Skrifað og skrafað

12.7.2010 | 19:23

Einstakt tillitsleysi - Aftur og nýbúin

Hinn 23. júní síðastliðinn birti ég hér á blogginu mynd af rauðri VW Transporter sendiferðabifreið, sem lagt hafði verið í stæði fyrir fatlaða við Hagkaup í Skeifunni. . Konan sem ók bifreiðinni var ekki líkamlega fötluð. Hún var starfsmaður blómaheildsölunnar Samasem og var að fara með blóm inn í Hagkaup.

Í dag varð þessi sama kona aftur á vegi mínum Þá hafði hún lagt sendiferðabifreið í stæði sérmerkt fötluðum beint fyrir framan Hagkaup í Garðabæ og var að fara inn í verslunina með vatnsbrúsa til að vökva blóm sem voru á hillum í anddyrinu. Sama konan, sama fyrirtæki, en annar bíll. Bíllin sem konan ók í dag var rækilega merktur Blómaheildsölunni Samasem.

Þegar ég benti konunni á að hún hefði lagt í stæði fatlaðra svaraði hún mér heldur illileg á svip með miklum orðaflaumi, líklega blöndu of pólsku og ensku. Það eina sem ég skildi var: My boss, my boss. Það virtist hinsvegar ekki hvarfla að henni að færa bílinn, því hún hélt bara áfram inn í Hagkaup.

Þetta er algjörlega óafsakanlegt framferði. Fyrirtækið Samasem ætti að skammast sín.

PS Fólkið sem sést á myndinni tengist þessu máli ekkert.

Flokkur: Bloggar | Facebook

Athugasemdir

Nei, Svanberg. Konukindin var líklega að segja þér að hún væri hálffötluð í rassinum, bossanum. Þ. e. a. s. "my boss".

Annars sá ég oft þetta athæfi, þegar ég var síðast á Íslandi. Stálhraustir menn og konur, hreinir Íslendingar, lögðu í þessi stæði. Þetta er líklegast vegna þess að fyrir utan að vera ólæst neðanmálslið, þá kann þetta fólk ekki einu sinni að lesa hieróglýfur. Það er því andlega fatlað, og hefur líklega fullan rétt á því að leggja þarna. En ráðlegt væri að spyrja Ragnar Aðalsteinsson eða Sigga Líndal.

Eins og núverandi verlferðarstjórn gengur á rétt láglaunaðra, fatlaðra og fátækra, þá er líklegt að bílastæði fyrir fatlaða verði brátt skattlögð harkalega eða jafnvel fjarlægð fyrir fullt og allt. Það þarf peninga fyrir steinda glugga í Hörpu.

Vilhjálmur Örn Vilhjálmsson, 12.7.2010 kl. 19:53

Takk fyrir þessa þörfu færslu og eins kommentið Vilhjálmur. Það er með ólíkindum hvað fólk er óforskammað í sambandi við bílastæði fatlaðra. Sjálf lenti ég í nokkrum fætingi við þrjú ungmenni sem lögðu í stæðið við Nóatún í Hamraborg fyrir nokkrum árum. Ungt og glæsilegt að utan en ógeðsleg að innan hugsaði ég með mér. Vilhjálmur það er ekki nóg að vera andlega fatlaður til að mega nota þessi stæði, heldur bara þeir sem eru "hreyfihamlaðir" og með merki um það í framrúðu.

Það á að kæra þetta til lögreglu og kannski munar hana eða fyrirtækið um sektina en kannski er hún pískuð áfram í vinnu eins og margir í dag. Ég hefði lagt fyrir aftan bílinn og beðið eftir löggunni en það hafa auðvitað ekki allir tíma til þess.

Ég þakka hlýhuginn sem þessi færsla ber með sér. Kveðja Kolbrún.

Kolbrún Stefánsdóttir, 12.7.2010 kl. 23:40

Það sem vantar við þessi stæði er skilti sem stendur á (á ensku svo það komist til skila til allra:) "Voilators will be given good reason to park here".

Heimir Tómasson, 13.7.2010 kl. 03:46