Hver segir ósatt um Wikileaks ?

 Við höfum  fengið þrjú mismunandi svör við spurningunni  um hver greiddi kostnaðinn við  ferð Kristins Hrafnssonar fréttamanns  til Bagdad í Írak, fyrr á þessu ári.

1. Birgitta Jónsdóttir,alþingismaður,  segir  að Wikileaks hafi greitt kostnaðinn við ferðina. Ríkisútvarpið hafi ekki þurft að borga neitt. Þetta sagði hún á  Bylgjunni 11. apríl.

2. Kristinn Hrafnsson, fréttamaður, sagði í  athugasemd við Mola um málfar og miðla 309, að  Wikileaks hefði greitt 2/3  kostnaðarins og  Ríkisútvarpið 1/3.

 3. Í svari  við  fyrirspurn frá pressan.is sagði  Páll Magnússon, útvarpsstjóri: „Kostnaður RÚV vegna ferðarinnar, sem skiptist milli Fréttastofu og Kastljóss, er áætlaður 400-500 þús.kr.
 Aðkoma RÚV var ekki önnur en að fréttamaður hjá okkur tók þátt í að vinna efnið til birtingar."

 Varla geta þau öll verið að segja satt. Eða hvað? Er ekki einhver að segja okkur ósatt?  Viðskiptavinir RÚV eiga rétt á að vita hið sanna í málinu. Í þessu tilviki  voru utanhússaðilar að kaupa sig inn í í Kastljós og  fréttir  Sjónvarpsins. Til þess er ekki gott að vita.

 

Athugasemdir

[Grefillinn Sjálfur - Koma svo! (IP-tala skráð) 22.5.2010 kl. 02:38]

Já, skrítið að þetta skuli ekki vera á hreinu ... sem gerir málið grunsamlegt.

Hver hefur af því hag að leyna réttum upplýsingum í þessu máli?

[Hörður Harðarson (IP-tala skráð) 22.5.2010 kl. 14:46]

Er þetta ekki aðeins of ítarleg pungskoðun?  Heldurðu ekki að allir geti verið sammála um að þetta hafi verið mikið þarfaverk, að opna augu almennings fyrir svæsinni nauðgun bandaríska hersins á Írösku þjóðinni? Er það ekki beinlínis skylda okkar sem manneskjur að upplýsa, og um leið stöðva, þessháttar grimmdarverk sem ferð Kristjáns til Íraks snérist um?  Hefði þessum peningum verið betur varíð í nýrri seríu Aðþrengdra eiginkvenna?

En þér að segja þá hafa "utanaðkomandi" keypt sig inn í dagskrá Sjónvarpsins frá því að allra fyrsta auglýsingin birtist á skjánum.

[Sjóveikur, 22.5.2010 kl. 18:27]

Hörður er greinilega ekki með á jörðinni  "Fréttin" var hauga lygi og falskt framsett að auki ! Krata mafían er að verki þarna, eða kanski réttara að segja EU mafían  Ríkisútvarpið á að vera gegnsætt efnahagslega !!!

[Eiður Svanberg Guðnason, 23.5.2010 kl. 09:27]

 Myndbandið og samtölin voru áreiðanlega ófölsuð. Hinsvegar átti að segja hlustendum   satt um það hver kostaði Íraksferð Kristins Hrafnssonar. Birgitta Jónsdóttir,  alþingismaður, Kristinn Hrafnsson,  fréttamaður og Páll Magnússon , útvarpsstjóri geta  ekki borið  á borð  fyrir okkur þrjú mismunandi  svör um það atriði.  Þau eiga að segja okkur satt.