Hannes með böggum hildar

  Hannes  Hólmsteinn Gissurarson, æðsti prestur  frjálshyggjunnar, eða  æsti prestur frjálshyggjunnar,eins og einhver sagði,   getur nú ekki á sér heilum  tekið   vegna  nýs ritstjóra Fréttablaðsins. Hannes  fer og mun fara hamförum gegn Ólafi Stephensen. Ólafur  er fagmaður og fínn blaðamaður. Skoðanir hans  voru hinsvegar ekki að skapi  kvótaeigenda Morgunblaðsins. Þessvegna var hann rekinn,. Hannes skrifar  digurbarkalega á blogginu, en leyfir  engum að gera athugasemdir.  Hvað var þessi hirð í kringum hann annars kölluð?  Man  það nokkur?

Athugasemdir

[Pjetur Hafstein Lárusson, 27.2.2010 kl. 23:14]

Það var eitt sumarið, á þeim árum þegar Hannes Hólmsteinn var við nám í Háskólanum, að sól skein óvenju heitt í heiði. Lá þá téður nemi gjarnan upp við vegg Árnagarðs og las, klæddur sundskýlu einni fata. Eitt sinn var ónefndur ungur maður að leita hans og gekk fram á prófessor Þorstein Björnsson sagnfræðing. Spurði hann Þorstein, hvort hann vissi, hvar Hannes Hólmstein væri að finna. Þorsteinn lést í fyrstu eigi vita og virtist djúpt hugsi. Eftir nokkra stund mælti hann þó, um leið og hann benti í átt til Árnagarðs: „Já, Hannes Hólmsteinn. Jú, hann liggur þarna undir allsber undir vegg og er að furða sig á Karli Marx".

[Jón Valur Jensson, 27.2.2010 kl. 23:21]

Enginn Þorsteinn Björnsson hefur nokkurn tímann verið sagnfræðiprófessor í háskólanum. Það þarf að snúa nöfnunum við til að þetta gangi upp hjá þér, Pétur. Kannski fleiri ónákvæm atriði í þessari sögu þinni? Ertu annars að safna þér í örsögubók?

Og hvað er hann Eiður að gagnrýna Hannes fyrir að vilja vera í friði fyrir hælbítum? Vill hann meina, að Ólafur hafi birt allar greinar sem honum bárust? Ekki var það nú svo um hverja grein um Evrópubandalagið, þótt vel væri skrifuð.

[Eiður Guðnason (IP-tala skráð) 28.2.2010 kl. 00:52]

   JVJ er  sér sí og æ til skammar.  til  Fáir komast með tærnar þar sem hann hefur hælana.Lægra er vart unnt að leggjast.

[Jón Valur Jensson, 28.2.2010 kl. 01:29]

Þú ert í fína skapinu, Eiður minn. Láttu það ljóma, brosið þitt.

[Sigurjón, 3.3.2010 kl. 00:11]

Sæll Eiður.

Varst þú ekki búinn að yfirgefa ,,Sóða-moggann" með þjósti og í fússi á síðasta degi síðasta árs?  Ég man ekki betur og færzlurnar á þessari vefbók staðfesta það.  Er sumsé ekkert að marka yfirlýsingar þínar?

Kveðja, Sigurjón

[Eiður Svanberg Guðnason, 3.3.2010 kl. 08:54]

   Sæll Sigurjón. Þú fylgist ekki vel með. 12.02. birti ég eftirfarandi færslu undir fyrirsögninni: Skipt um skoðun:

Sá sem þetta skrifar ,skammast sín ekkert   fyrir að skipta um skoðun,  ef aðstæður breytast,  eða  ástæða er til að  endurskoða  fyrri afstöðu  eða  ákvörðun.

Um áramótin sagði ég upp áskrift að Morgunblaðinu. Nú hef ég ákveðið að  gerast áskrifandi að nýju. Hef  sem sagt skipt um skoðun. Á

Ástæður eru meðal annars þessar:
Ég  hef fengið vissu fyrir því, að Morgunblaðið er hætt að birta  pistla Sverris Stormskers. Þau skrif  voru ein helsta ástæða þess að ég upp áskriftinni.  Í öðru lagi , þótt kannski í litlu sé, er Morgunblaðið  farið að birta  reglulega pistla um móðurmálið. Það met ég mikils. Í þriðja lagi  þá hefur  það  komið illa við mig , þegar andlát  góðra  samferðamanna , hefur   framhjá mér, - vegna þess  að ég sé ekki Morgunblaðið  reglulega. Þetta hefur gerst í tvígang  nú nýlega.

 Auðvitað gæti ég  farið þá leið,sem ég veit að ýmsir hafa farið. Sagt upp áskrift í eigin nafni, en einhver annar í fjölskyldunni gerist  nýr áskrifandi.  Sú leið hugnast mér hinsvegar  ekki.

 Ég geri fastlega ráð fyrir að vera áfram ósáttur við sumt í fréttaflutningi og  flest í stjórnmálaskrifum Morgunblaðsins, en það er eins og  annað, að  svo er margt  sinnið  sem skinnið.  Þessi ákvörðun er tekin eftir  talsverða  íhugun og ég skammast mín ekki  hið minnsta fyrir að skipta um skoðun, en   veit auðvitað að ýmsir bloggarar  munu leggja  þetta út mér á  verri veg. Það snertir mig hinsvegar ekki. Ekki  kæmi á óvart þótt athugasemdaregn fylgdi í kjölfar þessara  skrifa.

[Sigurjón, 3.3.2010 kl. 11:33]

Batnandi börnum er bezt að lifa...