Hversvegna?

Sjónvarpið er duglegt að sýna beint  frá margháttuðum íþróttaviðburðum, boltaleikjum og bílaleikjum. Tilkynnt er ,að nótt eða undir morgun  verði bein útsending frá  bílaleik fullorðinna úti í  heimi. Þegar sportið á í hlut er ekkert sparað, nægur  tími og  nógir peningar.

Hversvegna getur Sjónvarp allra landsmanna ekki sýnt okkur beint frá þeim einstæða  tónlistarviðburði, þegar Víkingur Heiðar Ólafsson leikur  þriðja píanókonsert  Rachmaninoffs með Sinfóníuhljómsveit Íslands  í Háskólabíói í kvöld ?

Á því hlýtur að vera haldbær skýring. Gaman  væri að heyra hana.

Það skyldi þó ekki vera,

 

að  sá  góði árangur,sem náðist með  samstarfi  fjölmargra  aðila, þegar tókst að hafa hendur í hári  stórglæpamanna,sem  voru  að smygla eiturlyfjum  til landsins,  sé að hluta til að þakka  markvissri eflingu lögreglu og landhelgisgæslu  undanfarin misseri.

 

Úr herbúðum sumra hafa verið rekin upp ramakvein, þegar gripið hefur  til aðgerða  til að styrkja sérsveit lögreglunnar og efla  búnað hennar .

Atburðirnir fyrir austan færa okkur  heim sanninn um það ,að  við þurfum vaskar og  velbúnar sveitir,-  varnarlið gegn alþjóðlegri  glæpastarfsemi.

 Lögreglan hefur   reyndar ærin verkefni  meðal annars  við að  hafa hemil á því hyski  sem  hertekur miðborg  Reykjavíkur helgi eftir helgi. Þar dugir engin linkind. Vonandi hefur  hún þar erindi sem erfiði.

Er einhver hissa ?

Er einhver hissa ,þegar bankastjóri Landsbankans segir, að  ef til vill verði  nauðsynlegt að taka upp ensku   í daglegum störfum í  bankanum ?  Ekki ég. Samskipti  við útlönd  eru svo  ríkur þáttur í starfsemi íslenskra fjármálastofnana, að hluti  starfsmanna talar allan daginn jöfnum höndum  ensku og íslensku, því ekki tala erlendir  bankamenn íslensku, - enn sem komið er !

Er  ekki líka  svo  komið, að háskólar á  Íslandi kenna  sumir hverjir    hluta námsefnis á ensku?

Það er  svo komið að  menn eru ekki lengur   gjaldgengir á  vinnumarkaði ,nema vera  vel að sér í ensku. Maður þarf  meira segja að kunna ensku   til að  geta tjáð sig  við  afgreiðslufólk í stórverslunum  eins og Hagkaupum og Bónusi. Lenti síðast í því í  fyrrdag og  lenti líka í því að túlka fyrir  fullorðinn mann sem  var næstur á undan mér og ekki sleipur í enskunni.Það skilja nefnilega ekki allir  ensku.Þetta er  hinn  harði veruleiki.En það er heilög skylda okkar að vernda móðurmálið. Þar standa   fjölmiðlar og  fjölmiðlungar sig illa. Stjórnmálamenn  sletta ensku. “ Jæja , whatever..” sagði   víttlesinn bloggari og  forystumaður  vinstri grænna í  Silfri Egils. Í útvarpinu í morgun var  verið að  fjalla um bókmenntir og tekið svo  til orða “..rithöfundar sem  skipa  svokallaðan short list eða stuttlista”. Óþörf sletta.Dæmin eru  óteljandi, - því miður.Þetta var á  bloggi Mogga í morgun.Well folks, time for a lil´update“Anywho...pabbi gamli og”..(Anywho er  reyndar áður óþekkt nýyrði í ensku, sennilega     ætlaði hann að skrifa    Anyhow) Oft sletta þeir mest ,sem minnst kunna. “Ég var svo að fá mér nýja græju í gær...24" widescreen tölvuskjá (Gateway FPD2485W).  Þvílíkur munur, 1920*1200 upplausn og allez.  Styður 1080p Hi-Def svo hann dobblar sem fullkominn skjár fyrir X-boxið líka og svo verður maður auðvitað að fá sér Blu-Ray spilara innan skamms. Svona lítur desktoppurinn út hjá mér núna. ..”Þetta er auðvitað málsóðaskapur með ólíkindum.Við eigum að  kunna íslensku og stuðla að því að vegur tungunnar verði sem mestur. Við þurfum að kunna ensku, en við eigum að halda málunum  aðskildum.Það er mergur málsins, en reynist mörgum  erfitt. 

