Molar um málfar og miðla 371

 

 Í fréttum Ríkisútvarpsins (04.08.2010) um áhrif eldgossins úr Eyjafjallajökli á heilsu fólks í grennd við eldfjallið var  hvað eftir annað  talað  um þá sem  voru með sögu um  astma. Ekki fellir  Molaskrifari  sig við þetta orðalag. Betra hefði verið að tala um fólk sem glímt hefði við astma eða sjúkdóma í öndunarfærum eða átt við slíka sjúkdóma að stríða.  

Lilja Bolladóttir sendi Molum eftirfarandi: „í aðalfréttatíma RÚV um daginn(27.07.2010), í sjónvarpinu kl. 19, og í fyrstu frétt þar að auki..... sem taldist ansi stór frétt um kaup Magma á HS orku osfrv..... þar birtist "vélrituð" tafla yfir hvernig Magma ætlaði að fjármagna kaup sín og þar var "reiðufé" skrifað REYÐUFÉ!! Maður hefði nú búist við meiru af Ríkismiðlinum sjálfum Eigum við afnotagjaldsgreiðendur ekki kröfu og heimtingu á öðru og betra??'
Hvað finnst þér?"  Jú, við eigum heimtingu á öðru og betra. Um það er ég hjartanlega sammála þér. En er þetta ekki  ein af afleiðingum þess að  reynsluboltar eru látnir fjúka og reynslulaus ungmenni ráðin í þeirra stað ?

 Umræðan um einkarétt íþróttafélaganna, ungmennafélaganna og ÖBÍ á Lottói er komin á nýtt stig eftir  fund   fulltrúa Bandalags íslenskra listamanna og dómsmálaráðaherra sem Ríkisútvarpið greindi ítarlega frá  4. ágúst. Takk fyrir það. Hef ekki séð að aðrir fjölmiðlar hafi sýnt þessu  áhuga. Nú mun forysta íþróttahreyfingarinnar væntanlega  ganga af göflunum að nýju eins og hún gerði þegar  sá sem þetta ritar skrifaði smágrein í Fréttablaðið um að endurskoða ætti Lottókerfið og  hleypa fleiri aðilum að gnægtaborðinu. Þá ætlaði allt vitlaust að verða. Forystumenn úr íþróttahreyfingunni  ruddust fram á ritvöllinn hver um annan þveran og vörðu meðal annars vínveitingar í golfskálum þar sem golf  var kynnt unglingum.

  Það á endurskoða allt þetta kerfi  og meðal þeirra sem hljóta  að koma til álita  í  endurskoðuðu eða nýju lóttókerfi eru UNICEF á Íslandi,  félög sem styðja langveik börn,Bandalag íslenskra skáta og Bandalag íslenskra listamanna.   Það þarf að lina um  einokunartök núverandi rekstraðila Lottósins á  þessari miklu peningavél og leyfa fleiri  almannasamtökum að  njóta góðs af. Það á ekki að nota Lottóið til að niðurgreiða golf eða  borga ofurlaun forystumanna ÍSÍ, KSÍ og innlendra sem erlendra atvinnumanna í íþróttum. Breytum kerfinu sem búið var  til að næturlagi í reykfylltum bakherbergjum Alþingishússins á sínum tíma.

Athugasemdir

[Ben.Ax. (Benedikt Jóhannes Axelsson), 7.8.2010 kl. 19:21]

Sæll. Ég vil aðeins benda á það að íslenskt mál og stafsetning þess er tvennt ólíkt. Stafsetningarvillur eru í sjálfu sér sárasaklausar en málvillur fara í taugarnar á mörgum. Ef orðið reiðufé er lesið kemur út á eitt hvernig það er stafsett. Öðru máli gegnir um orð eins og pítsa, sem kölluð hefur verið flatbaka, því að þegar það er ritað pizza verðum við að segja pissa hvort sem okkur líkar vel eða illa. Ég kýs að fara ekki lengra út í þessa sálma því að það gæti vakið upp (drauginn) Steina Briem sem tók mig í karphúsið forðum á þessum stað og ekki að ósekju.

[Örn Johnson ´43 (IP-tala skráð) 7.8.2010 kl. 22:05]

Jæja, Eiður, ertu hér á moggabloggi ? Ef ég man rétt þá varstu svo hneikslaður ef DO yrði ritstjóri  hér að þú

ætlaðir að fara e-ð annað. Auðvitað vissi ég að þú gast ekki farið í hina ruslpóstuna og ert hér enn.  Ertu enn áskrifandi

að Mogganum eða settir þú hann á konuna ? Auðvitað getur þú ekki verið án hans, það vita allir. Afhverju bullaðir

þú um að segja blaðinu upp. Ertu ekki samkvæmur sjálfum þér ?

[Þorsteinn Briem, 8.8.2010 kl. 02:33]

[Þorsteinn Briem, 8.8.2010 kl. 12:37]

Örn Johnson.

Það er aldrei of seint að læra almenna mannasiði og íslenska stafsetningu.

"Hneykslaður" en ekki "hneikslaður".

Það er sjálfsagt að bregðast við af hörku þegar fólk er hér með dónaskap en Eiður Guðnason hefur ekki verið hér með ókurteisi í þinn garð.

Eiður hefur einnig verið með pistla á Eyjunni og sagði hér fyrir margt löngu að hann keypti nú aftur Moggann vegna minningargreinanna í blaðinu, þar sem fólk sem hann þekkti hefði fallið frá án þess að hann vissi af því eftir að hann sagði upp áskriftinni að blaðinu. Og Eiður þekkir að sjálfsögðu þúsundir manna.

Fjölmargir kaupa Moggann aðallega vegna minningargreinanna.

Annars væri Mogginn löngu hættur að birta þær, enda taka þær mikið pláss í blaðinu.

Mogginn lifir því á dauðanum.

22.12.2009: Eiður Guðnason fyrrum ráðherra og sendiherra í hóp bloggara Eyjunnar

[Þorsteinn Briem, 8.8.2010 kl. 12:42]

Broskarlinn hér að ofan á við skrif vinar míns, Benedikts.

[Eiður Svanberg Guðnason, 8.8.2010 kl. 14:26]

 Sæll Örn,

Ég sagði Mogganum upp eins og ég  sagði frá á blogginu. Ég gerðist áskrifandi að  nýju og sagði skilmerkilega frá því á blogginu. Ég var ósáttur  við sóðaskrif Sverris Stormskers. Hann var orðinn  fastur dálkahöfundur, en er það ekki lengur. Er líka ósáttur við margt í pólitík  Moggans. Ég gerðist áskrifandi  að Mogganum að nýju fyrst og fremst vegna þess að  andlát og útför  gamals kunningja fór fram hjá mér.  Kaupi Moggann  mest til að   fylgjast með því hverjir hverfa  úr þessum heimi okkar.

Es Svo er sá prýðilegi blaðamaður Pétur Blöndal með fínt Vísnahorn  og Mogg ewr eini fjölmiðillinn sem  reglulega flytur fréttir af Vestur Íslendingum.