Hélt að mér hefði misheyrst

Sannast  sagna hélt ég að mér  hefði misheyrst er ég heyrði  forseta Íslands  tala um "sovereign" í  sambandi  við  fullveldisdaginn í  ræðu sem hann flutti við setningu  Alþingis  í  dag.

Mér  misheyrðist ekki.  Forseti  Íslands  sagði:

"Innan tíðar, 1. desember, verða 90 ár liðin frá því að þjóðin varð fullvalda

— „sovereign“ eins og það er nefnt á ýmsum tungum."

"Sovereign"  er  enska orðið  yfir  fullveldi.  það er ekki talað  um "sovereign" á  neinni tungu  nema  ensku  þótt  samstofna orð  sé  að   finna í  öðrum málum , "souveraine" á  frönsku  og "souverän" á þýsku ,  fari ég rétt með.

Forseti Íslands  þarf ekki að sletta ensku við setningu  Alþingis. 

Færa þarf þjóðinni 1. desember á ný

Konan og kjötið

Auglýsing um ágæti  íslenska  lambakjötsins,  sem  nú  birtist oft á  skjánum hefur orðið mér  umhugsunarefni.  Þar stendur maður  við kjötborð, bendir á lambakjöt  í borðinu og  segist ætla að kaupa það. Þar með  er  kominn á  samningur milli hans og   afgreiðslumannsins eða   verslunarinnar.Þá kemur   aðvífandi kona  sem  greinilega  væntir sín, hún   ágirnist  kjötið líka. Hún lætur   smápeninga  detta á  gólfið og  horfir  biðjandi augum á manninn og  biður hann  að  hjálpa sér  að  tína peningana upp, -  væntanlega  vegna þess að  hún á ekki auðvelt  með að beygja sig.Maðurinn bregst  vel  við og  tínir upp peningana og réttir henni. Þá  er hún  búin að kaupa  kjötið, sem hann varð  fyrri  til að biðja um. Konan heldur  svo  sigri  hrósandi á brott.Hver  er   boðskapur þessarar  auglýsingar (skilaboð segja  auglýsingastofur líklega að  enskri  málvenju) ?   Er ekki verið að segja  okkur  að það sé  í lagi að ljúga og  svíkja  til  að hafa sitt  fram?  Ég get ekki skilið þetta á annan veg.Þótt  konur   séu aldrei  fallegri en þegar  þær  bera barn undir  belti þá  finnst mér  þetta  bæði ógeðfelld og ómerkileg  auglýsing.Hvað er  verið að segja  börnum okkar með þessu  Hugsi nú hver fyrir sig.