Einstæð lágkúra

  Þegar Jón Magnússon fyrrverandi þingmaður tveggja flokka, Sjálfstæðisflokksins og  Frjálslynda flokksins  og hæstaréttarlögmaður að auki,  segir að Dagur B. Eggertsson sé  sálufélagi Adolfs Hitlers, þá  rekur mann í rogastans.

  Þegar svo Ólafur Arnarson,hagfræðingur,  sem virðist í fullu starfi við að verja bankabófana, kallar Ólaf  Þór Hauksson   sérstakan  saksóknara,  Óla SS, þá rekur mann aftur í  rogastans.

  Vondan málstað hafa þeir  að verja,sem  þannig  skrifa. Ýmsu erum við  vön í  umræðunni, en þetta er með því allra versta. Þetta er einstæð lágkúra.

   Björn Bjarnason skrifaði í dagbókina á  heimasíðu sinni 16. janúar 2008:  „Umræðum eða deilum lýkur, þegar annar aðilinn tekur að líkja hinum við Hitler og nasista". Undir þetta skal  tekið og þeir Jón Magnússon og Ólafur Arnarson mættu gjarnan hafa þetta  til hliðsjónar í skrifum sínum.

Athugasemdir

[Grefillinn Sjálfur - Koma svo! (IP-tala skráð) 18.5.2010 kl. 21:21]

„Umræðum eða deilum lýkur, þegar annar aðilinn tekur að líkja hinum við Hitler og nasista".

Þetta er gott viðmið enda ljóst að sá sem byrjar á slíku er orðinn rökþrota.

[Hörður B Hjartarson, 23.5.2010 kl. 15:43]

    Eiður !    Afar sjaldan fynnst mér vera glóra í því sem Hermálaóráðherrann fyrrverandi lætur frá sér fara , en þarna hittir hann naglann á höfuðið og vissulega hefur þú rétt fyrir þér , hann Jón leggst afar lágt , er hann gerir slíkt .

   Annað; það pirrar mig ósegjanlega , ef maður ætlar að skrifa aths. við færslu einhvers , eins og hjá Jóni , þá kemur hún ekki inn fyrr en bloggari hefur samþykkt athsemd , þetta skeði hjá mér er ég ætlaði að gera athsemd hjá Jóni , gerði tvær og hann birti aðra , að mínum dómi gera bara furðulegir furðufuglar slíkt , og hjá slíkum nenni ég ekki að eiga tal (né skrif) við .