Hámark ábyrgðarleysisins

  Það er hámark ábyrgðarleysisins þegar svokölluð Samtök lánþega  hvetja borgarana til að gera áhlaup á  banka og fjármálastofnanir á Íslandi. Það mundi samstundis leiða til algjörs hruns.  Þetta er eins og að kalla eldur, eldur í troðfullum sal, - einhverjir komast út, aðrir troðast undir en flestir farast í eldinum. 

 Eins og  Axel Jóhann Axelsson réttilega bendir á áð blog.is eru það þeir sem hafa fengið spariféð að láni, sem nú hvetja  til áhlaups á alla banka og fjármálastofnanir á Íslandi af því að þeir  vilja ekki borga  jafnverðmiklar krónur til baka. Vilja hagnast á sparifé annarra. Þeir eiga sem sé að njóta sem lánin tóku , en þeir sem spöruðu  eiga að  tapa sínum ævisparnaði í mörgum tilvikum. Þetta er eitt af því ljótasta sem lengi hefur heyrst.

Athugasemdir

[Þorsteinn Briem, 24.6.2010 kl. 14:22]

Glæpasamtök lánþega hafa ekki getað svarað þessu:

Sonur minn greiddi skólagjöld í Kvikmyndaskóla Íslands, 1,2 milljónir króna á ári, með peningum sem hann hafði lagt fyrir frá átta ára aldri, og verðbólgan frá þeim tíma var ekki hans sök.

Væri þá eðlilegt að einhver annar, sem einnig stundaði nám í Kvikmyndaskólanum, tæki lán fyrir skólagjöldunum og bíl til að komast í skólann, á kostnað þeirra sem kjósa að greiða skólagjöldin með sparifé sínu og taka strætó í skólann?

[Sigurður Sigurðsson, 24.6.2010 kl. 23:23]

En Hr. Eiður var ekki ábyrgðarleysi af seðlabankastjóra og viðskiptaráðherra að halda því fram að bankar færu á hausinn ef dómur Hæstaréttar stæði óbreyttur. Eru það ekki eðlileg viðbrögð að vara fólk við í framhaldi af þeim spám.

Ég stökk til og tók út allt mitt sparifé ( 5000 kr) og lagði það undir koddan um leið seðlabankastóri hafði spáð falli bankakerfisins.

Á ekki meira sparifé því það sem ég átti hefur Lýsingu tekist að soga til sín og Aríonbanki tók restina. Stakk þessum fimmara undan ekki láta neinn vita.

[Þorsteinn Briem, 25.6.2010 kl. 00:42]

Sigurður Sigurðsson.

Seðlabankastjóri og viðskiptaráðherra hafa ekki haldið því fram að bankar færu á hausinn ef dómur Hæstaréttar stæði óbreyttur, enda verður þessum dómi ekki breytt. Hæstiréttur hefur hins vegar ekki kveðið upp dóm um hvort til að mynda verðtrygging eigi að koma í stað þess að miða við gengi erlendra mynta á slíkum lánum.

Bankar eru milliliður á milli sparifjáreigenda og lántakenda og í íslenskri verðbólgu verða lántakendur að greiða verðtryggingu á lánum til langs tíma. Annars myndu íslenskir sparifjáreigendur færa sparifjáreign sína til annarra landa og undir venjulegum kringumstæðum er frjáls fjármagnsflutningur á öllu Evrópska efnahagssvæðinu.

Á óðaverðbólguárunum hér á 8. og 9. áratugnum, þegar verðbólgan fór upp í 84%, fjárfestu allir Íslendingar, nema börn og gamalmenni, strax í steinsteypu í stað þess að leggja fyrir, og þá var andvirði 20 þúsund þriggja herbergja íbúða í Reykjavík fært ókeypis frá sparifjáreigendum til lántakenda. En þá var það íslenskur glæpur að eiga peninga í útlöndum.

Peningar eru stjórnarskrárvarin eign, rétt eins og það sem hægt er að kaupa fyrir þá, fólk hefur rétt til að verja eignir sínar og hér er ekki hægt að gera eignir upptækar nema fullar bætur komi fyrir. Menn vilja að sjálfsögðu fá arð af eign sinni og enginn getur leigt íbúð án þess að greiða leigu af öllum herberjum íbúðarinnar allan lánstímann. Enginn er heldur tilbúinn að lána eina milljón króna í eitt ár og fá eina milljón króna til baka að ári liðnu. Þar að auki greiða ekki allir þau lán sem þeir hafa fengið.

Það er beinlínis heimskulegt að taka lán til að kaupa einkabíl. Sá sem ekki hefur efni á að leggja fyrir til að kaupa slíkan bíl hefur heldur ekki efni á að greiða afborganir af bílnum. Fólk getur gengið eða tekið strætó þar til það hefur efni á að kaupa einkabíl.

Þar að auki er lítið vit í að taka lán til langs tíma í mynt sem viðkomandi hefur ekki tekjur í. En ef fólk hefur tekið lán í íslenskum krónum og greiðir einnig afborganir og vexti af láninu í íslenskum krónum er að sjálfsögðu tóm della að miða þar við gengi erlendra mynta. Margir Íslendingar virðast hins vegar ekki vita hvað er heimskulegt fyrr en Hæstiréttur hefur sagt þeim það.

[e (IP-tala skráð) 25.6.2010 kl. 03:21]

Eiður! Það fer þér ekki að vera reiður ... þú skrifar ekki rétt þá :) !!

[Róbert (IP-tala skráð) 25.6.2010 kl. 07:22]

Bíddu var ekki gert áhlaup á bankana fyrir tveimur árum eða svo af eigendum og stjórnendum þeirra þegar þeir sugu allt fé útúr þeim þar með talið sparifé landsmanna,

þá var allt í lagi að nota skattfé landsmanna til að borga þó að það væri bara 2-3% af þjóðinni sem ætti þetta sparifé en nú þegar á að leiðrétta lán stórs hluta þjóðarinnar þá fer allt á hliðina.

[Eiður Svanberg Guðnason, 25.6.2010 kl. 20:48]

Þú bregst ekki, frekar en fyrridaginn, Steini Briem. takk fyrir gott innlegg.