Takmarkalaust (landlægt) tillitsleysi

  Það skiptir miklu í umferðinni, að ökumenn taki tillit hver til annars , -- og ekki aðeins í umferðinni heldur líka á bílastæðum þar sem ákveðnar reglur gilda.

Hún var ekki sýnilega  líkamlega fötluð konan,sem lagði í stæði greinilega merkt fötluðum við Hagkaup í Skeifunni í dag 23. júní. Hún var að fara með  blómasendingu í Hagkaup og  taldi rétt að nota  stæði fatlaðra meðan hún erindaði sig.

  Svo var það jeppakarlinn, eða kerlingin, sem  þurfti meira pláss en allir aðrir á bílastæðinu við IKEA í  Kauptúni í gærmorgun.   Það er líklega rétt sem sagt hefur verið,að hér á landi sé landlægt virðingarleysi fyrir lögum og reglum. Kannski er það líka  svo að þeir sem ekki geta fylgt einföldum reglum á bílastæðum eiga líka erfitt með að  fara eftir öðrum reglum samfélagsins.

Þær  eru  nefnilega einkum fyrir aðra.

Athugasemdir

[Heimir Tómasson, 23.6.2010 kl. 21:48]

Nú kom ég til Íslands í fyrsta sinn um daginn síðan í fyrra. Það sem ég tók strax eftir er að stefnuljósanotkun landans hefur farið mikið aftur. Mun minni en var. En umferðarómenningin hefur ekkert lagast á þeim tíma, svo þetta er hrein viðbót. Nema eitt reyndar, og það er að menn fara aðeins hægar yfir en áður. Svo enn er von.

[Þorsteinn Briem, 24.6.2010 kl. 14:50]

Það er engin afsökun að brjóta Umferðarlögin, nema í neyð, og hér er lífsnauðsynlegt að bæta umferðarmenninguna. Því er sjálfsagt að tífalda allar sektir vegna umferðarlagabrota.

Þannig á glæpalýðurinn að greiða að lágmarki fimmtíu þúsund krónur en ekki fimm þúsund kall vegna umferðarlagabrota. Það hefur greinilega enga þýðingu.

Reglugerð um sektir og önnur viðurlög vegna brota á Umferðarlögum nr. 930/2006

Okkur veitir þar að auki engan veginn af að fá háar hraðasektir í ríkiskassann.

"Sex Kínverjar fengu vænar sektir fyrir umferðarlagabrot í Sviss en þeir óku á allt að 230 kílómetra hraða á svissneskum þjóðvegum og hæstu sektirnar voru jafnvirði 10,6 milljóna króna.

Kínverjarnir heldu því fram við héraðsdómstólinn í Horgen að þeir hefðu ekki gert sér grein fyrir að ekki mætti aka á yfir 120 kílómetra hraða á þjóðvegum landsins. Dómarinn tók útskýringuna ekki gilda og úrskurðaði að þeir hefðu viljandi ekið of hratt."

"Í Finnlandi eru hraðasektir reiknaðar út frá meðalmánaðartekjum á skattframtali næstliðins árs og hámarksrefsing fyrir ölvunarakstur er fimm ára fangelsi."

Alltof lágar hraðasektir hérlendis

[Eiður Svanberg Guðnason, 24.6.2010 kl. 15:28]

 Mæl þú manna heilastur, Steini Briem.