Hann hefði betur þagað !

 Það dettur auðvitað engum í hug að banna Ólafi  Ragnari að nefna Kötlu. Hann á  hinsvegar að láta eldfjallafræðingum eftir að  túlka vísindalega það sem er að gerast á gossvæðinu. Hann  hefur ekki hundsvit á því sem þar er að gerast. Þess vegna er það okkur hættulegt , þegar hann hleypur  eins og lax á  feitan  ánamaðk ,þegar hann sér hljóðnema og myndavélar erlendra  sjónvarpsstöðva. Þar hefur  hann ítrekað valdið okkur  tjóni með  ógrunduðum ummælum. Þarna  drekkir athyglissýkin öllum skynsemisvotti.

Forsetinn  var ekki yfirvegaður, hann talaði ekki af stillingu, orð hans, sem ekki fólu neitt nýtt í sér voru til þess fallin að skjóta fólki skelk í bringu. Á Íslandi gýs   þriðja  til fimmta hvert á. Þessi þjóð hefur  byggt eldfjallaland í meira en 1100 ár. Og lifir enn. Ólafur Ragnar fer alltaf fram úr sér. Hann hefur aldrei kunnað sér  hóf, hvort  sem hann  var (tilhæfulaust) að hóta okkur kjarnorkuvopnum á Keflavíkurflugvelli eða segja  að eldgosið í Eyjafjallajökli væri bara ,,smáæfing" fyrir Kötlugos. Ólafur Ragnar veit minna en ekki neitt um stærð næsta Kötlugoss, - frekar en nokkur  annar. Þess vegna átti hann að þegja á þessari stundu..

Ögmundur kemur forsetanum til varnar

Athugasemdir

[Hamarinn, 24.4.2010 kl. 11:40]

Þarna talar sársvekktur KRATI. Reynir að gera lítið úr forsetanum í hefndarskyni fyrir að neita að skrifa undir Icesave lögin sem voru einn af lyklum kratanna til ESB.Það er fínt að hafa forseta sem hlustar á þjóð sína, og lætur kratana ekki skipa fyrir verkum.

Ef það var ekkert nýtt í ummælum hans, þá hvers vegna ættu menn að óttast þau?Ef það gýs hér 3-5 hvert ár, þá hljóta þeir að vita af því ferðamennirnir sem hingað ætla að koma.

Ég held að þið kratarnir ættuð að fara að sætta ykkur við það að þjóðin mun ALDREI samþykkja inngöngu í ESB.

[Eiður Svanberg Guðnason, 24.4.2010 kl. 11:48]

 Komdu fram undir nafni, Hamar, heigull !

[Sigurður Haraldsson, 24.4.2010 kl. 12:04]

Gott hjá forsetanum ekki alltaf verið ánægður með hann en síðustu útspil neitun undirskriftar Icesave frá alþingi og nú varnarorð um náttúruhamfarir eru svo ekki sé meira sagt frábær

[Hamarinn, 24.4.2010 kl. 12:13]

Þú getur sjálfur verið heigull. Nafnið finnur þú með því að fara á síðu mína og smella á höfund.

[Sigurður Þór Guðjónsson, 24.4.2010 kl. 12:34]

Hér nú ekki beinlínis skrifað af yfirvegum. Það er reyndar almenn þekking að Kötlugos sem komast upp úr jöklinum eru margfalt kröftugri en þetta smágos í Eyjafjallajökli. Löng goshlé í fjalli eins og Kötlu eru líkleg til að verða í stærra lagi miðað við það fjall en það er þó ekki víst. En ''lítið'' Kötlugos verður alltaf meira en þetta Eyjafjallagos.

[Örn Gunnlaugsson (IP-tala skráð) 24.4.2010 kl. 12:48]

Oft má satt kyrrt liggja.

Það er nákvæmlega það sem ráðamenn og æðstu embættismenn þjóðarinnar gerðu fyrir bankahrunið með ömurlegum afleiðingum. Einkennilegt að enn sé til fólk sem vill fela sannleikann um hugsanlega hættu. Þeir hafa sennilega ekki orðið fyrir alvarlegum skakkaföllum í kjölfar hrunsins, kannski fyrrum embættismenn á jötunni sem ekkert skerðist hjá á efri árum þrátt fyrir miklar skerðingar hjá almenningi.

Ef Katla gýs með þeim afleiðingum að erlendir ferðamenn lokast inni í landinu að ekki sé talað um manntjón eða tengdar hörmungar þá munu þessar gagnrýnisraddir hverfa og enginn man eftir að hafa nefnt þetta. Og þá er líka ágætt að eiga upptökur af því að forseti vor benti á hversu náttúran hér getur verið megnug. Er ekki nóg að vera með þetta helv. Icesave á bakinu þó ekki bætist við skaðabótakröfur vegna náttúruhamfara sem við gerðum lítið úr? Kannski þarf að skikka embættismenn til að taka kúrs um að hætta að ljúga og fara þess í stað að segja satt. Það mætti kenna það með áfanganum: "að kunna að skammast sín". Þeir virðast því miður allt of fáir vera með þann hæfileika meðfæddan.