HISSA?

Einhvernveginn  finnst mér ,að það ætti að  vera sjálfgefið að  kjöt af lömbum sem  alin eru á hvönn hafi hvannarkeim eða hvannarbragð. Tvílemba,sem  afi minn átti  gekk í hvannastóði   við Réttarholt í Garði sumarið 1948. Kjötið varð næstum óætt,  svo megnt  hvannarbragð var að því.

Hélt annars að það væri  bragð að mat en ekki af mat.

Bragð af mat þýðir allt annað en  bragð að mat. ekki satt?

Hvönn hefur áhrif á bragð af lambakjöti

HISSA?

Einhvernveginn  finnst mér ,að það ætti að  vera sjálfgefið að  kjöt af lömbum sem  alin eru á hvönn hafi hvannarkeim eða hvannarbragð. Tvílemba,sem  afi minn átti  gekk í hvannastóði   við Réttarholt í Garði sumarið 1948. Kjötið varð næstum óætt,  svo megnt  hvannarbragð var að því.

Hélt annars að það væri  bragð að mat en ekki af mat.

Bragð af mat þýðir allt annað en  bragð að mat. ekki satt?

Hver skilur þetta ?

 Þetta gullkorn er að finna á mbl.is í dag:

"Konan þjáðist af vatnsskorti þegar hún loks fannst en hún náði samt að svala þorstanum í nálægum læk."

Frábærlega  skýrt og greinargott. Ekki satt ?

Fréttir eiga ekki....

Fréttir eiga ekki að vera fíflagangur. Frétt sjónvarpsins í kvöld þar sem fréttamaður  sat fyrir  framan Seðlabankann og kastaði krónu í poll var ekki fyndin. Þetta var fíflagangur,sem ekki á  erindi í vitiborna umræðu um mikilvæg mál. Þetta var eigilega brjóstumkennanlegt.

Fréttin um "hefðarflugvélina" var sett í skemmtilegt samhengi. Plús fyrir það.

 

SPRUNGIÐ GATNAKERFI

 

Það eru engin tíðindi, þegar sagt er að gatnakerfið á höfuðborgarsvæðinu sé  sprungið. Það kemur  engum á óvart. Þetta kom berlega í ljós í morgun, - betur  en  ég hef áður  séð.

Klukkan  08:05  fór ég úr  Garðabæ,- átti  tíma hjá   rakaranum mínum  í Bolholtinu klukkan 08:30. Þangað eru  8  kílómetrar.  Það var  samfelld  bílalest   frá  Hafnarfirði til Reykjavíkur  og hreyfðist hægt. Það  tók  45  mínútur að aka þessa 8  kílómetra og  ég var 20 mínútum of seinn. Það kom  ekki verulega  að  sök, því rakarinn var álíka seinn. Hann var  rúman klukkutíma  úr Hafnarfirði. – Maður gæti alveg  eins átt heima á Selfossi , sagði hann. Svo veltum við því  svolítið  fyrir okkur hve margar þúsundir  hefðu tafist og hve margir  hefðu komið pirraðir í vinnuna !

Ein af ástæðum þessa öngþveitis er  sú ,að  ljósin  sem  hleypa  umferðinni að sunnan til norðurs yfir Miklubrautina   loga  grænt í  um það bil 20 sekúndur og þá komast   5-7  bílar yfir gatnamótin, ef  ökumaður fremsta  bílsins  er sæmilega vakandi, sem er ekki alltaf.

Á þessum 45  mínútum varð mér hugsað til  þess hvað  gerðist ef   slökkvilið eða  lögregla  þyrftu að komast þessa leið. Hér eru engar eru neyðarakreinar  eins og  víða  er í öðrum löndum.

Ef yfirvöld  hefðu haft  döngun í sér   til þess að  gera alvöru gatnamót þar sem Miklabraut og  Kringlumýrarbraut mætast,  hefði umferðin gengið  greitt. Í stað þess að byggja mislæg  gatnamót  eins og  löngu er tímabært, var lappað upp á  þau  gömlu. Það hefur litlu skilað.

Hvernig  halda menn að ástandið verði,  þegar  búið verður  byggja   allar þær  íbúðir sem  nú er  verið  að skipuleggja og teikna út um nes og  holt  í  Kópavogi, Hafnarfirði og  Garðabæ?

Það verður   skelfilegt.

 

PS Ég var 10 mínútur að aka heim.