 17:10]

Góð grein eins og alltaf, en vinsamlegast farðu betur yfir skrif þín áður en þú smellir á "senda" takkann.  Þú ert dálítið gjarn á að tvítaka tvítaka orð og svo er svona eitt og annað hér og þar sem betur mætti fara.  Læt þig um að finna út hvað ég er (ekki) að tala um, um skrif þín.

Haltu áfram að verja tunguna, það eru ekki margir sem sýna sama áhuga og þú á henni. Í mínu tilfelli hef ég ekki verið á Fróni síðan á síðustu öld, hef tekið eftir breytingu á málinu, alla vega á Netinu.  Takk fyrir góðar greinar.

[Egill Þór (IP-tala skráð) 17.8.2010 kl. 18:39]

Sæll, Eiður!

Ég hef svarað þér nokkrum sinnum á blogginu þínu og hef verið frekar "grófur" í tilsvörum.

Hefur það aðallega stafað af stafsetningarvillum sem ég verð var við hjá þér.

Ég tel mig ekkert betri en annan í íslenskri málfræði en ég er með svokallað "ljósmyndaminni" og yrði eflaust ágætis prófarkarlesari, hehe!

En nú vil ég venda kvæði mínu í kross og þakka þér, aftur,(því mig minnir að fyrsta innleggið mitt hafi einfaldlega verið hrós) fyrir að reyna að halda íslensku tungunni gangandi!

Málið er að ég var alinn svoleiðis upp að ég ætti ekki að vera að gagnrýna fólk nema ég væri fullkomlega viss um að hún yrði réttmæt ... og kannski er það þess vegna sem ég hef verið að byrsta mig við þig; útaf stafsetningarvillunum!

"Haltu áfram að verja tunguna, það eru ekki margir sem sýna sama áhuga og þú á henni" segir "Nonni" og ég er hjartanlega sammála honum ... ég ætla ekki að senda þér fleiri "gróf" svör.

Kveðja frá Blósi ... Egill Þór

[Eiður Svanberg Guðnason, 17.8.2010 kl. 22:35]

 Það er  reyndar munur á  stafsetningarvillum og innsláttarvillum. Þegar skrifað er með  tveimur fingrum er erfitt að verjast innsláttarvillum og  þær  les maður  svo auðveldlega í málið, þegar litið er yfir textann á skjánum og  villuforritið Púkinn sér  þær ekki heldur.