Heitt í Beijing !

Það er  greinilega venjulegur sumarhiti í Beijing + 30°C , nálægt  35°C  var einhversstaðar sagt. Haft var að gamanmálum í Beijing að þar færi  hitinn aldrei upp  fyrir  38¨C. Hversvegna ?  Vegna þess að ef hitinn  fer upp fyrir  38°C verður  að loka  vinnustöðum og gefa frí.  Þessvegna  sýni opinberir hitamælar aldrei  meiri hita en  38°C! En þetta er náttúrulega bara þjóðsaga. Yao Ming lét hitann ekki á  sig  fá. Myndin er  tekin í Harbin  fyrir  3 árum. Þar er öllu svalara  en í Beijing

Múgur og margmenni -- skjánum !

Svolítið var sérkennilegt að heyra fréttamann  ríkissjónvarpsins  segja horfendum/hlustendum að múgur og margmenni hafi verið á  bryggjunni í Sandgerði ,þegar  Landhelgisgæslumenn sigldu báti kvótalausa  sjómannsins til hafnar. Fréttamyndirnar sýndu hinsvegar örfáar hræður á bryggjunni.

Það er svo sjálfsagt einhverjum umhugsunarefni að  fjölmiðlar hafa sagt alþingismann hafa  aðstoðað  sjómanninn sem  var að  brjóta lög  við að landa  aflanum. Rétt  eins og það  líka er athyglisvert að  annar  alþingismaður lýsti aðdáun sinni á lögbrotum  hinna  svonefndu  "saving Iceland" ungmenna.

En aftur að  "múgnum og margmenninu".  Það er ekki nýtt að  orð og  myndir  falli ekki mjög vel saman í sjónvarpsfréttum.  Sá sem þetta ritar minnist þess að  eitt sinn  fyrir  ævalöngu er hann var að lesa   frétt í sjónvarpi  um hafnargerð í Neskaupstað og   sýnd  var  mynd   af framkvæmdunum. Í  textanum sagði: "Unnið er að hafnargerðinni með  stórvirkum vinnuvélum". Á skjánum birtist hinsvegar mynd af  fullorðnum manni á bryggjunni með   skarexi,sem var  að höggva  til svolítinn spýtukubb. Þá var erfitt að  verjast hlátri.

Fjársjóðsflotinn kínverski - Zheng He

 Það var lofsvert framtak hjá RÚV  að sýna heimildamynd um  kínverska flotaforingjann Zheng He. Þetta var  að vísu ekki þýsk heimildamynd   eins og kynnt var heldur  þýsk  samantekt  úr  sjónvarpsþáttaröð, einir  sex þættir, muni ég rétt   sem  kínverska sjónvarpið  CCTV gerði fyrir nokkrum árum.

 Kvöldstund í Beijing  fyrir  fjórum  árum átti ég þess kost ásamt  fleirum  að  ræða  við  kvikmyndagerðarmanninn sem  stóð fyrir þessari þáttaröð. Þá  kom fram að hann hafði  ekki frjálsar hendur um gerð þáttanna  , því opinberir  eftirlitsmenn urðu að samþykkja allar tökur og texta.

Fyrir þá sem  vilja  kynna sér  þetta efni  betur  bendi ég á  tvær  bækur.

1421 The Year China Discovered the world  eftir  breska  sjóliðsforingjann  Gavin Menzies. Þar kemur Ísland  m.a.  við sögu,  en  kannski   teymikr  frjótt ímyndunaraflið höfundinn  nokkuð langt, en  engu að  síður  eru  tilgátur hans margar afar sennilegar  þótt ótrúlegar kunni að  virðast  við   fyrstu  sýn. Ekki síst  þær  kenningar sem hann byggir á  vindum og hafstraumum  sem hann hann þekkir  flestum  betur sem  kafbátsforingi  í breska  flotanum.Einnig nefni ég  bókina When China Ruled the Seas:The  Treasure Fleet  of the Dragon Throne  eftir Louise Levathes.Sú bók er þurrari  en  öruggari  sagnfræðiheimild.

Í þættinum kom fram  að Kínverjar  voru öldum á  undan   Evrópumönnum í  skipasmíðatækni og  notuðu vatnsþétt skilrúm í  sínum skipum löngu fyrr en Evrópumönnum datt það í hug. þeir   fundu líka upp skutstýri  fyrir  skip ( e. rudder). Áhugavert  efni um  uppfinningar  Kínverja  er   t.d.  að  finna í lítill bók   Science in Traditional  China   sem geymir  nokkra  fyrirlestra  eftir  Joseph Needham, en hann var  frumkvöðull , höfundur og  ritstjóri hins  mikla verks  Science and Civilisation in China .

    Nefndar bækur er auðvelt  að nálgast á   amazon.com

Ekki fráleit samlíking

Samlíkingin Norður Ameríka=Norður Kórea er  hreint ekki svo fráleit þegar grannt er skoðað. Rétt er þó að undanþiggja  Kanada. Við komuna  til Pyongyang höfuðborgar Norður Kóreu  eru  farsímar teknir  af ferðalöngum og  ekki afhentir fyrr en  við brottför úr landinu. Það hefur  sá sem þetta skrifar upplifað.

Svo virðist hinsvegar af  fréttum að  dæma  að bandarísk yfirvöld geti látið  geðþótta  ráða  því hvort  ferðamenn fái  aftur  fartölvur sem  teknar eru  af þeim  við komuna  til landsins.

Þetta  er ótrúlegt í landinu sem stundum  hefur verið nefnt "vagga frelsisins".

Mega haldleggja fartölvur