Ekki er vanþörf á að gera þeim sem eru að koma hingað grein fyrir að hér geta eldfjöll vaknað með látum. Þess meiri ástæða þar sem mest af þessum túristum er hingað komið til að flækjast upp í óbyggðir. Þeir hugsa þá kannski aðeins um þá áður en þeir leggja í hann að ákvörðunin um að heimsækja land með mögulega slíka eldvirkni er á þeirra eigin ábyrgð!

[Þórir Kjartansson, 24.4.2010 kl. 13:21]

Það er nú reyndar ekki endilega rétt hjá Sigurði Þór að eftir löng goshlé í Kötlu sé líklegra að fá stórgos.  Katla gaus t.d. 1721 með einhverju mesta vatnsflóði sem úr henni hefur komið. Þá voru liðin sextíu og eitt ár frá næsta gosi þar á undan 1660. Sem sagt nokkurn veginn meðaltími á milli gosa. Næsta gos 1755 er mesta gjóskugos sem komið hefur úr Kötlu á sögulegum tíma og einnig það sem stóð einna lengst. frá 17 október og fram í febrúar árið eftir. 

[Kristján Hilmarsson, 24.4.2010 kl. 16:00]

Tek undir með Sigurði Þór að umræðan hér er nokkuð tilfinningaþrungin, en þegar "Hamarinn" (Ég veit nafnið ha ha) skrifar þá notar  hann nú ekki  "fjaðurpenna" heldu beitir fjölskrúðugu máli. Nei ORG fylgdi örugglega sannfæringu sinni þegar hann neitaði að skrifa undir Icesave lögin 5 jan í ár, og gladdi margan með því en að bara það hefji hann yfir alla gagnrýni hvað varðar viðtöl hans við erlenda blaðamenn um Eldgos, núverandi sem væntanleg, nei auðvitað ekki, þar mega menn/konur meina sitt án þess að vera brigslað um "ofsóknir" gegn ORG, og að kalla gagnrýnina "þöggun" er jafnvel á enn lægra plani, því þetta er búið að vera á ALLRA vörum síðan Fimmvörðuháls byrjaði að gjósa, og þekkt af vísindamönnum um allann heim í langa tíð, svo það sem fór kannski mest fyrir brjóstið á þeim sem vildu að hann hefði hagað orðum sínum öðruvísi, var þetta "föðurlega" yfirbragð og það hvernig hann setti þetta fram sem eitthvað nýtt og nú væri hann að upplýsa "fávísann heiminn" um leyndarmálið stóra, þetta er bara svona sem hann er upp á gott eða vont, meinar vel og var örugglega ekki aðreyna skaða eitt eða neitt, allavega ekki ferðamál Íslands, sem hann ekki gerði held ég, svo þeir sem halda því fram eru svo tilfinningalega á hinum meginn á spítunni.

Reynið nú að taka blessuðum kallinum eins og hann er, ekki annaðhvort í guðatölu eða í neðra, þið kusuð hann og hann hefur ekkert breyst bara, tímarnir kring um okkur öll. 

[Hörður B Hjartarson, 24.4.2010 kl. 21:08]

    Eiður !

    Ég er þér sammála , eins og hann talaði , mætti ætla að Katla færi að gjósa á allra næstu dögum .

    Bessastaðatrúðurinn var , er , og verður fyrst og fremst tækifærissinni frá a-ö , hitt er svo annað mál , að hann á stórann heiður , að mínu mati , fyrir að neita að samþykkja þessi blessuð ólög , þar fékk tækifærissinninn mörg prik frá mér .

    Kannski Bessastaðatrúðurinn úthluti orðu fyrir að neita að samþykkja lögin , þá má það ekki minna vera en Stórriddarakrossinn ;-) .

[Skeggi Skaftason, 25.4.2010 kl. 11:21]

Það er nú vonandi að flugvélaframleiðendur hlusti á góð ráð ÓRG eldfjalla- og flugvélaráðgjafa og kanni betur öskuþol þotuhreyfla.

Hér er seinna BBC viðtalið þar sem hann talar um "great disaster for the farming community":

http://news.bbc.co.uk/2/hi/programmes/world_news_america/8635413.stm

"that is why I have urged airline companies [..] to reexamine existing technologies ..."

Endar svo á tali um "unpredictability of both of financial markets as well as volcanos"...